यहुन्ना 3:34 - नुवो नेम (मेवड़ी नया नियम)

³⁴ काँके जिंने परमेसर खन्दायो हे, वो परमेसर की बाताँ केवे हे, काँके परमेसर वींने आपणी आत्माऊँ भरपूर किदो हे।

यहुन्ना 3:34 Iomraidhean Croise

मत्ती 12:18

“देको, यो मारो दास हे, जिंने में थरप्यो हे, मारो लाड़लो हे, जणीऊँ मूँ घणो राजी हूँ। मूँ मारी आत्मा वींमें राकूँ अन वो हाराई मनकाँ को न्याव करी।

लूका 4:18

“परमेसर की आत्मा मारा ऊपरे हे। काँके वणा मने गरीब मनकाँ ने हव हमच्यार हूँणबा का वाते चुण्यो हे। वणीस मने खन्दायो हे के, मूँ केदयाँ ने छुड़ाबा को अन आन्दा ने देकबा का सन्देस को परच्यार करूँ अन दब्या तका मनकाँ ने ऊँसा उठऊँ।

यहुन्ना 1:16

वाँकी दया की भरपईऊँ आपाँ हाराई ने आसिरवाद पे आसिरवाद मल्या।

यहुन्ना 15:26

“पण जद्याँ वो हण्डाळी आई, जिंने मूँ थाँका नके बाप का आड़ीऊँ खन्दाऊँ, ईंको मतलब हाँच की आत्मा ज्यो बाप का आड़ीऊँ हे, तो वाँ मारी गवई देई।

यहुन्ना 16:7

तो भी मूँ थाँकाऊँ सई केवूँ हूँ के, मारो जाणो थाँका वाते हव हे, काँके यद्याँ मूँ ने जाऊँ तो वो हण्डाळी थाँका नके ने आई। पण यद्याँ मूँ जाऊँ, तो वींने थाँका नके खन्दा देऊँ।

यहुन्ना 3:17

परमेसर आपणाँ पूत ने दनियाँ में ईं वाते ने खन्दायो के, वो दनियाँ का मनकाँ ने दण्ड देवे। पण ईं वाते खन्दायो के, दनियाँ का मनकाँ ने बंचा सके।

यहुन्ना 5:26

काँके जस्यान बापू परमेसर आपणाँ खुद में जीवन राक मेल्यो हे, वस्यानीस वणा मने ओ हक दिदो हे के, मूँ भी आपणाँ खुद में जीवन राकूँ।

यहुन्ना 7:16

ईसू वाँने क्यो, “ज्या हिक मूँ देरियो हूँ वाँ मारी ने हे, पण मने खन्दाबावाळा की हे।

यहुन्ना 8:40

में परमेसरऊँ हूणी तकी हाँची बाताँ थाँने बता दिदी हे, ईं वजेऊँ थाँ मने मारबा का वाते त्यार बेट्या तका हो। पण अबराम तो थाँके जस्यान ने किदो हो।

यहुन्ना 8:47

ज्यो परमेसर को हे, वो परमेसर की बाताँ हुणे हे। थाँ ईं वाते ने हुणो हो, काँके थाँ परमेसर का ने हो।”

थरप्या तका का काम 1:2

परमेसर की पुवितर आत्मा ईसू ने हरग में लेन परीगी वीं दन तईं ईसू हिकई अन किदी। ईसू को हरग में जाबाऊँ पेल्या ईसू थरप्या तका चेला ने पुवितर आत्माऊँ उपदेस दिदा।

थरप्या तका का काम 10:38

ईसू नासरी का बारा में थाँ तो जाणो हो, परमेसर पुवितर आत्मा अन सगतिऊँ वींको तलक कस्यान किदो हो। वणी हव काम किदा अन सेतानऊँ दकी हारई जणा ने हव करतो तको च्यारूँमेर कस्यान गुमतो हो, काँके परमेसर वाँकी लारे हो।

रोमियों 8:2

काँके ईसू मसी में जीवन देबावाळा आत्मा का नेम मने पाप अन मोत का नेमाऊँ छुटकारो देवे हे।

इपिसियों 3:8

मूँ हाराई पुवितर मनकाँऊँ फोरो हूँ, पण मारा पे आ करपा वीं के, मूँ मसी का अनमोल धन ने ज्यो हमजऊँ बारणे हे वींका हव हमच्यार ने ज्यो यहूदी ने हे वाँ लोगाँ ने हूणाऊँ

कुलुसियों 1:19

परमेसर की खुसी आ हे के, वींका हाराई गुण आपणाँ बेटा में रेवे।

कुलुसियों 2:9

काँके मसी की देह मेंईस परमेसर आपणी हाराई गुणा का हाते हमेस्या का वाते वास करे हे।

परकासितवाक्य 21:6

पछे वणी माराऊँ क्यो, “ईं बाताँ पुरी वेगी हे। मूँ अलफा अन ओमेगा, सरुआत अन अन्त हूँ। मूँ तरियाँ ने जीवन का पाणी का सोताऊँ फोकट में पाणी पाऊँ।

परकासितवाक्य 22:1

ईंका केड़े वीं हरग-दुत मने जीवन देबावाळा पाणी की एक नंदी बतई। वाँ नंदी बिल्‍लोर का काँस जस्यान चमकती तकी पुवितर ही। वा नंदी परमेसर अन उन्याँ का वटेऊँ निकळन नगर की हड़क का वसा-वस वेती ही।