लूका 10:2 - नुवो नेम (मेवड़ी नया नियम)

² वणा वाँकाऊँ क्यो के, “पाक्या तका खेत तो घणा हे। पण, दानक्याँ कम हे। अणी वाते हाक का मालिकऊँ परातना करो के, वो आपणी हाक का वाते दानक्याँ खन्दावे।

लूका 10:2 Iomraidhean Croise

मत्ती 20:1

हरग को राज एक जमींदार का जस्यान हे, ज्यो भाग-फाट्याँ निकळ्यो के, अंगूर का बाग का वाते दानक्याँ लावे।

मरकुस 13:34

ओ अस्यानीस हे, जस्यान कुई मनक कस्यी यातरा पे जातो तको आपणाँ नोकराँ ने आपणो घर हूँप जावे, अन हारा ने न्यारो-न्यारो काम हूँप दे अन चोकीदार ने ओ हुकम दे के, वो जागतो रेवे।

मरकुस 16:15

पछे ईसू वाँने क्यो, “दनियाँ की हारी जगाँ में जावो अन हारई लोगाँ ने हव हमच्यार हुणावो।

मरकुस 16:20

वींका चेला बारणे जान हारी जगाँ परच्यार किदो, वाँकी लारे परबू काम कररिया हा। वाँका अचम्बावाळा काम की वजेऊँ ज्यो वे परच्यार कररिया हा, वीं सिद वेता ग्या।

लूका 9:1

पसे ईसू आपणाँ बाराई थरप्या तका चेला ने एक हाते बलान वाँने हारी हुगली आत्मा अन मांदकी ने छेटी करबा की तागत अन अदिकार दिदो।

थरप्या तका का काम 11:19

जो लोग-बाग इस्तीपनुस की टेम में व्या हतावऊँ बखरग्या हा। वीं फिनिक, साइपरस अन अन्ताक्या में पराग्या अन वे यहूदी मनकाँ नेईस हव हमच्यार हुणाता हा।

थरप्या तका का काम 13:2

वे जद्याँ वरत करता तका परबू की मेमा कररिया हा, तद्याँई पुवितर आत्मा क्यो, “बरनबास अन साउल ने जीं काम के वाते में बलाया हा, वीं काम के वाते वाँने न्यारा कर दो।”

थरप्या तका का काम 13:4

पुवितर आत्माऊँ खन्दान बरनबास अन साउल सलुक्या ग्या, वटूँ नाव में बेटन वे साइपरस नाम का टापू पे पूगा।

थरप्या तका का काम 20:28

ईं वाते थाँ आपणो अन आपणी हाराई गारा को ध्यान राको जिंने पुवितर आत्मा थाँका हात में हुप्याँ हे के, थाँ परमेसर की मण्डली की रुकाळी करो, ज्याँने परमेसर आपणाँ बेटा का लुईऊँ मोल लिदी हे।

थरप्या तका का काम 22:21

अन परबू माराऊँ क्यो, “जा, काँके मूँ थने जो यहूदी ने हे वाँका बचमें नरई छेटी-छेटी खन्दाऊँ।”

थरप्या तका का काम 8:4

वकरिया तका विस्वासी लोग-बाग हर जगाँ जा-जान हव हमच्यारा को सन्देसो हुणाबा लागा।

1 कुरिन्थियों 12:28

अन परमेसर की मण्डली में अलग अलग मनकाँ ने परमेसर अलग अलग रूप में चुण्या हे जस्यान के किंने खन्दाया तका चेला को रूप में, दूजाँ ने परमेसर का आड़ीऊँ बोलबा का रूप में, तीजा ने गरू का रूप में अन किंने तो अचम्बा का काम करबावाळा का रूप में अन किंने तो हव करबावाळा का वरदानाँ में, अन किंने मदत करबावाळा का रूप में अन किंने तो वेवस्ता करबावाळा का रूप में तो किंने तो अलग अलग बोली बोलबावाळा का रूप में चुण्या हे।

1 कुरिन्थियों 15:10

अन आज मूँ ज्यो कई भी हूँ परमेसर की दयाऊँ हूँ अन वींकी दया मारा वाते बेकार ने गी। काँके में दूजाऊँ हेली मेनत किदी हे, पण परमेसर की दया मारा पे हे जणीऊँ मूँ अस्यान कर सक्यो हूँ।

