यहुन्ना 20:2 - नुवो नेम (मेवड़ी नया नियम)

² तद्याँ वा दोड़न समोन पतरस अन दूजाँ चेला के नके, ज्यो लाड़लो केवातो हो, वटे आन क्यो, “वीं परबू ने कबरऊँ काड़न ले पराग्या हे अन माँ ने जाणा के, वींने कटे राक मेल्यो हे।”

यहुन्ना 20:2 Iomraidhean Croise

यहुन्ना 13:23

ईसू चेला मेंऊँ एक चेलो लाड़लो केवातो हो, वो ईसू का नके बेटो हो।

यहुन्ना 19:26

जद्याँ ईसू आपणी बई अन वो चेला ज्यो लाड़लो केवातो हो, भड़े ऊबा देक्या तो आपणी बईऊँ क्यो, “ओ मास्या, ओ थारो बेटो हे।”

यहुन्ना 20:13

वाँकाणी वींने क्यो, “ए लुगई, थूँ काँ रोवे हे?” वणी क्यो, “वीं मारा परबू ने ले पराग्या हे अन मूँ ने जाणूँ हूँ के, वींने कटे मेल्यो हे?”

यहुन्ना 20:15

ईसू वींने क्यो, “ए लुगई, थूँ काँ रोवे हे? किंने होदरी हे?” वाँ वींने माळी हमजन क्यो, “ओ बासा, थाँ वींने लेग्या वो तो मने बतावो के, वींने कटे मेल राक्यो हे। ताँके मूँ वींने ले जवूँ।”

यहुन्ना 20:9

वीं अबाणू तईं भी सास्तर की आ बात ने हमजता हा के, वींको मरन पाछो जीवतो वणो पको हे।

यहुन्ना 21:20

पतरस पाछो फरन वीं चेला ने पाच्छे आतो तको देक्यो। ज्यो लाड़लो केवातो हो। यो वोईस जणी जीमबा की टेम वाँके कान्दड़ा नके मुण्डो करन पूँछ्यो, “हो परबू, थाँने धोकाऊँ पकड़बावाळो कूण हे?”

यहुन्ना 21:24

यो वोईस चेलो हे। ज्यो अणा बाताँ की गवई देवे अन जणी अणा बाताँ ने लिकी हे अन आपाँ जाणा हाँ के, वाँकी गवई हाँची हे।

यहुन्ना 21:7

तद्याँ वणी चेले ज्यो लाड़लो हो पतरसऊँ क्यो, “ईं तो परबू हे।” समोन पतरस यो हुणन के, वो परबू हे, कमर में हसताड़ो बांद दिदो, काँके वणी काम करबा का वाते उपरला गाबा खोल मेल्या हा। अन पाणी में कुद ग्यो, ताँके जट कनारे पे जा सके।