यहुन्ना 9:17 - नुवो नेम (मेवड़ी नया नियम)

¹⁷ फरीसियाँ वी आन्दाँऊँ पाछो पूँछ्यो, “वणी थारी आक्याँ खोली हे। थूँ वींका वाते कई केवे हे?” वणी क्यो, “वो परमेसर का आड़ीऊँ बोलबावाळो हे।”

यहुन्ना 9:17 Iomraidhean Croise

मत्ती 21:11

लोग-बागाँ क्यो, “ओ गलील का नासरत नगर को परमेसर का आड़ीऊँ बोलबावाळो ईसू हे।”

लूका 24:19

ईसू वणाऊँ पूँछ्यो, “कस्यी बाताँ?” वणा ईसू ने क्यो, “हारी बाताँ नासरत का ईसू का बारा में हे, वो अस्यो मनक हो, जणी ज्यो भी क्यो हो अन ज्यो किदो हो अणीऊँ वणी परमेसर अन हाराई लोग-बागाँ का हामे यो बता दिदो के, वो एक मोटो परमेसर का आड़ीऊँ बोलबावाळो हो।

यहुन्ना 4:19

वीं लुगई क्यो, “हो मारा मालिक मने पतो पड़रियो हे के, थूँ परमेसर का आड़ीऊँ बोलबावाळो हे।

यहुन्ना 6:14

तद्याँ ज्यो परच्यो ईंस बतायो वींने वीं लोग देकन केबा लागा के, “ईं दनियाँ में ज्यो परमेसर का आड़ीऊँ बोलबावाळो आबावाळो हे। हाँची में यो वोईस हे।”

यहुन्ना 9:15

ईं वाते फरीसियाँ वींने एक दाण पाछो पूँछबा लागा, “थाँरी आक्याँ कस्यान खलगी?” वणी मनक क्यो, “वणी थोड़ोक आलो धूळो मारी आक्याँ पे लगायो अन में धोयो अन अबे मूँ देक सकूँ हूँ।”

थरप्या तका का काम 10:38

ईसू नासरी का बारा में थाँ तो जाणो हो, परमेसर पुवितर आत्मा अन सगतिऊँ वींको तलक कस्यान किदो हो। वणी हव काम किदा अन सेतानऊँ दकी हारई जणा ने हव करतो तको च्यारूँमेर कस्यान गुमतो हो, काँके परमेसर वाँकी लारे हो।

थरप्या तका का काम 2:22

“ओ इजराएल का लोगाँ, आ बाताँ हुणो, परमेसर, ईसू नासरीऊँ अनोका काम, परच्या अन हेन्याण्याँ करान ओ साबत किदो के, वणा वींने थाँका वातेईस खन्दायो हे, जो थाँके गाबे व्यो हे अन थाँ खुद भी जाणो हो।