यहुन्ना 7:39 - नुवो नेम (मेवड़ी नया नियम)

³⁹ ईसू या बात पुवितर आत्मा का बारा में किदी ही, ज्या वींपे विस्वास करबावाळा ने मलबावाळी ही। अबाणू तईं या आत्मा किंने भी ने मली ही, काँके ईसू आलतरे आपणी मेमा उटाया ने ग्या हा।

यहुन्ना 7:39 Iomraidhean Croise

मत्ती 16:14

वाँकाणी क्यो, “कुई तो यहुन्नो बतिस्मो देबावाळो केवे हे, अन कुई एलिया, अन घणा खरा यिर्मयाह कन परमेसर का आड़ीऊँ बोलबावाळो मेंऊँ कस्योई एक माने हे।”

मत्ती 21:11

लोग-बागाँ क्यो, “ओ गलील का नासरत नगर को परमेसर का आड़ीऊँ बोलबावाळो ईसू हे।”

लूका 24:49

अन देको, जणी पुवितर आत्मा ने देबा को वादो परमपिता किदो हो, वींने मूँ थाँका ऊपरे उतारू, पण जद्याँ तईं हरगऊँ तागत ने पावो तो थाँ ईं नगर मेंईस रेज्यो।”

लूका 3:16

यहुन्ने वणाऊँ क्यो, “मूँ तो थाँने पाणीऊँ बतिस्मा देरियो हूँ। पण, ज्यो आबावाळो हे, वो माराऊँ घणो ज्योरावर हे। मूँ वींके अतरोक लायक भी ने हूँ के, वींकी पंगरख्या ने खोल सकूँ। वी पुवितर आत्मा अन वादीऊँ थाँने बतिस्मो देई।

लूका 7:16

ईंपे वीं हाराई मनक दरपग्या अन परमेसर की जे-जेकार करबा लागा के, “आपणाँ बसमें एक मोटा परमेसर का आड़ीऊँ बोलबावाळो परगट व्यो हे।” अन केबा लागा के, “परमेसर आपणाँ लोगाँ की मदत करबा ने आग्या हे।”

यहुन्ना 1:21

तद्याँ वणा वींकाऊँ पूँछ्यो, “तो थूँ कूण हे? कई, थूँ एलियो हे?” यहुन्ने वाँने जवाब दिदो, “ने, मूँ वो ने हूँ।” तो वणा पूँछ्यो, “कई थूँ परमेसर का आड़ीऊँ बोलबावाळो हे?” वणी क्यो, “कोनी।”

यहुन्ना 1:25

अणा वींकाऊँ ओ सवाल किदो के, “यद्याँ थूँ मसी ने हे, अन ने एलियो, अन ने परमेसर का आड़ीऊँ बोलबावाळो हे, तो पछे मनकाँ ने बतिस्मा कई लेबा ने देवे हे?”

यहुन्ना 1:33

मूँ तो वींने ओळकतो ने हो, पण परमेसर मने पाणीऊँ बतिस्मो देबा का वाते खन्दायो, वणा मने क्यो, ‘थूँ पुवितर आत्माने उतरती अन किंके ऊपरे रकती तकी देकी, ओ वोईस मनक वेई, ज्यो पुवितर आत्माऊँ बतिस्मो देई।’

यहुन्ना 12:16

वाँका चेला ने वीं टेम ईं बाताँ नंगे ने पड़ी ही, पण जद्याँ ईसू मेमा परगट वीं, तद्याँ वाँने हमज में आयो के, ईं बाताँ वींके बारा मेंईस सास्तर में लिकी गी ही के, मनक वाँकाऊँ ईं तरियाँ को वेवार किदो हो।

यहुन्ना 12:23

ईं बात पे ईसू वाँने क्यो, “वाँ टेम आगी हे के, मनक का पूत की मेमा वेवे।

यहुन्ना 14:13

ज्यो कई थाँ मारा नामऊँ मांगो, वो मूँ करूँ, ताँके पूत की वजेऊँ परमेसर की बड़ई वेवे।

यहुन्ना 14:26

पण हण्डाळी को मतलब पुवितर आत्मा जिंने परमेसर मारा नामऊँ खन्दाई, वाँ थाँने हारी बाताँ हिकाई अन ज्यो कई में थाँकाऊँ क्यो हे, वो हारोई थाँने आद अवाड़ी।

यहुन्ना 16:14

वाँ मारी मेमा करी, काँके वाँ मारी बाताँ मूँ लेन थाँने बताई।

यहुन्ना 16:7

तो भी मूँ थाँकाऊँ सई केवूँ हूँ के, मारो जाणो थाँका वाते हव हे, काँके यद्याँ मूँ ने जाऊँ तो वो हण्डाळी थाँका नके ने आई। पण यद्याँ मूँ जाऊँ, तो वींने थाँका नके खन्दा देऊँ।

