यहुन्ना 6:68 - नुवो नेम (मेवड़ी नया नियम)

⁶⁸ समोन पतरस वींने जवाब दिदो, “हो परबू, माँ किंका नके जावाँ? अनंत जीवन का बचन तो थाँका नकेईस हे।

यहुन्ना 6:68 Iomraidhean Croise

मत्ती 16:16

समोन पतरस जटऊँ क्यो, “थूँ जीवता परमेसर को पूत मसी हे।”

मरकुस 8:29

पछे ईसू वाँने पूँछ्यो, “अन थाँ मने कई केवो हो के, मूँ कूण हूँ?” पतरस वींने क्यो, “थूँ मसी हे।”

लूका 9:20

तद्याँ ईसू वाँकाऊँ पूँछ्यो, “पण थाँ मारा बारा में कई होचो हो?” पतरस वाँने क्यो, “थाँ परमेसर का आड़ीऊँ खन्दाया तका मसी हो।”

यहुन्ना 12:49

काँके में आपणी आड़ीऊँ बाताँ ने किदी। पण बापू जणा मने खन्दायो हे वणी मने आग्या दिदी हे के, मने कई केणो अन कस्यान केणो हे।

यहुन्ना 12:50

अन मूँ जाणूँ हूँ के, वाँकी आग्या अनंत जीवन का आड़ी ले जावे हे। ईं वाते मूँ ज्यो कई केवूँ हूँ, वो जस्यान बापू माराऊँ क्यो, वस्यान मूँ केवूँ हूँ।”

यहुन्ना 17:8

काँके ज्यो बचन थाँ मने दिदो, में वाँने वोईस बचन दिदो। अन वणा वींको विस्वास किदो। अन वीं ईं हाँच ने जाण लिदो हे के, मूँ थाकी आड़ीऊँ आयो हूँ, अन विस्वास कर लिदो हे के, थाँईस मने खन्दायो हे।

यहुन्ना 5:24

“मूँ थाँने सई-सई केवूँ हूँ, ज्यो मारा बचनाँ ने हुणन मारा खन्दाबावाळा को विस्वास करे हे, वो अनंत जीवन पावे हे। अन वाँने दण्ड ने दिदो जाई, पण वीं मोतऊँ छेटी वेन जीवन में परवेस करग्या हे।

यहुन्ना 6:40

काँके याईस मारा बाप की मरजी हे के, ज्यो कुई बेटा ने देके, अन वींपे विस्वास करे, वीं अनंत जीवन पावे। अन मूँ खुद वाँने अन्त का दन में पाछो जीवाई देऊँ।”

यहुन्ना 6:63

परमेसर की आत्मा तो जीवन देबावाळी हे, पण मनकाँ की तागतऊँ कई फायदो ने हे। जीं बचन में थाँकाऊँ क्या हे, वीं आत्मिक जीवन देवे हे।

थरप्या तका का काम 13:26

ईं वाते भई-लोगाँ, अबराम की ओलादाँ अन थाँकामूँ परमेसरऊँ दरपबावाळा लोगाँ, बंचाबावाळो ओ सन्देसो आपणाँ वातेई खन्दायो ग्यो हे।

थरप्या तका का काम 4:12

बेस वोईस ईसू आपाँने बंचा सके हे, काँके ईं हारी धरती अन लोगाँ में दूजो नाम कोयने हे, जो आपाँने बंचा सके।

थरप्या तका का काम 5:20

“मन्दर में जान आपणाँ नुवा जीवन की हारी बाताँ मनकाँ ने हुणावो।”

थरप्या तका का काम 7:38

ओ वोईस हे, जणी हुन्ना कांकड़ में इजराएली लोगाँ की लारे, सिनाई मंगरा पे बात किदा तका हरग-दुत की लारे अन आपणाँ बड़ाबा की लारे हो। वींनेईस आपणाँ ने देबा वाते परमेसर को जीवन देबावाळो बचन मल्यो हे।

थरप्या तका का काम 8:37

फिलिपुस जबाव में क्यो, “जद्याँ थूँ आपणाँ मनऊँ भरोसो करे, तो बतिस्मो ले सके।” वे अदिकारी क्यो, “हाँ, मूँ भरोसो करूँ के, ईसू मसी परमेसर को पूत हे।”