Biblia Todo Logo
Bìoball air-loidhne

- Sanasan -




यहूदा 1:7 - नुवो नेम (मेवड़ी नया नियम)

7 यो भी आद अवाड़ूँ हूँ के, सदोम अन अमोरा नगर ने अन वाँके नके का नगराँ का मनकाँ ने जीं कुकरम करता हा अन बुरा काम का गेले चालता हा। परमेसर वाँने कदी ने बजबा वाळी वादी में नाकन वाँने दण्ड दिदो अन या बात आपणाँ वाते हिक बणी।

Faic an caibideil Dèan lethbhreac




यहूदा 1:7
27 Iomraidhean Croise  

मूँ थाँकाऊँ हाचेई कूँ हूँ के, न्याव का दन में वीं नगर को हाल सदोम अन अमोरा का हालऊँ घणो खराब वेई।


पण मूँ थाँकाणी केवूँ हूँ के, न्याव का दन थारे लोगाँ की दसा सदोम नगर का लोगाँ की दसाऊँ भी घणी खराब वेई।”


“तद्याँ वो डावा पाल्ड़े वाळाऊँ केई, ‘हो हरापवाळा मनकाँ, मारा हामेंऊँ वीं कदी ने बजबा वाळी वादी में पड़ जावो, ज्या सेतान अन वींका दुताँ का वाते त्यार किदी गी हे।


पण, जीं दन लुत सदोमऊँ निकळग्यो, वणीस दन आकासऊँ वादी अन तेजाब की बरका वरी अन वीं हाराई मनक नास वेग्यो।


कई थाँ ने जाणो हो के, बुरा मनक परमेसर का राज का वारिस ने वेई? धोको मती खावो अन ने गलत वेवार करबावाळो बण, ने मूरताँ पूजो, ने कुकरम, ने मनक मनक का हाते हुगलो काम करे,


अन परबू ईसू मसी जद्याँ आपणाँ हरग-दुत का हाते हगलती तकी वादी में हरगऊँ आई, तो थाँ जी कळेस जेलरिया हो, वो माकाँ हाते थाँने सक-चेन देई।


अन जतरा परमेसर ने ने जाणे अन आपणाँ परबू ईसू का हव-हमच्यार ने ने मानी वाँने दण्ड दिदो जाई।


घणा मनक वाँकी बाताँ मानन हूँगला काम करी, जिंकी वजेऊँ हाँच का गेला की बदनामी किदी जाई।


परमेसर सदोम अन अमोरा जस्या नगरा ने दण्ड देन वानी का ढंगळा बणा दिदा ग्या हा, जणीऊँ पापी मनकाँ का वाते सबक बण सके के, वणा पापी मनकाँ का हाते कई व्यो हो।


पण आज जा धरती अन आकास आपाँ देकाँ हा, वींके आग्या का वजेऊँ वादीऊँ नास वेबा वाते ठमी तकी हे। ईंने वीं टेम का वाते ठाम मेली हे, जद्याँ तईं पापी मनकाँ को न्याव ने जावे अन वाँको नास ने कर दिदो जावे।


Lean sinn:

Sanasan


Sanasan