यहुन्ना 9:7 - नुवो नेम (मेवड़ी नया नियम)

⁷ वणीऊँ क्यो, “जा, अन सिलोह का कुण्ड में धोई ले” (सिलोह को मतलब “खन्दायो तको।”) वणी जान धोयो, अन देकबा लागो अन पाछो आग्यो।

यहुन्ना 9:7 Iomraidhean Croise

मत्ती 11:5

आन्दा पाच्छा देकबा लागा हे अन लंगड़ा चालबा-फरबा लागा हे, कोड़्या को कोड़ हव वेरियो हे अन बेरा हुणरिया हे अन मरिया तका जीवता वेरिया हा। अन दकी अन गरीब मनकाँ ने हव हमच्यार हुणायो जारियो हे।

लूका 13:4

कन थाँ वणा अठारा जणा का बारा में ज्याँका ऊपरे सिलोह को गुमट पड़्यो अन वीं दबन मरग्या, कई होचो हो के, वीं यरूसलेम में रेबावाळा हाराई मनकऊँ हेला पापी हा?

लूका 2:32

वो जी यहूदी ने हे, वाँका वाते थाँकी मुगती को गेलो बताबावाळो उजितो अन थाँका इजराएल का मनकाँ ने मेमा देबावाळो हे।”

यहुन्ना 10:36

तो जद्याँ में क्यो के, मूँ परमेसर को बेटो हूँ। तो थाँ क्यो, ‘मूँ परमेसर की नन्दयाँ करूँ हूँ।’ पण मूँ तो वोईस हूँ, जिंने परमेसर चुणन ईं दनियाँ में खन्दायो हे।

यहुन्ना 11:37

पण वाँका मूँ कुई केबा लागा, “अणी आंदा की आक्याँ खोली, तो कई यो लाजर ने मरबाऊँ ने बंचा सकतो?”

यहुन्ना 9:11

वणी जवाब दिदो, “ईसू नाम को एक मनक धूळो आलो करन मारी आक्याँ पे लगायो अन माराऊँ क्यो, ‘सिलोह का कुण्ड में जान धोई ले।’ तो मूँ ग्यो अन जस्यानी में धोयो तो देकबा लागो।”

यहुन्ना 9:39

तद्याँ ईसू क्यो, “मूँ जगत में न्याव करबा का वाते आयो हूँ, ताँके ज्यो आंदा हे, वीं देकबा लागे अन ज्यो देके हे, वीं आंदा वे जाई।”

थरप्या तका का काम 26:18

थूँ वाँकी आक्याँ ने खोले अन वीं अंदाराऊँ उजिता का आड़ी, अन सेतान की सगतिऊँ परमेसर का आड़ी फरे ताँके वाँने पापाऊँ मापी मले अन परमेसर का चुण्या तका लोगाँ के हाते वीं भी बापोती में भेळा वेवे।’

रोमियों 8:3

काँके ज्यो काम नेम मनकाँ का पापी हाव-भाव का मस कमजोर वेन ने कर सक्या, वो काम परमेसर किदो, मतलब ओ के, परमेसर आपणाँ बेटा ने आपणी जस्यान पाप की देह में आपणाँ पाप का वाते बली वेबा का वाते खन्दायो। जणीऊँ वो पापी देह में पाप ने दण्ड दिदो।

गलातियों 4:4

पण जदी ते किदो टेम पूरो वेग्यो, तो परमेसर आपणाँ छोरा ने आपणाँ नके खन्दायो, ज्यो एक कूँवारी लुगईऊँ जनम्यो अन मूसा का नेमाँ का केबा में रियो।