यहुन्ना 2:21 - नुवो नेम (मेवड़ी नया नियम)

²¹ पण ईसू आपणी बात में आपणाँ देह का मन्दर का वाते क्यो हो।

यहुन्ना 2:21 Iomraidhean Croise

यहुन्ना 1:14

अन बचन देह रूप धारण लिदो अन दया अन हाँचऊँ भरियो-पुरयो वेन आपणाँ बचमें वास किदो। आपाँ वींकी अस्यी मेमा देकी, या बापू परमेसर का एकाएक बेटा की मेमा ही।

यहुन्ना 2:22

आगे जान जद्याँ वो मरिया तकाऊँ पाछो जी उठयो तो वाँका चेला ने यो आद आयो हो के, वाँकाणी ओ क्यो हो। अन वणा पवितर सास्तर अन वो बचन ने ज्यो ईसू क्यो, वींपे विस्वास किदो।

1 कुरिन्थियों 3:16

कई थाँ ने जाणो के, थाँ परमेसर का मन्दर हो अन परमेसर की आत्मा थाँकामें वास करे हे।

1 कुरिन्थियों 6:19

कई थाँ ने जाणो हो के, थाँकी देह पुवितर आत्मा को मन्दर हे, ज्यो थाँकामें बसी तकी हे अन थाँने परमेसर का आड़ीऊँ मली हे अन वाँ थाँकी खुद की ने हे। थाँ खुदऊँ ने पण परमेसर का हो।

2 कुरिन्थियों 6:16

परबू का मन्दर को मूरत्याऊँ कई वेवार? काँके आपाँ खुदईस जीवता परमेसर का मन्दर हा, जस्यान वणा खुदईस क्यो हो, “मूँ वाँका में वास करिया करूँ, वाँका में चालूँ-फरूँ। मूँ वाँको परमेसर वेऊँ अन वीं मारा मनक वेई।

कुलुसियों 1:19

परमेसर की खुसी आ हे के, वींका हाराई गुण आपणाँ बेटा में रेवे।

कुलुसियों 2:9

काँके मसी की देह मेंईस परमेसर आपणी हाराई गुणा का हाते हमेस्या का वाते वास करे हे।

इब्रानियों 8:2

वो वीं पुवितर जगाँ में सेवा कररियो हे ज्यो हाँचा तम्बू हे, जिंने कणी मनक ने, पण परबू बणायो हे।