यहुन्ना 8:44 - नुवो नेम (मेवड़ी नया नियम)

⁴⁴ थाँको बाप तो सेतान हो अन थाँ वींकी मरजी ने पुरी करणा छावो हो। वो तो ठेटऊँ हत्यारो हो। वो कदी भी हाँच का आड़ी ने रियो, काँके वींमें हाँच कोयने हे, जद्याँ वो जूट बोले हे, तो आपणाँ हाव-भाव के तरिया बोले हे। काँके वो जूटो हे अन हरेक जूट को बाप हे।

यहुन्ना 8:44 Iomraidhean Croise

मत्ती 12:34

हो हाँप का बच्या, थें बुरा वेन कस्यान हव बाताँ कर सको हो? काँके ज्यो मन में हे, वोईस मुण्डा में आवे हे।

मत्ती 13:15

काँके अणा मनकाँ को मन गाटो वेग्यो हे, अणा वाँने कान्दड़ाऊँ हूणाणो बन्द वेग्यो अन वाँकाणी आपणी आक्याँ बन्द कर लिदी हे। ताँके कटे अस्यान ने वे जावे के, वाँकी आक्याँ देकती, कान्दड़ा हूणता, अन वाँका मनऊँ हमजता जणीऊँ वीं आपणाँ मन ने पापऊँ फेरन मारा नके आता अन मूँ वाँने बंचाऊँ।’”

मत्ती 13:38

खेत या दनियाँ हे, हव बीज परमेसर का राज का मनक अन चारो सेतान की ओलाद हे।

यहुन्ना 6:70

ईसू वाँने क्यो, “कई में थाँ बारेई जणा ने चुण्या हे? पछे भी थाँकामूँ एक जणो सेतान हे।”

यहुन्ना 7:17

यद्याँ कुई वींकी मरजी पे चालणो छावे, तो वीं खुद ईं हिकऊँ जाण जाई के, या हिक परमेसर का आड़ीऊँ हे कन मारा आड़ीऊँ हे।

यहुन्ना 8:38

मूँ वोईस बताऊँ हूँ जस्यान मने मारा बापू परमेसर बतायो हे अन थाँ वोईस करो जस्यान थाँ थाँका बापूऊँ हुण्यो हे।”

यहुन्ना 8:41

थाँ तो थाँका बाप को काम कररिया हो।” वणा ईसुऊँ क्यो, “माँ कूकरमऊँ पेदा ने व्या हा। माँको एकीस बाप हे अन वो परमेसर हे।”

यहुन्ना 8:55

थाँ वींने ने जाणो हो, पण मूँ वींने जाणूँ हूँ। यद्याँ मूँ केतो के, मूँ वींने ने जाणतो, तो मूँ थाँका जस्यान जूट बोलवावाळो जूटो ठेरतो। पण मूँ वींने जाणूँ हूँ अन वींका बचना को पालण करूँ हूँ।

थरप्या तका का काम 13:10

“हे हंगळा छळ-कपटऊँ भरिया तका सेतान का पूत, थूँ हारी तरिया की भलई को दसमण, कई थूँ परबू का हव गेला ने बगाड़णो ने छोड़ी?

थरप्या तका का काम 24:9

यहूदियाँ मनकाँ भी वणी वकील का हाते रेन क्यो, ईं बाताँ अस्यानीस हे।

थरप्या तका का काम 5:3

ईं बात पे पतरस क्यो, “ए हनन्या, सेतान थाँरा मन में आ बात कस्यान ले आयो के, थूँ पुवितर आत्माऊँ जूट बोले अन जगाँ-जमीं का आया रिप्या-कोड़ीऊँ थोड़ाक बंचान आपणाँ नके राक ले।

2 कुरिन्थियों 11:3

पण मने दरपणी लागे हे, काँके कदी अस्यान ने वेजा के, जस्यान धरती की पेली लुगई ज्या हवा ही, वींने हाँप आपणी चालऊँ भटका दिदी ही, वस्यानीस ईं थाँका मन भी मसी की भगतीऊँ अन पवितरताऊँ ज्यो आपाँने मसी का वाते राकणी छावे, वणीऊँ भटका ने दिदो जावे।

1 पतरस 5:8

थाँ हूँस्यार रेवो अन जागता रेज्यो, काँके थाँको दसमण सेतान दहाड़ करबावाळो नार की जस्यान ईं भाळ में हे के, वो थाँने फाड़न खावे।

