यहुन्ना 5:30 - नुवो नेम (मेवड़ी नया नियम)

³⁰ “मूँ आपणाँ खुद का हकऊँ कई भी ने कर सकूँ हूँ, ज्यो परमेसरऊँ हूणूँ हूँ, वींके जस्यानीस न्याव करूँ हूँ। अन मारो न्याव हाँचो हे, काँके मूँ मारी मरजी ने कोयने, पण मारा खन्दाबावाळा की मरजी ने पुरी करूँ हूँ।

यहुन्ना 5:30 Iomraidhean Croise

मत्ती 26:39

पछे थोड़ाक आगे जान वे धरती पे उन्दो पड़न परातना किदी, “ओ मारा बाप, यद्याँ वे सके तो या दुक को प्यालो माराऊँ छेटी वे जावे, तो भी मूँ छावूँ जस्यान ने, पण जस्यान थूँ छावे वस्यानीस वेवे।”

यहुन्ना 14:10

कई थूँ विस्वास ने करे के, मूँ बापू में हूँ अन बापू मारा में हे? ईं बाताँ मूँ आपणाँ आड़ीऊँ ने केवूँ हूँ, पण बापू मारा में रेन काम करे हे।”

यहुन्ना 17:4

ज्यो काम थाँ मने करबा ने दिदो हो, वींने पूरो करन में धरती पे थाँकी मेमा परगट किदी हे।

यहुन्ना 18:11

पण ईसू पतरस ने क्यो, “आपणी तरवार म्यान में राक। ज्यो दुक को प्यालो मारा बापू मने दिदो हे, कई मूँ वींमूँ ने पीवूँ?”

यहुन्ना 4:34

ईसू वाँने क्यो, “मारो खाणो ओ हे के, मूँ मने खन्दाबावाळा की मरजी पे चालूँ अन वींको काम पूरो करूँ, ज्यो वणी मने हुप्यो हे।

यहुन्ना 5:19

ईं बात पे ईसू वाँने क्यो, “मूँ थाँने सई–सई केवूँ हूँ, मूँ, बेटो, खुद कई ने कर सके हे, मूँ बेस वोईस करूँ हे, ज्यो बापू परमेसर ने करता तका देकूँ हे। काँके परमेसर ज्यो कई करे हे। मूँ भी वस्यानीस करूँ हूँ।

यहुन्ना 6:38

काँके मूँ आपणी मरजी ने, पण वींकी मरजी ने पुरी करबा ने आयो हूँ, जणी मने हरगऊँ खन्दायो हे।

यहुन्ना 8:28

ईं वाते ईसू क्यो, “जद्याँ मनक का पूत ऊसो उटायो जाई, तद्याँ थाँ हमज जावो के ‘मूँ कूण हूँ’ अन यो भी जाण जावो के, मूँ मारी ओरुँ कई ने करूँ। पण मूँ ज्यो कई केवूँ हूँ, वस्यानीस केवूँ हूँ, जस्यान मारा बापू मने हिकायो हे।

यहुन्ना 8:42

ईसू वाँने क्यो, “यद्याँ परमेसर थाँको बाप वेतो, तो थाँ माराऊँ भी परेम करता, काँके मूँ परमेसर का आड़ीऊँ आयो हूँ अन अटे हूँ। मूँ मारी मरजीऊँ ने आयो, पण मने वणा खन्दायो हे।

यहुन्ना 8:50

मूँ मारा खुद को मान ने छावूँ हूँ। पण एक हे ज्यो मारो मान छावे हे, अन वोईस न्याव भी करे हे।

रोमियों 15:3

अटा तईं के मसी भी खुद ने राजी ने किदो हो। पण जस्यान मसी का बारा में सास्तर केवे हे के, “जणा थाँरो अपमान किदो हो, वो अपमान मारा पे आ पड़्यो हे।”

रोमियों 2:2

अन आपाँ जाणा हा के, ज्यो मनक अस्या काम करे हे वाँको परमेसर आपणाँ हाँच का हस्याबूँ न्याव करी।

रोमियों 2:5

पण थाँ आपणाँ गाटा अन कदी पछतावो ने करबावाळा मन के वजेऊँ परमेसर का गुस्सा ने आपणाँ वाते त्यार कररिया हो। वो गुस्सो थाँरा पे वीं दन पड़ी जदी परमेसर को हाँचो न्याव परगट वेई।