यहुन्ना 5:44 - नुवो नेम (मेवड़ी नया नियम)

⁴⁴ थाँ ज्यो एक-दूजाऊँ मान छावो हो अन वो मानज्यो खाली परमेसर का आड़ीऊँ मले हे, वींकी थाँने कई परवा ने हे। तो थाँ मारा पे कस्यान विस्वास कर सको हो?

यहुन्ना 5:44 Iomraidhean Croise

मत्ती 23:5

“वीं आपणाँ हाराई काम लोगाँ ने बतावा का वाते करे हे। वीं हात अन माता पे बांदबा वाळा आपणाँ ताबीजा ने जिंमें वीं सास्तर ने लिकता हा, वाँने मोटा करे हे अन आपणी जोळ्या ने वदावे हे। ताँके मनक वाँने धरमी हमजे।

लूका 19:17

वणी वींने क्यो, ‘धन्न हे हव दास, थने धन्न हे। थूँ थोड़ाक मेई विस्वास राक्यो। अबे थूँ दस ठिकाणा ऊपरे अदिकार राकी।’

यहुन्ना 12:43

काँके मनकाँ की बड़ई वाँने परमेसर की बड़ईऊँ घणी वाली लागती ही।

यहुन्ना 17:3

अन अनंत जीवन यो हे के, वीं एकाएक हाँचा परमेसर ने अन ईसू मसी ने, जिंने थाँ खन्दायो हे, ओळके।

यहुन्ना 3:20

ज्यो कुई बुरई करे हे, वो उजिताऊँ रिस्याँ बळे हे अन उजिता का नके ने आवे हे, काँके वो ने छावे के, वींका काम हाराई जाणे।

यहुन्ना 5:41

“मूँ मनकाँ का मुण्डाऊँ किदी तकी बड़ई ने छावूँ हूँ।

यहुन्ना 8:43

थाँ मारी हिकने काँ ने हमजो हो? ईंको कारण योईस हे के, थाँ मारी बाताँने ने हुणो हो।

रोमियों 2:10

अन ज्यो कुई भला काम करे हे, वाँने मेमा, मान अन सान्ती मली। पेली यहूदी मनकाँ ने अन पछे ज्यो यहूदी ने हे वाँने।

रोमियों 2:29

पण हाँचो यहूदी वोईस हे, ज्यो मन में हे, अन हाँचो खतनो वोईस हे, ज्यो आत्माऊँ मन को खतनो हे, ने के, लिक्या तका नेमा को। अस्या मनकाँ की बड़ई मनकाँऊँ ने पण परमेसर का आड़ीऊँ वेवे हे।

रोमियों 2:7

थोड़ाक मनक ज्यो धीरजऊँ हमेस्यान भला काम करता आरिया हे अन मेमा, मान अन अनंत जीवन की खोज में हे वाँने परमेसर अनंत जीवन देई।

1 कुरिन्थियों 4:5

ईं वाते जद्याँ तईं परबू ने आवे वणीऊँ पेल्याँ किंको भी न्याव मती करो। वीं तो अदंकार में हपी तकी बाताँ ने भी उजिता में दिकाई अन मना की बाताँ भी हामे लाई अन वणी दाण परमेसर का आड़ीऊँ हरेक की बड़ई वेई।

2 कुरिन्थियों 10:18

काँके ज्यो आपणी खुद की बड़ई करे हे, वो मान्यो ने जावे हे पण जिंकी बड़ई परबू करे हे, वोईस मान्यो जावे हे।

फिलिपियों 2:3

खुद का हवारतऊँ कई मती करो अन जूटो मेपणो मती करो, पण नरमाईऊँ खुदऊँ हेला एक-दूँजा ने हव हमजो।

1 थिस्सुलुनिक्यों 2:6

अन माँ ओ ने छावाँ के, थाँ अन मनक अन कुई दूजाँ माँने आदर-मान देवे।

1 तिमुतियूस 1:17

अन अबे हमेस्यान राज करबावाळो राजा, अनदेक्यो, बेस एकीस परमेसर को मान अन मेमा जुग-जुग वेती रेवे। आमीन।

इब्रानियों 3:12

हो भायाँ, हूँस्यार रो, कटे थाँकामूँ किंके मन में बुरई अन अविस्वास ने आ जावे, ज्यो थाँने जीवता परमेसरऊँ छेटी कर दे।

याकूब 2:1

हो मारा भायाँ, थाँ मेमामय परबू ईसू मसी पे विस्वास राकबावाळा हो, ईं वाते थाँका बचमें भेद-भाव ने वेणो छावे।

1 पतरस 1:7

यो ईं वाते व्यो, ताँके थाँको यो विस्वास ज्यो वादी में पाक्या तका होनाऊँ भी मुगो हे, जद्याँ परबू ईसू मसी आई, तो ईं विस्वास का वजेऊँ थाँने परमेसर का आड़ीऊँ बड़ई, मेमा अन मान मली।

यहूदा 1:25

वोईस एकीस परमेसर ज्यो परबू ईसू मसी की वजेऊँ छुटकारो देबावाळो हे, वींकी मेमा, पराकरम, वेभव अन अदिकार दनियाँ की रचनाऊँ पेल्याऊँ अन अबाणूऊँ लेन जुग-जुग वाते वेती रेवे। अस्यानीस वेवे।