लूका 1:6 - नुवो नेम (मेवड़ी नया नियम)

⁶ वीं दुई परमेसर की देकणी में घणा धरमी हा। अन परमेसर की आग्या को अन वींका नेमाँ को वीं पुरी तरियाऊँ पालण करता हा।

लूका 1:6 Iomraidhean Croise

लूका 1:7

वाँके कई ओलाद ने ही। काँके एलीसिबा बाँज ही अन वीं डोकरा-डोकरी हा।

लूका 16:15

ईंपे ईसू वाँने क्यो, “थाँ अस्या लोग-बाग हो, जी मनकाँ का हामे आपणाँ खुद ने धरमी बतावे हे, पण परमेसर थाँका मन ने जाणे हे। मनक जिंने मोटा हमजे हे, वो परमेसर की देकणी में कई ने हे।

लूका 2:25

वीं टेम यरूसलेम में समोन नाम को एक मनक हो, वो धरमी अन भगत हो। वो इजराएल की सान्ती की वाट नाळरियो हो अन पुवितर आत्मा वींका हाते ही।

थरप्या तका का काम 2:25

जस्यान के दाऊद वींका बारा में क्यो हे, “‘में परबुजी ने हमेस्यान आपणाँ हामेईस देक्या हे, वीं मारा हाते हे, ताँके मूँ डगूँ कोयने।

थरप्या तका का काम 23:1

पोलुस मोटी सबा में ताकते तके देक्यो अन क्यो, “हो मारा भायाँ, जो जीवन में आज तईं परमेसर का हामे जिव्यो हे, वींका वाते मारो मन एकदम साप हे।”

थरप्या तका का काम 24:16

ईं वाते मूँ भी परमेसर अन लोगाँ के हामे हमेस्यान आपणी अंतर आत्माने पुवितर राकबा के वाते कोसीस करतो रेऊँ हूँ।

थरप्या तका का काम 8:21

ईं बात में थारी ने पाँती हे अन ने थूँ भेळो हे, काँके थारो मन परमेसर के हामे हव कोयने।

रोमियों 8:4

जणीऊँ आपणाँ में नेमा की जरूत पुरी वे, काँके आपाँ ज्यो देह जस्यान ने पण आत्मा का जस्यान जीवाँ हा।

1 कुरिन्थियों 11:2

मूँ थाँकी बड़ई करूँ हूँ काँके थाँ मने हारी चिजाँ में आद करो हो अन ज्या हिक में थाँने दिदी हे, वींको पालण करो हो।

2 कुरिन्थियों 1:12

माँ आ बात मेपणोऊँ अन साप हरदाऊँ के सका हाँ के, माँ ईं दनियाँ का हाते अन खासतोरऊँ थाँका हाते परमेसर की दया के जस्यान चाल्या हा अन हव तरियाऊँ अन हाँच का हाते चाल्या हा ज्यो परमेसर का आड़ीऊँ मले हे ईं दनियाँ की अकलऊँ ने मले हे।

फिलिपियों 2:15

ताँके थाँ ईं टेड़ी अन नसंगी हुगली पीड़ी का बचमें परमेसर का खरा, स्यवकार अन बना दोस का छोरा-छोरी वे जावो। थाँ अस्यी दनियाँ में तारा के जस्यान चमको,

कुलुसियों 1:22

पण अबे परमेसर सरीर में मसी की देह की मोतऊँ थाँको मेल-मिलाप खुदऊँ करा दिदो हे। ताँके वो थाँने पुवितर, बना कळंक का अन निरदोस बणान खुद का हामे लावे।

1 थिस्सुलुनिक्यों 3:13

जणीऊँ वो थाँका हरदा ने अस्यान पाका करी के, जद्याँ आपणाँ परबू ईसू हाराई पुवितर मनकाँ का हाते आई तो थाँ बापू परमेसर का हामे निरदोस अन पुवितर वेवो।

2 पतरस 3:14

ईं वाते हो मारा लाड़ला भायाँ, थाँ अणा बाताँ की वाट नाळरिया हो, ईं वाते थाँ पुरी कोसीस करो के, परमेसर की नजरा में खरा, बना दोस का अन सान्तीऊँ रेबावाळो केवावो।

1 यहुन्ना 2:29

अन जद्याँ थाँ ओ जाणो हो के, ईसू मसी धरमी हे, तद्याँ थाँ यो भी जाण लो के, ज्यो मनक धरम का काम करे हे, वींइस परमेसर का बेटा-बेटी हे।

1 यहुन्ना 2:3

परमेसर ने हाँची में जाणबा का वाते एकीस गेलो हे के, आपाँ वींका आदेस ने मानाँ अन जद्याँ आपाँ अस्यान करा हाँ, तो वींने हाँची में जाण लेवा हाँ।

1 यहुन्ना 3:7

हो मारा प्यारा बाळकाँ, थाँ किंकई छळ-कपट में मती आज्यो, काँके ज्यो मनक धरम का काम करे हे, वोईस मसी का जस्यान धरमी हे।