यहुन्ना 3:5 - नुवो नेम (मेवड़ी नया नियम)

⁵ ईसू वींने जवाब दिदो के, “मूँ थाँकाऊँ हाचेई केवूँ हूँ, जद्याँ तईं कुई मनक पाणी अन पुवितर आत्माऊँ ने जनमे तो वो परमेसर का राज में ने जा सकी।

यहुन्ना 3:5 Iomraidhean Croise

मत्ती 18:3

अन क्यो, “मूँ थाँकाऊँ हाचेई केवूँ हूँ के, जद्याँ तईं थाँ पापऊँ ने फरो अन छोरा का जस्यान ने वणो, थाँ हरग का राज में ने जा सको।

मत्ती 19:24

थाँकाऊँ पाछो केवूँ हूँ के, जस्यान ऊँट हुई का नाका मेंऊँ ने निकळ सके, वस्यानीस रिप्यावाळा को परमेसर का राज में जाणो घणो दोरो हे।”

मत्ती 21:31

बतावो अणा दुयाँ मूँ कणी बाप की बात मानी?” वाँकाणी क्यो, “पेले बेटे।” ईसू वाँने क्यो, “मूँ थाँने हाचेई केवूँ हूँ के, कर लेबावाळा अन वेस्या थाँकाऊँ पेल्या परमेसर का राज में जाई।

मत्ती 28:19

ईं वाते जावो, अन हाराई देसा का लोगाँ ने चेला बणावो अन बापू, पूत अन पुवितर आत्मा का नामऊँ बतिस्मो दो,

मत्ती 3:11

मूँ तो थाँने मन फेरबा का वाते पाणीऊँ बतिस्मो दूँ हूँ पण वीं ज्यो मारा केड़े आबावाळो हे, वो माराऊँ भी हेलो मोटो हे। मूँ तो वाँका पगरख्याँ का कसणा खोलबा के जोगो भी ने हूँ। वो थाँने पुवितर आत्मा अन वादीऊँ बतिस्मो देई।

मत्ती 5:20

काँके मूँ थाँकाऊँ केवूँ हूँ के, यद्याँ थाँकी धारमिकता मूसा का नेमा ने हिकाबावाळा अन फरीसियाँ की भगतीऊँ मोटी ने वेई, तो थाँ हरग का राज में कदी ने जा सको।”

मरकुस 10:14

जदी ईसू यो देक्यो, तो वाँने घणी रीस अई। पछे वणा चेला ने क्यो, “फोरा-फोरा बाळकाँ ने मारा नके आबा दो। वाँने रोको मती, काँके परमेसर को राज अस्या कुईस हे।

मरकुस 16:16

ज्यो कुई विस्वास करे अन बतिस्मो लेवे, वो बंचायो जाई अन ज्यो विस्वास ने करे, वो दोसी ठेरायो जाई।

मरकुस 9:47

यद्याँ थारी आँक थने पाप में नाके, तो वींने फोड़न बारणे निकाळ देणी। काण्यो वेन परमेसर का राज में जाणो हव हे, ईंऊँ के दो आक्याँ वेता तका नरक में जाणो।

लूका 13:24

ईंपे ईसू वींने क्यो, “हाँकड़ा गेलाऊँ जाबा की कोसीस करो काँके, मूँ थाँकाऊँ केवूँ हे के, घणा मनक अस्यान करणो छाई पण वीं ने कर सकी।

लूका 13:3

मूँ थाँकाऊँ केवूँ हूँ के, ने, पण यद्याँ थाँ आपणाँ पापाऊँ मन ने, ने बदलो तो थाँ भी मरो जस्यान वीं मरिया हा।

लूका 13:5

मूँ थाँकाऊँ केवूँ हूँ के, ने, पण यद्याँ थाँ भी पापाऊँ मन ने, ने बदलो तो थाँ हाराई भी मरो जस्यान वीं मरिया हा।”

यहुन्ना 1:13

परमेसर की ओलाद वेबा का वाते वीं मनक की मरजी का मस देहऊँ ने जनम्याँ, पण वीं तो परमेसर की मरजीऊँ आत्मिक रूप में जनम्याँ।

यहुन्ना 3:3

ईसू वींने जवाब दिदो के, “मूँ थाँराऊँ सई केवूँ हूँ, यद्याँ थूँ पाछो जनम ने लेवे, तो परमेसर का राज ने देक ने सकी।”

यहुन्ना 3:4

निकेदुमस वाँकाऊँ क्यो, “मनक जद्याँ डोकरो वे जावे हे, तो वो कणी तरियाऊँ जनम ले सके हे? कई वो आपणी माँ का पेट में दूजी दाण जान जनम ले सके हे?”

