यहुन्ना 3:21 - नुवो नेम (मेवड़ी नया नियम)

²¹ पण ज्यो हाँच पे चाले हे, वो उजिता का नके आवे हे, ताँके वींका काम परगट वे के, ज्यो कई वणा किदो, वो परमेसर छावता हा।”

यहुन्ना 3:21 Iomraidhean Croise

यहुन्ना 1:47

ईसू नतनएल ने आपणाँ आड़ीऊँ आवतो तको देकन वाँका बारा में क्यो, “देको, यो हाँचो इजराएली हे, ईंमें कई खोट ने हे।”

यहुन्ना 3:20

ज्यो कुई बुरई करे हे, वो उजिताऊँ रिस्याँ बळे हे अन उजिता का नके ने आवे हे, काँके वो ने छावे के, वींका काम हाराई जाणे।

यहुन्ना 5:39

थाँ सास्तरा की किताब में होदो हो, काँके थाँ हमज्यो हो के, थाँने वींमें अनंत जीवन मले हे। पण ईं हाराई सास्तर भी मारी गवई देवे हे।

यहुन्ना 7:17

यद्याँ कुई वींकी मरजी पे चालणो छावे, तो वीं खुद ईं हिकऊँ जाण जाई के, या हिक परमेसर का आड़ीऊँ हे कन मारा आड़ीऊँ हे।

1 कुरिन्थियों 15:10

अन आज मूँ ज्यो कई भी हूँ परमेसर की दयाऊँ हूँ अन वींकी दया मारा वाते बेकार ने गी। काँके में दूजाऊँ हेली मेनत किदी हे, पण परमेसर की दया मारा पे हे जणीऊँ मूँ अस्यान कर सक्यो हूँ।

2 कुरिन्थियों 1:12

माँ आ बात मेपणोऊँ अन साप हरदाऊँ के सका हाँ के, माँ ईं दनियाँ का हाते अन खासतोरऊँ थाँका हाते परमेसर की दया के जस्यान चाल्या हा अन हव तरियाऊँ अन हाँच का हाते चाल्या हा ज्यो परमेसर का आड़ीऊँ मले हे ईं दनियाँ की अकलऊँ ने मले हे।

गलातियों 6:8

काँके ज्यो आपणाँ सरीर की बुरी मरजी के वाते वाँई, वो सरीर के वाते आपणाँ नास की हाँक काटी, अन ज्यो पुवितर आत्मा के वाते वाँई, वो आत्मा के वाते अनंतकाल का जीवन की हाँक काटी।

इपिसियों 5:9

काँके उजाळा को फळ हाराई तरियाँ की भलई, ज्यो परमेसर छावे वो करणो अन हाँच हे।

फिलिपियों 1:11

परमेसर की बड़ई अन मेमा के वाते थाँको जीवन ज्यो परमेसर छावे वो करबावाळा हव गुणऊँ भर जावे ज्याँने ईसू मसी देवे हे।

फिलिपियों 2:13

परमेसरइस हे ज्यो थाँका जीवन में काम कररिया हे ताँके थाँकामें वाँका मकसद ने पूरो करबा को मन अन तागत वेवे।

कुलुसियों 1:29

ईं वाते मारा में काम करबावाळी मसी की तागतऊँ मूँ अस्यान का काम करबा का वाते घणी मेनत कररियो हूँ।

1 पतरस 1:22

अबे जद्याँ थाँ हाँच ने मानता तका, हाँचा भईचारा का परेम ने बताबा का वाते आपणी आत्माने पुवितर कर लिदी हे, ईं वाते थाँ एक-दूँजा में पुवितर मनऊँ परेम करबा की मनसा बणालो।

1 यहुन्ना 1:6

यद्याँ आपाँ केवा के, आपाँ वींका हाते भेळा हा अन पछे भी पाप ना अंदारा में चाला, तो आपाँ जूटा हाँ अन हाँच पे ने चाला हाँ।

3 यहुन्ना 1:11

हे मारा भई, थूँ तो बुरई का ने पण भलई का गेले चालज्ये, काँके ज्यो भी मनक भलई करे हे, वो परमेसर को हे अन ज्यो बुरई करे हे, वो परमेसर ने कोयने जाणे हे।

परकासितवाक्य 3:15

मूँ थाँरा काम ने जाणूँ हूँ अन ओ भी जाणूँ हूँ के, थूँ ने तो हिळो हे अन ने ऊनो हे। भलो वेतो के, थूँ अणा मेंऊँ एक तो वेतो।