यहुन्ना 7:16 - नुवो नेम (मेवड़ी नया नियम)

¹⁶ ईसू वाँने क्यो, “ज्या हिक मूँ देरियो हूँ वाँ मारी ने हे, पण मने खन्दाबावाळा की हे।

यहुन्ना 7:16 Iomraidhean Croise

यहुन्ना 14:10

कई थूँ विस्वास ने करे के, मूँ बापू में हूँ अन बापू मारा में हे? ईं बाताँ मूँ आपणाँ आड़ीऊँ ने केवूँ हूँ, पण बापू मारा में रेन काम करे हे।”

यहुन्ना 14:24

ज्यो कुई माराऊँ परेम ने करे वो मारा बचना ने ने माने हे। ज्यो बचन थाँ हुणो हो वो मारो ने हे पण मारा बापू परमेसर को हे, जणा मने खन्दायो हे।”

यहुन्ना 17:14

में थाँको बचन वाँने दिदो, अन दनियाँ वाँकाऊँ दसमणी किदी, काँके जस्यान मूँ दनियाँ को ने, वस्यान वीं भी दनियाँ का कोयने हे।

यहुन्ना 17:8

काँके ज्यो बचन थाँ मने दिदो, में वाँने वोईस बचन दिदो। अन वणा वींको विस्वास किदो। अन वीं ईं हाँच ने जाण लिदो हे के, मूँ थाकी आड़ीऊँ आयो हूँ, अन विस्वास कर लिदो हे के, थाँईस मने खन्दायो हे।

यहुन्ना 3:11

मूँ थाँकाऊँ हाँची केवूँ हूँ के, ज्यो माँ जाणा हाँ, वोईस केबा हाँ, अन ज्यो देक्यो हे, वींकी गवई देवा हा, पण थाँ लोग माँकी गवईने ने मानो हो।

यहुन्ना 3:31

“ज्यो ऊपरेऊँ आवे हे वो हाराऊँ मोटो हे। ज्यो धरतीऊँ आवे हे वो धरती को हे अन वो धरती किइस बाताँ करे हे। ज्यो हरगऊँ आवे हे, वो हाराई का ऊपरे हे।

यहुन्ना 5:30

“मूँ आपणाँ खुद का हकऊँ कई भी ने कर सकूँ हूँ, ज्यो परमेसरऊँ हूणूँ हूँ, वींके जस्यानीस न्याव करूँ हूँ। अन मारो न्याव हाँचो हे, काँके मूँ मारी मरजी ने कोयने, पण मारा खन्दाबावाळा की मरजी ने पुरी करूँ हूँ।

यहुन्ना 6:44

कुई भी मारा नके ने आ सके हे, जद्याँ तईं मने खन्दाबावाळा परमेसर वींने मारा ओड़ी बला ने ले, अन मूँ वाँने अन्त का दन में पाच्छा जिवई देऊँ।

यहुन्ना 8:28

ईं वाते ईसू क्यो, “जद्याँ मनक का पूत ऊसो उटायो जाई, तद्याँ थाँ हमज जावो के ‘मूँ कूण हूँ’ अन यो भी जाण जावो के, मूँ मारी ओरुँ कई ने करूँ। पण मूँ ज्यो कई केवूँ हूँ, वस्यानीस केवूँ हूँ, जस्यान मारा बापू मने हिकायो हे।

2 यहुन्ना 1:9

ज्यो मनक परबू की हिकऊँ न्यारो वे जावे हे, वो परमेसर का नके ने जा सके, पण ज्यो भी मनक मसी की हिक ने माने हे, वींके नके बापू परमेसर अन वींको बेटा दुई रेवे हे।

परकासितवाक्य 1:1

आ ईसू मसी की दरसावा की किताब हे परमेसर ईंने ईं वाते दिदी हे के, जीं बाताँ आबावाळा टेम में वेबावाळी हे परमेसर अणाने ईसू मसी ने दरसावा में दिदी अन वणा आपणाँ दास यहुन्ना का नके हरग-दुत ने खन्दान ईं बाताँ बतई। आ ईसू मसी की दरसावा की किताब हे, जिंने परमेसर ईसू मसी ने ईं वाते दिदी के, ज्यो बाताँ वेबावाळी हे, वाँने आपणाँ दासा ने बता दिदी जावे।