लूका 1:17 - नुवो नेम (मेवड़ी नया नियम)

¹⁷ वो एलिया के जस्यान की आत्मा अन तागत में वेन परबू का आगे-आगे चाली। मनकाँ को मन वाँके छोरा-छोरी का आड़ी फेर देई, अन परमेसर की आग्या ने ने मानबावाळा ने धारमिकता की अकल का आड़ी लेजाई। अन मनकाँ ने परबू का वाते त्यार करी।”

लूका 1:17 Iomraidhean Croise

मत्ती 11:14

यद्याँ थें अणी बात पे विस्वास करो तो हुणो, यहुन्नोईस एलियो हे, ज्यो आबावाळो हो।

मत्ती 3:3

यो यहुन्नो वोईस हो जिंका वाते परमेसर का आड़ीऊँ बोलबावाळे यसाया बताते तके क्यो हो के, “हुन्ना काँकड़ में एक बोलबावाळा को हाको हुणारियो हो के, ‘परबू को गेलो त्यार करो अन वींकी हड़क हुदी करो।’”

मत्ती 3:4

यहुन्नो का गाबा ऊँट की ऊन का बण्या तका हा अन वणी कमर में खालड़ा को कमरपट्यो बांद मेल्यो हो। टिड़्या अन हुन्ना काकड़ को हेंत वींको खाणो हो।

लूका 1:16

वो इजराएल का घणा लोगाँ ने परबू परमेसर का आड़ी फेरी।

लूका 1:76

हे मारा बेटा, थूँ, परम परदान परमेसर का आड़ीऊँ बोलबावाळो केवाई। थूँ परबू को गेलो त्यार करबा के वाते वाँके आगे-आगे चाली।

यहुन्ना 1:13

परमेसर की ओलाद वेबा का वाते वीं मनक की मरजी का मस देहऊँ ने जनम्याँ, पण वीं तो परमेसर की मरजीऊँ आत्मिक रूप में जनम्याँ।

यहुन्ना 1:34

में अणा बाताँ ने वेती तकी देकी अन गवई दूँ हूँ के, ‘ओईस परमेसर को पूत हे।’”

यहुन्ना 3:28

थाँ खुद हाराई मारा गवा हो जणी दाण में क्यो हो, ‘मूँ मसी ने हूँ। पण मूँ तो वींके आगे खन्दायो ग्यो हूँ।’

थरप्या तका का काम 10:33

ईं वाते में तरत थने बलाबा खन्दाया अन थें अटे आन हव काम किदो। तो अबे परमेसर की मोजुदगी में माँ वो हारई हुणबा के वाते त्यार हा, जो परबू थने आदेस दिदो हे।

रोमियों 9:23

जणीऊँ ज्याँने वणी आपणी मेमा देबा वाते त्यार कर मेल्या हा अन वींकी दया का जोगा हा, वाँपे वो आपणी मेमा को धन परगट कर सके।

2 तिमुतियूस 2:21

ज्यो खुद ने आ हारी बुरी बाताँऊँ छेटी राकी, तो वो खास काम में काम आई, काँके वणी आपणाँ खुदाखुद ने आपणाँ मालिक परमेसर का वाते दे दिदो हे, जणीऊँ वो हरेक भला काम का वाते त्यार किदो तको वेई।

1 पतरस 2:9

पण थाँ तो अस्या मनक कोयने हो, थाँ तो परमेसर का थरप्या तका मनक हो, थाँ रजवाड़ी याजकाँ की टोळी अन पुवितर परवार का हो, परमेसर थाँने अंदारा का राज मेंऊँ अचम्बावाळा उजिता में लाया हे, जणीऊँ थाँ परबू का अचम्बावाळा काम का बारा में बता सको।

1 यहुन्ना 2:28

हो मारा प्यारा बाळकाँ, ईं वाते थाँ ईसू मसी में बण्या तका रेवो, जणीऊँ जद्याँ वो परगट वेई तद्याँ थाँ हिम्मतऊँ भर जावो अन वींका पाच्छा आबा पे आपाँने वींका हामें हरमा ने मरणो पड़े।

परकासितवाक्य 20:4

तद्याँ में थोड़ाक गाद्‍याँ देकी, वींपे मनक बेट्या तका हा, वाँने न्याव करबा को हक दिदो ग्यो हो। अन में वणा मनकाँ की आत्मा भी देकी ज्याँका माता ईसू मसी की गवई देबा के अन परमेसर को बचन हुणाबा की वजेऊँ काट्या ग्या हा, अन वणा मनकाँ ने ज्यो भी जनावर की अन वींकी मूरत ने पूँजी अन ने वींकी मोर ने आपणाँ माता अन हात में लगई ही। वीं मनक जीवता वेन एक हजार वर का वाते मसी का हाते एक हजार वरा तईं राज करतो रियो।