लूका 1:66 - नुवो नेम (मेवड़ी नया नियम)

⁶⁶ हंगळा हूँणबा वाळा आपणाँ मना मेंईस बच्यार करन क्यो, “ओ बाळक कस्यो वेई?” काँके परबू को हात ईंका पे हे।

लूका 1:66 Iomraidhean Croise

लूका 1:80

अन वो बाळक डिल-डोलऊँ अन आत्माऊँ बड़तो तको ज्योरावर वेतो ग्यो। वो इजराएल के हामे परच्यार करबा का दनाँ तईं हुन्ना काँकड़ में रेई।

लूका 2:19

पण, मरियम अणा हंगळी बाताँ आपणाँ मन में राकन होचबा लागी।

लूका 2:40

अन वो बाळक डिल-डोल में जोरावर अन अकल में बड़तो ग्यो अन परमेसर को दया वींपे ही।

लूका 2:51

तो पसे वो वाँका हाते नासरत में पाछो आयो अन वाँकी आग्या को पालण करतो रियो। वींकी बई अणा हारी बाताँ ने आपणाँ मनईंमन में राकी।

लूका 9:44

“अबे मूँ ज्यो केरियो हूँ, वो कानो देन हुणो। मूँ मनक को पूत मनकाँ का हाताँ में धोकाऊँ पकड़वायो जाऊँ।”

थरप्या तका का काम 11:21

परबू की सगती वाँके लारे ही। ईं वाते नरई लोगाँ ईसू पे भरोसो करन परबू का आड़ी आग्या।

कुलुसियों 1:5

ओ वीं आस का वाते व्यो हे ज्या चीज थाँका वाते हरग में राकी तकी हे, जिंका बारा में थाँ हव हमच्यार का हाँचा बचनाऊँ हुण चुक्या हो, ज्यो थाँका नके आवे हे। जद्याँ थाँ वींने हुण्यो हो अन परमेसर की करपा ने पुरी हाँच हमेत हमज्या हा। वीं टेमऊँ लेन अबाणू तईं जस्यान ओ हव हमच्यार थाँका जीवन में काम कररियो हे वस्यानीस आकी दनियाँ में फळ-फुल रियो हे।