यहुन्ना 8:2 - नुवो नेम (मेवड़ी नया नियम)

² अन आगले दन भाग-फाट्याँ पाच्छा मन्दर की चोकी में आया अन हारई लोग-बाग वाँका नके आया जद्याँ वीं बेटन वाँने हिकबा लागा।

यहुन्ना 8:2 Iomraidhean Croise

मत्ती 26:55

वीं टेम ईसू भीड़ऊँ क्यो, “कई थाँ तरवाराँ अन लठ लेन मने चोर का जस्यान पकड़बा का वाते आया हो? मूँ हरेक दन रोज मन्दर में बेटन उपदेस दिया करतो हो, तद्याँ तो थाँ मने ने पकड़्यो।

लूका 21:37

ईसू वणा दनाँ में मन्दर में उपदेस करतो हो अन रात ने बारणे जान जेतुन नाम का मंगरा ऊपरे रिया करतो हो।

लूका 21:38

अन रोज हवेर पेल्याँ वेगा नरई लोग-बाग वींका उपदेस हूँणबा का वाते मन्दर में वींका नके आया करता हा।

लूका 4:20

पसे वणी किताब बन्द करन सेवा-चाकरी करबावाळा का हात में दिदी अन रेटे बेटग्यो अन परातना घर का हाराई मनक वींने देकबा लागा।

लूका 5:3

अन ईसू वणा नावाँ मूँ समोन की नाव में चड़न वणीऊँ क्यो, “नाव ने कनाराऊँ थोड़ीक ऊण्डा पाणी में ले चालो।” तद्याँ वी नाव में बेटन लोगाँ ने उपदेस देबा लागा।

यहुन्ना 4:34

ईसू वाँने क्यो, “मारो खाणो ओ हे के, मूँ मने खन्दाबावाळा की मरजी पे चालूँ अन वींको काम पूरो करूँ, ज्यो वणी मने हुप्यो हे।

यहुन्ना 8:20

ईं बाताँ वणी मन्दर के दान-पेटी का भड़े हिक देती दाण क्यो अन कणी भी वींने ने पकड़्यो, काँके वींको टेम आलतरे ने आयो हो।

यहुन्ना 8:3

तद्याँ नेमा ने हिकाबावाळा अन फरीसी लोग कुकरम में पकड़ाणी तकी एक लुगई ने वटे लाया अन वींने हाराई का बचमें ऊबी कर दिदी।

थरप्या तका का काम 5:21

वे ओ मानन भाग-फाट्याँ मन्दर में जान लोगाँ ने हिकाबा लागा। अन वटे मोटा याजक अन वाँका हण्डाळी यहूदी सबा का हारी इजराएल का बूढा मनकाँ की मोटी सबा बलई। पछे वाँकाणी जेळऊँ थरप्या तका ने लाबा को हुकम दिदो।