लूका 10:11 - नुवो नेम (मेवड़ी नया नियम)

¹¹ ‘थाँके नगर को धूळो जो माँके पगाँ पे लाग्यो हे वो माँ थाँका विरोद में थाँका हामे जाटक रिया हा। तद्याँ भी ओ आद राकज्यो के, परमेसर को राज थाँका का बचमें आ पूग्यो हे।’

लूका 10:11 Iomraidhean Croise

मत्ती 10:14

ज्यो कुई थाँको मान ने केरी कन थाँकी बाताँने ने हुणे तो वीं घरऊँ कन नगरऊँ निकळता तका आपणाँ पगाँ को धूळो वटेई जाटक दिज्यो, अस्यो करन वणा लोगाँ ने चेताज्यो के, परमेसर थाँने दण्ड देई, काँके थाँ वाँका संदेसा ने अनहुण्यो किदा हे।

मत्ती 10:7

अन वणा हाराई ने ओ उपदेस दो के, ‘हरग को राज नके हे।’

मत्ती 3:2

अन परच्यार करबा लागो, “पापऊँ मन फेरो, काँके हरग को राज आबावाळो हे।”

मरकुस 6:11

जद्याँ कसी जगाँ का मनक थाँने ने माने अन थाँकी बात ने हुणे, तो थाँ वा जगाँ छोड़ दिज्यो अन आपणाँ पगाँ को धूळो वटेई जाटक दिज्यो, तद्याँ या बात वाँका वाते चेतावणी रेई के, वाँका नास को कारण वीं खुदईस हे।”

लूका 10:10

पण, जणी नगर में जावो अन वटा का लोग-बाग थाँको आदर ने करे, तो वाँका बजार में जान केवो के,

लूका 10:9

वटा का माँदा मनकाँ ने हव करो अन वाँने केज्यो के, ‘परमेसर को राज थाँका बचमें आ पूग्यो हे।’

लूका 9:5

जणी नगर में थाँकी आवभगत ने वेवे, वटूँ निकळता तका आपणाँ पगाँ को धूळो वटेईस जाटक दिज्यो, ताँके ईं बात को वाँने पतो पड़ जावे के, वाँका नास को कारण वे खुदईस हे।”

थरप्या तका का काम 13:26

ईं वाते भई-लोगाँ, अबराम की ओलादाँ अन थाँकामूँ परमेसरऊँ दरपबावाळा लोगाँ, बंचाबावाळो ओ सन्देसो आपणाँ वातेई खन्दायो ग्यो हे।

थरप्या तका का काम 13:40

ईं वाते अबे हेंचेत रेवो, कटेई परमेसर का आड़ीऊँ बोलबावाळा जो क्यो हो, वो थाँका हाते ने वे जावे,

थरप्या तका का काम 13:46

पण पोलुस अन बरनबास बनाई दरप्या क्यो, “ओ जरूरी हे के, परमेसर का बचन सबऊँ पेल्याँ थाँने हूणावाँ, पण थाँकाणी वाँने नकारता तका खुद ने अमर जीवन जीबा के जोगा ने हमज्या। ईं वाते माँ अबे यहूदियाँ ने छोड़न जो यहूदी ने हे वाँका नके जारिया हा।

थरप्या तका का काम 13:51

पछे पोलुस अन बरनबास वाँका विरोद में आपणाँ पगाँ को धूळो जाटकन इकुनियम पराग्या।

रोमियों 10:21

“पण परमेसर इजराएल्याँ का बारा में क्यो हे, “में हाराई दन मारी ने मानबावाळा अन विरोद वाळा का आगे हात फेलायो हो।”

रोमियों 10:8

सास्तर केवे हे के, “बचन थाँरा नके हे, थाँरा होट पे हे अन थाँरा मन में हे।” वोईस विस्वास को बचन, जिंको आपाँ परच्यार कररिया हा।

इब्रानियों 1:3

वो बेटो परमेसर की मेमा को उजितो हे अन जस्यान परमेसर का लकण हे, वस्यानीस वींका भी लकण हे। वो हारी चिजाँ ने आपणाँ जबरा बचनाऊँ हमाळी राके हे। मनकाँ का पापाँ ने माप करन वो हरग में जान मेमामय परमेसर का जीमणे पाल्डे बेटग्यो हे।