थरप्या तका का काम 2:38

पतरस वाँने क्यो, “मन ने बदलो अन आपणाँ पापाँ की मापी के वाते थें हारई ईसू मसी का नामऊँ बतिस्मो लेवो। परमेसर थाँने पापाऊँ मापी देई अन थाँने पुवितर आत्मा को दान मल जाई।

थरप्या तका का काम 3:19

ईं वाते थाँ आपणो मन बदलो अन परमेसर का दयने आ जावो, ताँके परमेसर थाँका पापाँ ने माप करे

रोमियों 14:17

काँके परमेसर का राज में बेस खाणो-पिणो ने हे, पण वो तो धारमिकता, सान्ती अन पुवितर आत्माऊँ मल्यो तको आणन्द हे।

रोमियों 8:2

काँके ईसू मसी में जीवन देबावाळा आत्मा का नेम मने पाप अन मोत का नेमाऊँ छुटकारो देवे हे।

1 कुरिन्थियों 15:50

हो भायाँ, मूँ थाँने बताऊँ हूँ के, आपणी आ देह ज्यो माँस अन लुईऊँ बणी तकी हे परमेसर का राज में भेळी ने वे सके हे अन ने ज्यो नास वेबावाळी या देह हे, वाँ ज्यो अमर हे वींमें भेळी वे सके हे।

1 कुरिन्थियों 2:12

पण आपाँ तो दनियाँ की आत्माने पई पण वाँ आत्मा पई हे, ज्याँ परमेसर आपाँने खुला मनऊँ दिदी हे, ताँके आपीं वणा बाताँ ने जाणा ज्यो परमेसर आपाँने दिदी हे।

1 कुरिन्थियों 6:11

अन थाँकामूँ करता तो अस्याईस हा, पण थाँ परबू ईसू मसी का नामऊँ अन आपणाँ परमेसर की आत्माऊँ धोया ग्या हो अन पुवितर वेन परमेसर का हामे सई ठेरिया हो।

गलातियों 6:15

काँके ने खतना करबा को नफो हे अन ने खतनो ने कराबा को नफो हे, नफो हे तो बेस नुवी रचना को हे।

1 पतरस 1:2

बापू परमेसर थाँने आपणाँ पेल्या का ग्यानऊँ पेल्याई चुण लिदा हे, अन वाँकी पुवितर आत्मा थाँने पुवितर बणाया हे, अणीऊँ थाँ ईसू मसी की आग्या को पालण करो अन वींका खुनऊँ सुद वेवो। थाँका पे परमेसर की करपा अन सान्ती वेती रेवे।

1 पतरस 3:21

वो पाणी भी बतिस्मा का जस्यान हे, जणीऊँ अबे थाँ बंचाया जावो हो। अणी बतिस्मा को मतलब यो कोयने के, देह को मेल धोयो जावे, पण मन ने पुवितर करन खुद ने परमेसर का आड़ी फेरणो वेवे हे, काँके ईसू मसी मरिया तका मेंऊँ पाच्छा जीवता किदा ग्या हा।

1 यहुन्ना 2:29

अन जद्याँ थाँ ओ जाणो हो के, ईसू मसी धरमी हे, तद्याँ थाँ यो भी जाण लो के, ज्यो मनक धरम का काम करे हे, वींइस परमेसर का बेटा-बेटी हे।

1 यहुन्ना 5:1

ज्यो भी मनक ओ विस्वास करे हे के, ईसूइस, मसी हे, तद्याँ वीं परमेसर को बेटा-बेटी वेई अन ज्यो भी मनक परमेसरऊँ परेम करी, वो वींका बाळकाऊँ भी परेम करी।