यहुन्ना 4:48 - नुवो नेम (मेवड़ी नया नियम)

⁴⁸ ईसू वीं अदिकारी ने क्यो, “जद्याँ तईं थाँ हेन्याण अन अचम्बा का कामाँ ने ने देको तद्याँ तईं थाँ विस्वास ने करो।”

यहुन्ना 4:48 Iomraidhean Croise

मत्ती 16:1

फरीसी अन सदुकियाँ ईसू का नके आन परक करबा का वाते क्यो, “माने हरग को हेन्याण बता। ताँके माने पतो लागे के, थने परमेसर का आड़ीऊँ अदिकार मल्यो तको हे।”

मत्ती 24:24

मूँ ओ केवूँ हूँ काँके जूटा मसी अन जूटा मनक परमेसर का आड़ीऊँ बोलबा का वाते ऊबा वेई अन अस्या अस्या नरोगा हेन्याण बताई अन अचम्बावाळा काम केरी के, वीं चुण्या तका ने भी भटका देई।

मत्ती 27:42

“अणी ओरा ने बंचाया, पण आपणाँ खुद ने ने बंचा सके। ओ तो इजराएल को राजा हे, अबे हूळीऊँ उतरन आवे तो आपाँ ईंपे विस्वास करा।

मरकुस 13:22

काँके जूटा मसी अन जूटा मनक परमेसर का आड़ीऊँ बोलबावाळा आई। वे अस्या अस्या गजब का परच्या बतई अन अस्या अचम्बा में नाकबा का काम करी के, वे सके तो वे परमेसर का चुण्या तका लोगाँ ने भी डापा में नाक देई।

लूका 10:18

ईंपे ईसू वाँकाऊँ क्यो, “मूँ सेतान ने विजळी के जस्यान हरगऊँ पड़तो तको देकरियो हूँ।

लूका 16:31

पण अबराम वींने क्यो, “यद्याँ वी मूसा अन परमेसर का आड़ीऊँ बोलबावाळा की किताबाँ की बात ने माने हे, तो वी यद्याँ कुई मरिया तका मेंऊँ भी वाँका नके जाई तद्याँ भी वी वींकी ने मानी।”

यहुन्ना 12:37

ईसू यहूदी का मनकाँ का हामे अतरा परच्या बताया, तो भी वाँकाणी वाँपे विस्वास ने किदो।

यहुन्ना 15:24

यद्याँ मूँ वाँका में वीं काम ने करतो, जिंमें किदो, तो वीं पापी ने बणता। पण अबे वाँकाणी वणा कामाँ ने देक्या हे, तद्याँ भी वीं माराऊँ अन मारा बापूऊँ दसमणी किदी।

यहुन्ना 2:18

ईं बात पे यहूदी अदिकारी ईसुऊँ क्यो, “थूँ माने अस्यो कई परच्यो बता सके हे जणीऊँ माँने यो पतो लागे के, थूँ ज्यो कररियो हे, वो करबा को थने हक हे?”

यहुन्ना 20:29

ईसू वींने क्यो, “थें मने देक्यो हे, ईं वाते विस्वास किदो हे। पण धन्न हे वीं मनक जणा मने बनाई देक्या विस्वास किदो।”

यहुन्ना 4:49

अदिकारी ईसुऊँ क्यो, “हे मालिक, मारा छोरा की मोत वेबाऊँ पेल्या परा चालो।”

थरप्या तका का काम 14:3

वीं दुई जणा घणा दन तईं वटीस रिया अन बना दरप्याँ परबू की बाताँ ने बताता रिया, अन परबू वाँने तागत देन वाँकाऊँ अचम्बा अन हेन्याणी का काम करवान वाँका करपाऊँ भरया तका संदेसा को मान बड़ातो रियो।

थरप्या तका का काम 15:12

तद्याँ हंगळा सबा का लोग छाना-माना वेग्या अन पोलुस अन बरनबास की बाताँ हुणबा लागा, के परमेसर वाकाँऊँ जो यहूदी ने हे वाँका में कस्यान हेन्याण अन अचम्बा का काम कर दिकाया।

थरप्या तका का काम 2:19

अन मूँ आकास पे अनोका काम करूँ अन धरती पे हेन्याणी बताऊँ। वाँ दनाँ में खून, वादी अन धूवाड़ा का बादळा वेई।

थरप्या तका का काम 2:22

“ओ इजराएल का लोगाँ, आ बाताँ हुणो, परमेसर, ईसू नासरीऊँ अनोका काम, परच्या अन हेन्याण्याँ करान ओ साबत किदो के, वणा वींने थाँका वातेईस खन्दायो हे, जो थाँके गाबे व्यो हे अन थाँ खुद भी जाणो हो।

थरप्या तका का काम 2:43

चेला अनोका अन परच्या का काम करबा लागा, वींऊँ हारई मनक हक्का-बक्का रेग्या।

थरप्या तका का काम 4:30

थूँ थाँरा पुवितर दास ईसू का नामऊँ लोग-बागाँ ने हव करबा के वाते, अचम्बा अन हेन्याणी का काम करबा के वाते आपणो हात बड़ा।

थरप्या तका का काम 5:12

थरप्या तका का हाताऊँ मनकाँ में नरई अनोका अन अचम्बा का काम वेरिया हा। वे हारई जणा एक मन वेन सुलेमान का बरामदा में भेळा वेता हा।

थरप्या तका का काम 6:8

इस्तीपनुस परमेसर की करपा अन सगतिऊँ भरियो तको मनक हो, वो लोग-बागाँ में मोटा-मोटा अचम्बा का काम अन अनोका हेन्याण बतातो हो।

थरप्या तका का काम 7:36

वो वाँने मिसर देस में, राता समन्द पे, अन हुन्ना काकड़ में चाळी सालाँ तईं अनोका काम करतो अन परच्यो देतो तको मिसर देसऊँ बारणे निकाळन लायो।

रोमियों 15:19

तागत का हेन्याण अन अचम्बा का काम अन परमेसर की आत्मा की तागतऊँ मारी जरिये पूरो किदो। अस्यान में यरूसलेम नगरऊँ लेन इल्‍लुरिकुम परदेस का च्यारूँमेर मसी का हव हमच्यार का परच्यार को काम पूरो किदो।

1 कुरिन्थियों 1:22

यहूदी मनक तो चमत्कार की हेन्याणी छावे हे अन युनानी मनक ग्यान की खोज में रेवे हे।

2 कुरिन्थियों 12:12

कणी खन्दाया तका का मयने ज्यो बाताँ वेवे हे वस्यानीस में हेला धीरज का हाते हेन्याण अन चमत्कार करणो, अचम्बा का काम अन जोरावर काम करन थाँने बताया हे।

2 थिस्सुलुनिक्यों 2:9

ईं पाप का मनक को आणो सेतान की सगतिऊँ वेई अन ईंका में हारी जूटी तागत, जूटा हेन्याण, अचम्बा का काम अन पापऊँ भरिया छळ-कपट वेई। अन ओ अणा सगत्याँ ने वाँ मनकाँ वाते काम में लेई जीं नास वेबावाळा हे, काँके वणा हाँच का परेम ने गरण ने किदो जणीऊँ वाँकी मुगती वे जाती।

इब्रानियों 2:4

अन परमेसर भी मोटा-मोटा निसाण अन चमत्कारऊँ अन जोरावर कामाँऊँ अन आपणी मनसाऊँ दिदा तका पुवितर आत्मा का वरदानऊँ, वणा ईंने साबत भी किदो हे।