लूका 10:3 - नुवो नेम (मेवड़ी नया नियम)

³ थाँ जावो अन आद राको, मूँ थाँने गारा के जस्यान करन वरगड़ा का बचमें खन्दारियो हूँ।

लूका 10:3 Iomraidhean Croise

मत्ती 10:16

“देको हूँस्यार रेज्यो, मूँ थाँने अदिकार का हाते अस्यान बारणे खन्दारियो हूँ जस्यान गारा ने वरगड़ा का बचमें खन्दाया जावे ईं वाते हाँप का जस्यान हेंचेत रो अन परेवड़ा का जस्यान भोळा बणो।

मत्ती 10:22

मारा नामऊँ हाराई मनक थाँकाऊँ दसमणी केरी, पण ज्यो आपणी आकरी घड़ी तईं सेण करतो रेई वोईस बचायो जाई।

मत्ती 7:15

“परमेसर का आड़ीऊँ बोलबावाळा जीं जूटा हे, वणाऊँ हेंचेत रेज्यो। वीं थाँका नके गारा का वेस में आवे हे, पण वीं मयनेऊँ अड़क्या वरगड़ा का जस्यान वेवे हे।

लूका 10:4

ईं वाते ने तो बटुवो अन नेई थेलो, नेई एक ओरी जोड़ी पगरख्याँ लो अन नेई गेला में कणीऊँ नमस्कार करबा का वाते रकज्यो।

यहुन्ना 10:12

पण दानकी पे गारा ने चराबावाळो ने तो हव गवाळ्यो वेवे हे अन ने गारा को मालिक वेवे हे। ईं वाते जद्याँ बरगड़ा ने आतो देके, तो गारा ने हुन्ना छोड़न भाग जावे हे अन बरगड़ो वाँने पकड़बा का वाते जपटा मारन वाँने बखेर देवे हे।

यहुन्ना 15:20

ज्यो बाताँ में थाँकाऊँ किदी ही के, दास आपणाँ मालिकऊँ मोटो ने वेवे हे। वाँने आद राकज्यो। यद्याँ वणा मने हतायो हे, तो थाँने भी हताई। यद्याँ वणा मारी बाताँ मानी, तो थाँकी भी मानी।

यहुन्ना 16:2

वीं थाँने परातना घरऊँ बारणे काड़ देई, पण वा टेम आई जद्याँ कुई थाँने मार नाकी, अन अस्यान करन वी हमजी के, ‘आपाँ परमेसर की सेवा कररिया हे।’

थरप्या तका का काम 20:29

मूँ जाणूँ हे के, मारा जाबा के केड़े उगड्याँ तका बरगड़ा थाँका गाबे अई, जो थाँका गारा ने, ने छोड़ी।

थरप्या तका का काम 9:16

मूँ वींने ओ हारोई बताऊँ, जो वींने मारा नाम के वाते सेण करणो पेड़ी।”

थरप्या तका का काम 9:2

अन वे दमिसक का परातना-घराँ को वींने ओळकाण की एक पानड़ी देबा का वाते अरज किदी। ताँके वींने वटे कुई भी ईं पन्त को मनक मले, पलेई वा लुगई वेवे कन आदमी, वो वाँने बन्दी बणान पाच्छा यरूसलेम लावे।