यहुन्ना 7:33 - नुवो नेम (मेवड़ी नया नियम)

³³ ईंपे ईसू क्यो, “मूँ थोड़ी देर तईं थाँका रेवूँ हूँ, तद्याँ मूँ मारा खन्दाबावाळा के नके पाछो परो जाऊँ।

यहुन्ना 7:33 Iomraidhean Croise

मरकुस 16:19

जदी परबू ईसू वाँकाऊँ बात कर लिदी, तो वे हरग में उठा लिदा ग्या। वो परमेसर का जीमणा पाल्ड़े जान बेटग्या।

यहुन्ना 13:1

फसे का तेवार पेल्याँ जद्याँ ईसू जाणग्यो के, “मारी वाँ घड़ी आ पूगी हे के, मूँ दनियाँ छोड़न बापू का नके जाऊँ।” तो ईसू आपणाँ लोगाऊँ ज्यो दनियाँ में हाँ, जस्यान परेम वो राकतो हो आकरी तईं वस्यानीस परेम राकतो रियो।

यहुन्ना 13:3

ईसू, यो जाणता हा के, “परमेसर हारोई मारा हाताँ में कर दिदो हे अन मूँ परमेसर का नकेऊँ आयो हूँ अन परमेसर का नके जावूँ हूँ।”

यहुन्ना 13:33

“हो मारा प्यारा बाळकाँ, मूँ थाँका लारे थोड़ीक देर तईं हूँ, थें मने होदो अन जस्यान में यहूदी अदिकारियाऊँ क्यो हे, वस्यानीस मूँ थाँकाऊँ भी केवूँ हूँ, ‘जटे मूँ जारियो हूँ वटे थाँ ने जा सको।’

यहुन्ना 14:12

“मूँ थाँकाऊँ सई-सई केवूँ हूँ के, ज्यो मारा पे विस्वास करे हे, वो ज्यो काम मूँ करूँ हूँ वो भी करी। पण अणीऊँ भी मोटा काम करी, काँके मूँ परमेसर के नके जारियो हूँ।

यहुन्ना 14:19

अन थोड़ीक टेम रेग्यो हे पछे ईं दनियाँ में कुई मने ने देकी पण थाँ मने देको। काँके मूँ जीवूँ हूँ अन थाँ भी जीवो।

यहुन्ना 14:28

थाँ हुण्यो हे के में थाँकाऊँ क्यो, ‘मूँ जारियो हूँ पण थाँका नके पाछो आऊँ।’ यद्याँ थाँ माराऊँ परेम राकता तो थाँ राजी वेता के, मूँ बापू परमेसर का नके जारियो हूँ। काँके बापू परमेसर माराऊँ मोटा हे।

यहुन्ना 16:10

वो धारमिकता की बात ईं वाते बताई, काँके मूँ बापू का नके जारियो हूँ अन थाँ अबे ओरी मने ने देक पावो।

यहुन्ना 16:28

हा, मूँ परमेसर का आड़ीऊँ ईं दनियाँ में आयो अन अबे ईं दनियाँ ने छोड़न बापू का नके जारियो हूँ।”

यहुन्ना 16:5

अबे मारी टेम आगी हे के, मूँ मने खन्दाबावाळा का नके जाऊँ हूँ अन थाकामूँ कई माराऊँ ने पुच्छे के, ‘थूँ कटे जारियो हे?’

यहुन्ना 17:11

मूँ अबे दनियाँ में ने रेऊँ, पण ईं हाराई दनियाँ में रेई, अन मूँ थाँका नके आवूँ हूँ। हो पवितर बापू आपणाँ वीं नाम की तागतऊँ ज्यो थाँ मने दिदो हे, वाँकी रुकाळी करो, ताँके वीं हाराई आपणे जस्यान एक वे सके।

यहुन्ना 17:13

“अबाणू मूँ थाँका नके आवूँ हूँ, पण ईं हारी बाताँ दनियाँ ने बताऊँ हूँ, ताँके वीं मारा आणन्दऊँ भर जावे।

यहुन्ना 20:17

ईसू वींने क्यो, “मारे हात मती लगा, काँके मूँ अबाणू बाप का नके ने ग्यो हूँ। पण, मारा भायाँ का नके जान वाँने के दे के, ‘मूँ मारा बाप अन थाँका बाप अन मारा परमेसर अन थाँका परमेसर का नके ऊपरे जारियो हूँ।’ ”

यहुन्ना 9:4

जणी मने खन्दायो हे, आपाँने वींका काम दन ईं दन में करणा घणा जरूरी हे, काँके रात वेबावाळी हे जिंमें कुई काम ने कर सकी।