2 पतरस 2:4

काँके परमेसर वणा हरग दुताँ ने जी पाप करिया हा, वाँने भी ने छोड़्या अन वाँने पाताळ में अंदारा की कोटड़ी में नाक दिदा हे, ताँके वीं न्याववाळा दन तईं वटे पड़्या रे।

1 यहुन्ना 1:8

यद्याँ आपाँ केवा के, आपाँ में कई पाप ने हे, तो आपाँ खुद ने धोको देवा हा अन आपणाँ में हाँच ने हे।

1 यहुन्ना 2:21

कई थाँने अस्यान लाग के, मूँ ओ कागद ईं वाते लिकूँ हूँ के, थाँ हाँच ने, ने जाणो? पण थाँ तो हाँच ने जाणो हो अन यो भी जाणो हो के, हाँच में जूट ने वेवे हे।

1 यहुन्ना 2:4

पण यद्याँ कुई मनक अस्यान केवे हे के, “मूँ परमेसर ने जाणूँ हूँ” पण वींका आदेस ने, ने माने, तद्याँ वो मनक जूटो हे अन वींका मन में हाँच कोयने हे।

1 यहुन्ना 3:12

आपाँने केन का जस्यान ने वेणो हे, ज्यो सेतान का आड़ीऊँ हो, जणी आपणाँ भई ने मार दिदो हो। काँके वींके भई का काम धरम का हा अन केन का काम बुरा हा, ईं वजेऊँ वणी वींने मार नाक्यो।

1 यहुन्ना 3:15

वीं हाराई मनक जीं खुद का भईऊँ दसमणी राके हे, वीं हत्यारा हे, थाँ ओ तो जाणोइस हो के, ज्यो मनक हत्यारो हे, वींमें अनंत जीवन की आस कोयने हे।

यहूदा 1:6

वो वणा दुताँ ने जीं आपणो पद ने हमाळन राक सक्या, वाँने परमेसर हमेस्यान का वाते वादी की सुल में न्याव का दन तईं न्याव वेबा का वाते बन्द कर दिदा हे।

परकासितवाक्य 12:9

अन वीं मोटा अजगर ने धरती पे फेंक दिदा ग्यो ओ वोईस पुराणो मोटा हाँप हे जिंने दानव कन सेतान क्यो ग्यो हे। ओ हारी दनियाँ ने भरमातो रेवे। ईं अजगर ने ईंका दुताँ का हाते धरती पे फेंक दिदा ग्या।

परकासितवाक्य 13:14

वो पेला डरवाणा जनावर का हकऊँ चमत्कार बतातो हो। वो धरती पे रेबावाळा मनकाँ ने भरमातो अन बोलतो हो के, जीं पेला जनावर के तरवारऊँ घाव व्यो हो, वो ठीक वेग्यो हे, थाँ वींकी मूरत बणावो, ताँके वींने मान मले।

परकासितवाक्य 2:10

जो दुक थने जेलणो हे वणीऊँ मती दरप, काँके सेतान थाँका मेंऊँ घणा ने परकबा का वाते जेल में नाक देई। थने वटे दस दनाँ तईं दुक जेलणो पड़ी, पण थूँ हाँचो रेज्ये पलई थाँरी मोत ईं कानी वे जावे। तो मूँ थने जुग-जुग का जीवन को मुकट देऊँ।

परकासितवाक्य 21:8

पण दरपण्या अन बना विस्वासवाळा, भरस्ट, हत्यारा अन कुकरमी, जादु-टोना करबावाळा, मूरती पुजबावाळा, अन हाराई जूट बोलबावाळा को भाग वीं कुण्ड में मली ज्यो हमेस्यान बळतो रेवे हे। या दूजी मोत हे।”

परकासितवाक्य 22:15

पण जादु-टोना करबावाळा, कुकरमी, हत्यारा, मूरती पुजबावाळा, अन हरेक तरियाऊँ जूट पे चालबावाळा, जूटऊँ परेम करबावाळा ईं अड़क्या गण्डकड़ा का जस्यान हे अन ईं हाराई नगरऊँ बारणे पड़्या रेई।

परकासितवाक्य 9:11

पाताळ को दूत वणा को राजा हो, वींको नाम इबरानी बोली में अबद्दोन अन युनानी बोली में अपुलयोन हो। अणा दुई नामा को अरत नास करबावाळो वेवे हे।