यहुन्ना 20:26 - नुवो नेम (मेवड़ी नया नियम)

²⁶ आट दनाँ केड़े वाँका चेला घर मेंईस हा अन थोमो वाँका लारे हो अन कमाड़ जड़्यो तको हो। तद्याँ ईसू आया अन वाँका बचमें ऊबा वेन क्यो, “थाँने सान्ती मले।”

यहुन्ना 20:26 Iomraidhean Croise

मत्ती 17:1

छे दनाँ का केड़े ईसू, पतरस, याकूब अन वींका भई यहुन्ना ने मंगरा पे लेग्या।

मरकुस 16:14

पछे जदी वींका ग्यारई चेला रोट्याँ खारिया हा, ईसू वाँका मुण्डागे परगट व्या अन वे वाँने वाँका बना विस्वास, कल्डा मन के वाते फटकारिया, काँके वणा वाँका हमच्यार को विस्वास ने किदो हो, जणा ईसू ने जीवता व्या केड़े देक्या हा।

लूका 24:36

चेला आ बात कररिया हा के, वो खुद वाँका हामे परगट व्यो अन वाँने क्यो के, “थाँने सान्ती मले।”

लूका 9:28

ईं बाताँ व्या पसे ईसू आट दन केड़े पतरस, यहुन्नो अन याकूब का हाते परातना करबा का वाते मंगरा पे ग्या।

यहुन्ना 11:16

तद्याँ थोमो जिंने जोड़ला भी केता हा, वणी दूजाँ चेलाऊँ क्यो, “आवो, आपाँ भी गरुजी का हाते चाला, ताँके अणाका हाते मर सका।”

यहुन्ना 14:27

“मूँ थाँने सान्ती देन जारियो हूँ, आपणी खुद की सान्ती थाँने देवूँ हूँ। दनियाँ देवे हे वस्यान मूँ थाँने ने देवूँ हूँ। थाँको मन दकी ने वेवे अन ने थाँ दरपे।

यहुन्ना 20:19

हपता को पेला दन दितवार के हाजकाँ वींका चेला यहूदी अदिकारियाँ की दरपऊँ कमाड़ बन्द करन घर में बेटा हा। वीं टेम ईसू आया अन वाँका बचमें ऊबा वेन वाँकाऊँ क्यो, “थाँने सान्ती मले।”

यहुन्ना 20:21

ईसू पाछो वाँकाऊँ क्यो, “थाँने सान्ती मले। जस्यान बाप मने खन्दायो हे, वस्यानीस मूँ थाँने खन्दावूँ हूँ।”

यहुन्ना 21:1

अणा बाताँ का केड़े ईसू खुद तिबिरियस नाम का समन्द का कनारे आपणाँ चेला के हामे परगट व्या अन आ बात अस्यान वीं।

यहुन्ना 21:14

यो तीजी दाण हो के, ईसू मरिया तका मेंऊँ पाच्छा जीं उठबा के केड़े चेला ने दरसण दिदा।

थरप्या तका का काम 1:3

वो हूळी पे दक भोगन मरिया केड़े पाका सबूत का हाते नरी दाण परगट व्यो, वो जीवतो हे। अन चाळी दनाँ तईं चेला वींने देक्यो अन वो वाँने परमेसर का राज का बारा में बतातो रियो।