यहुन्ना 21:12 - नुवो नेम (मेवड़ी नया नियम)

¹² ईसू वाँकाऊँ क्यो, “आवो, रोटी खावो,” चेला मेंऊँ किंनेई हिम्मत ने वी के, वाँकाऊँ पूछे, “थाँ कूण हो?” काँके वीं जाणता हा के, ईं परबुइस हे।

यहुन्ना 21:12 Iomraidhean Croise

मत्ती 22:46

ईसू की या बात हुणन कुई भी एक बात भी ने के सक्यो। वणी दनऊँ कणी वाँकाऊँ कई पूँछबा की हिम्मत ने किदी।

मरकुस 9:32

पण, आ बात वाँके हमज में ने आई अन ईसुऊँ आ बात पूँछबाऊँ दरपता हा।

लूका 9:45

पण, चेला अणी बाताँ ने हमज ने सक्या अन या बात वाँकाऊँ छाने ही जणीऊँ वीं ईंने जाण ने सक्या अन वीं वणाऊँ या बात पूँछबाऊँ दरपता हा।

यहुन्ना 16:19

ईसू यो हमजन के, “वीं माराऊँ कई पूँछणा छारिया हे।” ईं वाते वणा क्यो, “कई थाँ एक-दूजाऊँ मारी ईं बाताँ का बारा पूँछरिया हो के, ‘थोड़ीक टेम केड़े थाँ मने ने देको अन पछे थोड़ीक टेम में मने देको’?

यहुन्ना 21:11

तो समोन पतरस नाव पे चढन एक हो तिरेपन मोटी माछळयाऊँ भरियो तको जाळ कनारा पे खेंच्यो, अन अतरी माछळ्याँ ही तद्याँ भी जाळ ने फाटी।

यहुन्ना 21:15

जीमणा के पछे ईसू समोन पतरसऊँ पूँछ्यो, “ए समोन, यहुन्ना का बेटा, कई थूँ अणाऊँ हेलो परेम माराऊँ राके हे?” वणी वाँने क्यो, “हाँ, परबू जी, थाँ तो जाणो हो के, मूँ थाँकाऊँ कतरोक परेम राकूँ हूँ?” ईसू वींने क्यो, “मारा उन्याँ ने चरा।”

यहुन्ना 4:27

अतराक में वींका चेला भी आग्या अन अचम्बो करबा लागा के, वो लुगईऊँ बाताँ कररियो हे। तद्याँ भी कणी भी वणी लुगईऊँ ने पूँछ्यो के, “थूँ कई छावे हे?” अन नेई ईसुऊँ के, “थूँ कणी वाते वणीऊँ बात कररिया हो।”

थरप्या तका का काम 10:41

वाँ हारई मनकाँ के हामे कोयने, पण बेस वाँ गवा के हामे, जो पेल्याँई परमेसर का हातऊँ थरप्या ग्या हा, ज्याँकाणी मरिया तकाऊँ जीवता व्या केड़े वाँकी लारे खादो-पीदो हो।