यहुन्ना 7:12 - नुवो नेम (मेवड़ी नया नियम)

¹² ईसू का बारा में लोगाँ में छाने-छाने घणी बाताँ वी। कतराई तो केता हाँ, “वो भलो मनक हे।” अन दूजाँ केता हा के, “ने, वो तो लोगाँ ने भरमावे हे।”

यहुन्ना 7:12 Iomraidhean Croise

मत्ती 10:25

चेला ने गरू का बराबर वेवा में अन हाळी ने मालिक का बराबर वेवा मेंईस संतोक करणो छावे। यद्याँ वीं घर का मालिक ने बालजेबूल केवे, तो वाँका घर का लोगाँ ने ओरी हेलो बुरो काँ ने केई?

मत्ती 21:46

ईं वाते वणा वींने पकड़णो छायो, पण वीं मनकाऊँ दरपग्या, काँके मनक वींने परमेसर का आड़ीऊँ बोलबावाळो मानता हा।

मत्ती 27:63

“हो माराज, माने आद हे के, वो भटकबावाळो जद्याँ वो जीवतो हो, तो वणी क्यो हो के, ‘मूँ तीन दनाँ केड़े पाछो जी उटूँ।’

लूका 18:19

ईसू वींने जबाव दिदो, “थूँ मने हाँचो काँ केवे? परमेसर का बना ओरी कुई हाँचो कोयने।

लूका 23:47

वटे ज्यो कई व्यो हो वींने देकन सपायाँ को हाकम ओ केन परमेसर की बड़ई किदी के, “हाँची में ओ मनक धरमी हो।”

लूका 23:50

वटे युसुप नाम को एक मनक हो। ज्यो यहूदियाँ का मोटी सबा में मंतरी हो, वो एक घणो धरमी मनक हो। वो वाँकी ईसू ने मारबा की राय में अन वाँका अणी कामाँऊँ राजी कोयने हो अन वो यहूदियाँ का देस में अरमतिया नाम की जगाँ को रेबावाळो हो अन परमेसर की राज बाट नाळवावाळो हो।

लूका 6:45

भलो मनक आपणाँ मन का भण्डारऊँ हव बाताँ काड़े हे अन बुरो मनक बुरी बाताँ काड़े हे। मतलब योईस हे के, जिंका मन में जस्यो वेई वस्योईस बोली।

लूका 7:16

ईंपे वीं हाराई मनक दरपग्या अन परमेसर की जे-जेकार करबा लागा के, “आपणाँ बसमें एक मोटा परमेसर का आड़ीऊँ बोलबावाळो परगट व्यो हे।” अन केबा लागा के, “परमेसर आपणाँ लोगाँ की मदत करबा ने आग्या हे।”

यहुन्ना 6:14

तद्याँ ज्यो परच्यो ईंस बतायो वींने वीं लोग देकन केबा लागा के, “ईं दनियाँ में ज्यो परमेसर का आड़ीऊँ बोलबावाळो आबावाळो हे। हाँची में यो वोईस हे।”

यहुन्ना 7:32

फरीसी जद्याँ मनकाँ ने ईसू का बारा में छाने-छाने बाताँ करता तका हुण्या, तो वणा अन मुक्य याजकाँ ईंस ने पकड़बा का वाते मन्दर का चोकीदाराँ खन्दाया।

यहुन्ना 7:47

अणीऊँ फरीसियाँ वाँकाऊँ क्यो, “कई थाँ भी तो ने भरमाया ग्या हो?

यहुन्ना 7:52

वणा वींने जवाब दिदो, “कई थूँ भी गलील को हे? सास्तर में देक अन होद के, गलीलऊँ कुई भी परमेसर का आड़ीऊँ बोलबावाळो परगट ने वेबावाळो हे।”

यहुन्ना 9:16

अणी पे कुई फरीसी केबा लागा, “जणी मनक यो किदो हे वो मनक परमेसर का आड़ीऊँ ने हे, काँके वो आराम का दन का नेमाने ने माने हे।” दूजाँ क्यो, “पापी मनक कस्यान अस्या परच्या बता सके हे?” अणी बात पे वाँका में आपस में फुट पड़गी।

थरप्या तका का काम 11:24

बरनबास एक हव मनक हो, जो पुवितर आत्मा अन विस्वासऊँ भरयो तको हो। अस्यान परबू की लारे ओर नरई लोग-बाग भेळा वेग्या।

रोमियों 5:7

अस्यो तो वेई ने सके के, कणी धरमी मनक वाते कुई जीव देबाने त्यार वेवे हे। पण वे सके कुई भला मनक का वाते जीव देबा का वाते त्यार वे भी जावे।

फिलिपियों 2:14

हारई काम बना बड़बड़ान अन बना बेस करिया करता रेवो।