2 कुरिन्थियों 6:1

माँ परमेसर का हाते वाँको काम करबा का मस थाँकाऊँ अरज करा हाँ के, परमेसर की दया ज्यो थाँका पे वीं हे वींने बेकार मती वेबा दिज्यो।

फिलिपियों 2:21

काँके हारई आपणाँ हवारत की भाळ में रेवे हे, ने के ईसू मसी की।

फिलिपियों 2:25

मूँ ओ जरूरी हमजूँ हूँ के, आपणाँ भई इपापरदितुस, ज्यो मारे हाते काम करबा अन लड़ई करबा में मारो हण्डाळ्यो हे। अन जरूत में मारी सेवा-चाकरी करबावाळो थाँका आड़ीऊँ खन्दायो तको दूत हे, वींने थाँका नके खन्दाऊँ।

फिलिपियों 2:30

काँके वो मसी का काम वाते आपणाँ जीव ने अबकी टेम में नाकन मोत का भड़े आग्यो हो, ताँके थाँकी ओरुँ ज्या कमी सेवा में रेगी ही वींने पुरी करे।

कुलुसियों 1:29

ईं वाते मारा में काम करबावाळी मसी की तागतऊँ मूँ अस्यान का काम करबा का वाते घणी मेनत कररियो हूँ।

कुलुसियों 4:12

इपफरास, ज्यो थाँका मेईलोईस हे अन मसी ईसू को दास हे, वो थाँने आद कररियो हे अन हरदाण थाँका वाते आका मनऊँ परातना करे हे। जणीऊँ थाँ हमजदारी अन पूरा भरोसा का हाते परमेसर की मरजी में अटल रेवो।

1 थिस्सुलुनिक्यों 2:9

हो भायाँ-बेना, थाँ माँकी मेनत अन दुक ने आद राको हो ज्यो थाँका बचमें व्यो हो अन माँ रात-दन काम धन्धो करन थाँने परमेसर को हव हमच्यार हुणायो जणीऊँ थाँका पे कई बोज ने पड़े।

1 थिस्सुलुनिक्यों 5:12

हो भायाँ-बेना माँ थाँकाऊँ आ अरज करा हाँ के, जतरा भी मण्डली का अगुवाँ थाँका वाते मेनत करे, परबू में थाँने गेलो बतावे हे अन आदेस देवे हे, वाँको मान करिया करो।

2 थिस्सुलुनिक्यों 3:1

हो विस्वासी भायाँ, माकाँ वाते भी परातना करता रेज्यो, जणीऊँ परबू को हव हमच्यार जस्यान थाँका बचमें फेलरियो हे, वस्यानीस हाराई लोगाँ में बना रकावटऊँ हेलो फेले अन आदर-मान पावे।

1 तिमुतियूस 4:10

आपाँ ईं वाते मेनत अन कोसीस करा हाँ, काँके आपणी आस जीवता परमेसर में हे, जीं हाराई ने, खासतोरऊँ विस्वास्याँ ने बंचाबावाळो हे।

2 तिमुतियूस 4:5

थूँ सान्तीऊँ टक्यो तको रेज्ये अन दुक भोगबा का वाते त्यार रे। हव हमच्यार को परच्यार करबा का वाते घणी मेनत कर अन थाँरी जिमेदारी ने हव तरियाऊँ पुरी करज्ये।

फिलेमोन 1:1

ईसू मसी का हव हमच्यार का वाते बन्दी बण्यो मूँ पोलुस अन भई तिमुतियुस, आपणाँ खास हण्डाळ्याँ का हाते काम करबावाळो फिलेमोन,

इब्रानियों 3:6

पण परमेसर का घराणा में मसी तो एक बेटा का रूप में विस्वास करबा के जोगो हे, अन यद्याँ आपाँ हिम्मत राका अन वीं आस पे विस्वास बण्यो तको राका हा, तो आपींइस वींको घराणो हा।

परकासितवाक्य 2:1

“इपिसुस की मण्डली का दुताँ ने ओ संदेस लिक। जणी हातई तारा आपणाँ जीमणा हात में ले राक्या हे अन होना का हातई दिवा का बचमें में फरे हे वो अस्यान केवे हे के,