यहुन्ना 17:1

ईसू ईं बाताँ किदी अन आपणी मुण्डो हरग आड़ी करन क्यो, “ओ मारा बापू, वाँ टेम आगी हे, आपणाँ पूत की मेमा करो, ताँके पूत भी थाकी मेमा करे।

यहुन्ना 17:5

अन अबे हो बापू, थूँ आपणाँ हाते मारी मेमा वीं मेमाऊँ करज्यो दनियाँ का बणावाऊँ पेल्याई आपणाँ हाते ही।

यहुन्ना 20:22

ओ केन वाँ वाँपे फूँक लगई अन क्यो, “पुवितर आत्माने गरण करो।

यहुन्ना 6:14

तद्याँ ज्यो परच्यो ईंस बतायो वींने वीं लोग देकन केबा लागा के, “ईं दनियाँ में ज्यो परमेसर का आड़ीऊँ बोलबावाळो आबावाळो हे। हाँची में यो वोईस हे।”

यहुन्ना 7:12

ईसू का बारा में लोगाँ में छाने-छाने घणी बाताँ वी। कतराई तो केता हाँ, “वो भलो मनक हे।” अन दूजाँ केता हा के, “ने, वो तो लोगाँ ने भरमावे हे।”

यहुन्ना 8:54

ईसू वाँने क्यो, “यद्याँ मूँ खुद को मान करतो, तो वो मान कई ने हे। पण मने मान देबावाळो मारो बाप हे, जिंने थाँ थाँको परमेसर केवो हो।

थरप्या तका का काम 19:2

अन वाँने पूँछ्यो, “कई थाँ विस्वास किदो वीं दाण पुवितर आत्माने पई?” वाँकाणी क्यो, “माँ तो पुवितर आत्मा की बात ने हुणीस कोयने।”

थरप्या तका का काम 2:17

“‘परमेसर केवे के अन्त की टेम में अस्यो वेई के, मूँ आपणी आत्मा हारई मनकाँ में नाकूँ, थाँका बेटा-बेटी परमेसर का आड़ीऊँ बोलबा लाग जाई, थाँका मोट्यार मनक दरसावो देकी, अन भूण्डा-ठाड़ा लोग-बाग हपनो देकी।

थरप्या तका का काम 2:33

ईसू परमेसर का जीमणा पाल्डे आपणो हंगळाऊँ ऊसी जगाँ बिराजो अन जस्यान परमेसर वादो किदो वस्यान पुवितर आत्मा पई। वाईस पुवितर आत्मा आपणाँ ने दे दिदी, जिंका बारा थाँ देकरिया अन हुणरिया हो।

थरप्या तका का काम 2:38

पतरस वाँने क्यो, “मन ने बदलो अन आपणाँ पापाँ की मापी के वाते थें हारई ईसू मसी का नामऊँ बतिस्मो लेवो। परमेसर थाँने पापाऊँ मापी देई अन थाँने पुवितर आत्मा को दान मल जाई।

थरप्या तका का काम 2:4

वीं हाराई जणा पुवितर आत्माऊँ भरग्या अन जस्यान पुवितर आत्मा की सामरत वाँने मली वीं तरे-तरे की बोली में बोलबा लागा।

थरप्या तका का काम 3:13

अबराम, इसाक अन याकूब का परमेसर, आपणाँ बड़ाबा का परमेसर आपणाँ सेवक ईसू की मेमा किदी। थाँकाणी वींने मराबा के वाते पकड़वा दिदो अन पछे पिलातुस वींने छोड़बा की बात ठाणी, तो थाँ लोगाँ पिलातुस के हामे भी वींने नकार दिदो।

थरप्या तका का काम 4:31

जद्याँ वणा परातना कर लिदी, तो वाँ जगाँ जटे वे अगेटा व्या हाँ, हालगी। अन वे हारई पुवितर आत्माऊँ भरग्या अन परमेसर का वसना ने बना दरप्याई हुणाबा लागग्या।

रोमियों 8:9

पण यद्याँ हाँची में थाँकामें परमेसर की आत्मा वास करे हे तो थाँ देह की मरजी का जस्यान ने जीवो, पण आत्मा का जस्यान जीवो। यद्याँ किंमें ईसू मसी की आत्मा ने हे तो वो मसी को ने हे।

2 कुरिन्थियों 3:8

तो पछे आत्मा का जस्यान वेबावाळी सेवा वणीऊँ हेली चमकिली काँ ने वेई?

इपिसियों 4:30

परमेसर की पुवितर आत्माने दकी मती करो, काँके छुड़ाबा के दन का वाते वा खुद छाप थाँका पे लागी हे।