यहुन्ना 7:37 - नुवो नेम (मेवड़ी नया नियम)

³⁷ पछे तेवार के आकरी दन ज्यो खास दन वेतो हो। वीं दन ईसू ऊबो वेन जोरऊँ क्यो, “यद्याँ कुई तरियो वे तो मारा नके आवे अन पिवे।

यहुन्ना 7:37 Iomraidhean Croise

मत्ती 11:28

“ओ थाँक्या, माँदा अन बोजऊँ दब्या तका मनकाँ, मारा नके आवो, मूँ थाँने आराम देवूँ।

मत्ती 3:3

यो यहुन्नो वोईस हो जिंका वाते परमेसर का आड़ीऊँ बोलबावाळे यसाया बताते तके क्यो हो के, “हुन्ना काँकड़ में एक बोलबावाळा को हाको हुणारियो हो के, ‘परबू को गेलो त्यार करो अन वींकी हड़क हुदी करो।’”

मत्ती 5:6

धन्ने हे वी ज्यो धरम का काम करबा में आगता रेवे हे, परमेसर वाँकी मरजी पुरी करी।

यहुन्ना 1:23

जस्यान यसाया परमेसर का आड़ीऊँ बोलबावाळा लिक्यो हो, वींके जस्यान यहुन्ने वाँकाऊँ क्यो, “मूँ काँकड़ में एक हाका करबावाळा की वाणी हूँ के, ‘थाँ परबू का वाते गेलो हुदो करो।’”

यहुन्ना 14:6

ईसू वींने क्यो, “हाँच, जीवन अन गेलो मूँईस हूँ। मारा बना कुई परमेसर का नके ने जा सकी।

यहुन्ना 4:10

ईसू वींने जवाब दिदो, “यद्याँ थूँ परमेसर का दान ने जाणती, अन ओ भी जाणती वो कुई हे, ज्यो थाँराऊँ केवे हे, ‘मने पाणी पा’, तो थूँ वणीऊँ मांगती अन वो थने जीवन को जळ देतो।”

यहुन्ना 4:11

वणी लुगई वाँकाऊँ क्यो, “हो हुकम, थाँके नके पाणी भरबा को तो कई ने हे अन कूड़ो भी ऊण्डो हे, तो वो जीवन को जळ थाँरा नके कटेऊँ आयो?

यहुन्ना 4:14

पण ज्यो कुई वो पाणी पीई ज्यो मूँ वाँने देऊँ, वाँने पाच्छी कदी तर ने लागे। पण ज्यो पाणी मूँ वाँने देवूँ, वो वींमें अनंत जीवन देबावाळी नंदी बण जाई।”

यहुन्ना 5:40

पछे भी थाँ अनंत जीवन पाबा का वाते मारा नके ने आणा छावो हो।

यहुन्ना 6:35

तद्याँ ईसू वाकाँऊँ क्यो, “जीवन की रोटी मूँ हूँ। ज्यो मारा नके आवे हे वो कदी भुको ने रेई, अन ज्यो मारा पे विस्वास करे हे, वो कदी तरियो ने रेई।

यहुन्ना 6:37

ज्याँने भी परमेसर मने हुप्याँ हे वीं हाराई मारा नके आई अन ज्यो कुई मारा नके आई, वणाऊँ मूँ कदी भी मुण्डो ने फेरूँ।

यहुन्ना 6:55

काँके मारी देह हाँचो खाणो हे अन मारो लुई हाँची पिबा की चीज हे।

यहुन्ना 7:28

तद्याँ ईसू मन्दर में हिक देता तका जोरऊँ क्यो, “थाँ केवो हो के, थाँ हाँची में मने जाणो हो अन यो भी जाणो हो के, मूँ कटा को हूँ। मूँ खुद आपणाँ आड़ीऊँ ने आयो, पण मने खन्दाबावाळो हाँचो हे। वींने थाँ ने ओळको हो।

1 कुरिन्थियों 10:21

थाँ परबू का प्याला मूँ अन हुगली आत्मा का प्यालो मूँ दुयाऊँ ने पीं सको हो। थाँ परबू का भोज अन हुगली आत्मा का भोज, दुयाँ में एक हाते भागी ने वे सको हो।

1 कुरिन्थियों 10:4

अन हाराई एकीस आत्मिक पाणी पिदो, काँके वीं वणी आत्मिक छाटऊँ पीता हा, ज्यो वाँका हाते-हाते चालती ही अन वाँ छाट मसी हे।

1 कुरिन्थियों 11:25

अन खाणो खाया केड़े अणीस तरियाँ वणा प्यालो लिदो अन क्यो, “यो प्यालो मारा लुई में एक नवो करार हे। जद्याँ भी थाँ ईंमेंऊँ पियो, तद्याँ मने आद करबा का वाते अस्यान करता रेज्यो।”

1 कुरिन्थियों 12:13

काँके आपाँ हाराई में पलई यहूदी वो, पलई ज्यो यहूदी ने हे वीं वो, पलई दास वो, पलई आजाद वे, आपाँ हाराई ने एकीस आत्माऊँ एकीस देह वेबा का वाते बतिस्मो दिदो ग्यो हे अन आपाँने एकीस आत्मा दिदी गी हे।

इपिसियों 5:18

दारुँड़ीया मती बणो, काँके ईंऊँ नागाईपणो वेवे हे, पण आत्माऊँ भर जावो।

परकासितवाक्य 21:6

पछे वणी माराऊँ क्यो, “ईं बाताँ पुरी वेगी हे। मूँ अलफा अन ओमेगा, सरुआत अन अन्त हूँ। मूँ तरियाँ ने जीवन का पाणी का सोताऊँ फोकट में पाणी पाऊँ।

परकासितवाक्य 22:1

ईंका केड़े वीं हरग-दुत मने जीवन देबावाळा पाणी की एक नंदी बतई। वाँ नंदी बिल्‍लोर का काँस जस्यान चमकती तकी पुवितर ही। वा नंदी परमेसर अन उन्याँ का वटेऊँ निकळन नगर की हड़क का वसा-वस वेती ही।

परकासितवाक्य 22:17

पुवितर आत्मा अन लाड़ी केवे हे, “आ।” अन ज्यो ईंने हुणे हे, वीं भी केवे, “आ।” अन ज्यो तरियो हे वो भी आवे अन ज्यो कुई छाई, वो जीवन को पाणी फोकट में पिया करी।