यहुन्ना 2:11 - नुवो नेम (मेवड़ी नया नियम)

¹¹ ईसू गलील का काना नगर में आपणो ओ पेलो परच्यो देन आपणी मेमा परगट किदी अन वाँका चेला वाँके ऊपरे विस्वास किदो।

यहुन्ना 2:11 Iomraidhean Croise

यहुन्ना 1:14

अन बचन देह रूप धारण लिदो अन दया अन हाँचऊँ भरियो-पुरयो वेन आपणाँ बचमें वास किदो। आपाँ वींकी अस्यी मेमा देकी, या बापू परमेसर का एकाएक बेटा की मेमा ही।

यहुन्ना 1:17

आपाँने नेम तो परमेसर मूसाऊँ दिदा, पण दया अन हाँच ईसू मसीऊँ मल्यो।

यहुन्ना 1:43

दूजे दन ईसू गलील जाबा का वाते ते किदो अन फिलिपुस मलग्यो तो वींने क्यो, “मारा पाच्छे चाल।”

यहुन्ना 1:50

ईसू वींने क्यो, “में ज्यो थने क्यो के, में थने अंजीर का रूँकड़ा के रेटे देक्यो, कई थूँ ईं बात की वजेऊँ विस्वास करे हे? तो थूँ आगे भी अणीऊँ मोटा-मोटा काम देकी।”

यहुन्ना 10:41

नरई लोग-बागाँ वाँके नके आता अन केता हा, “यहुन्ने कई परच्यो ने बताया, पण ज्यो कई यहुन्नो ईं मनक का बारा में केतो हो, वो हारोई हाँचो हो।”

यहुन्ना 11:15

अन मूँ थाँका वाते खुस हूँ के, मूँ वटे ने हो, काँके अबे थाँ मारा पे विस्वास कर सको। आवो अबे आपीं वींका नके चाला।”

यहुन्ना 11:47

ईंपे मुक्य याजकाँ अन फरीसियाँ मोटी सबा बलान क्यो, “आपणाँ ने कई करणो छावे? यो मनक घणा परच्या बतारियो हे।

यहुन्ना 12:18

लोग-बाग वाँकाऊँ मलबा ईंवातेइस आया हा, काँके वणा हुण्यो हो के, वणी ओ परच्यो बतायो हे।

यहुन्ना 12:37

ईसू यहूदी का मनकाँ का हामे अतरा परच्या बताया, तो भी वाँकाणी वाँपे विस्वास ने किदो।

यहुन्ना 12:41

यसाया ईं बाताँ ईं वाते किदी के, वणी ईसू की मेमा देकी अन वींका बारा में बाताँ भी किदी।

यहुन्ना 14:13

ज्यो कई थाँ मारा नामऊँ मांगो, वो मूँ करूँ, ताँके पूत की वजेऊँ परमेसर की बड़ई वेवे।

यहुन्ना 16:27

मारा बापू तो खुदई थाँकाऊँ परेम करे हे, काँके थाँ माराऊँ परेम किदो अन यो भी विस्वास किदो हे के, मूँ परमेसर का आड़ीऊँ आयो हूँ।

यहुन्ना 16:30

अबे माँ जाणग्या के, थूँ हारोई जाणे हे अन ईंमें थाँकी मरजी कोयने हे के, कुई थाँकाऊँ कई पूछे। अणीऊँ माँ विस्वास करा हाँ के, थूँ परमेसर की आड़ीऊँ खन्दायो तको हे।”

यहुन्ना 2:1

पछे तीजे दन गलील परदेस का काना नगर में किंको ब्याव हो अन ईसू की माँ भी वटे ब्याव में ही।

यहुन्ना 2:23

जद्याँ ईसू यरूसलेम में फसे का तेवार की टेम में हो, तद्याँ नरई लोग-बाग वाँका परच्या पे अन ज्यो वीं करता हा, वाँने देकन वींपे विस्वास किदो।

यहुन्ना 3:2

वो एक दन राते ईसू का नके आन क्यो, “हो गरुजी, माँ जाणा हाँ के, थाँ गरुजी हो अन थाँ परमेसर का आड़ीऊँ खन्दाया तका हो, काँके अस्या परच्या, जी थाँ बतावो हो, यद्याँ परमेसर वाँका हाते ने वेवे, तो वो ने बता सके हे।”

यहुन्ना 4:3

जद्याँ ईसू ने ओ पतो पड़्यो के, फरीसी यो हुण्यो, तो वीं यहूदियाँ परदेस ने छोड़न पाच्छा गलील परदेस का आड़ी पराग्या।

यहुन्ना 4:46

ईंका केड़े पाछो वो गलील का काना नगर में ग्यो जटे वणी पाणी को अंगूरा को रस बणायो हो। अन वटे एक कफरनूम नगर का राजा को अदिकारी हो, जिंको छोरो मांदो हो।

यहुन्ना 4:54

यो दूज्यो परच्यो हो ज्यो ईसू यहूदियाँ परदेसऊँ गलील परदेस में आन दिदो।

यहुन्ना 5:23

ईं वाते हाराई लोग-बाग जस्यान परमेसर को आदर-मान करे हे वस्यानीस मारो भी आदर-मान केरी। ज्यो मारो आदर-मान ने करे हे, वीं वणा परमेसर को भी आदर-मान ने करी, जणा मने खन्दायो हे।

यहुन्ना 6:14

तद्याँ ज्यो परच्यो ईंस बतायो वींने वीं लोग देकन केबा लागा के, “ईं दनियाँ में ज्यो परमेसर का आड़ीऊँ बोलबावाळो आबावाळो हे। हाँची में यो वोईस हे।”

यहुन्ना 6:2

अन एक मोटी भीड़ वाँका पाच्छे वेगी, काँके ज्यो परच्या का काम वीं माँदा मनकाँ पे बतातो हो, वी वाँने देकता हा।

यहुन्ना 6:26

ईसू वाँने जवाब दिदो, “मूँ थाँकाऊँ सई-सई केवूँ हूँ, थाँ मने ईं वाते ने होदो हो के, थाँ मोटा-मोटा परच्या देक्या, पण ईं वाते के, थाँने भरपेट रोट्याँ खवाड़ी ही।

यहुन्ना 6:30

तद्याँ वणा वींकाऊँ पूँछ्यो, “पछे थूँ कस्यो परच्यो बताई, जिंने देकन माँ थाँरा पे विस्वास करा? थूँ कई कर सके हे?

यहुन्ना 7:31

पछे भी वीं भीड़ मेंऊँ घणा लोग-बाग वींपे विस्वास किदो अन केबा लागा के, “जद्याँ मसी आई तो वो जतरा परच्या अणी बताया हे अणीऊँ हेला ने बताई, कई वो अस्यान करी?”

यहुन्ना 9:16

अणी पे कुई फरीसी केबा लागा, “जणी मनक यो किदो हे वो मनक परमेसर का आड़ीऊँ ने हे, काँके वो आराम का दन का नेमाने ने माने हे।” दूजाँ क्यो, “पापी मनक कस्यान अस्या परच्या बता सके हे?” अणी बात पे वाँका में आपस में फुट पड़गी।

2 कुरिन्थियों 3:18

जद्याँ आपाँ उगाड़ा मुण्डाऊँ काँस का जस्यान परबू की चमक को चलको पाड़ा हाँ, तो आपाँ भी वींके जस्यान वेबा लागा हाँ अन वाँ चमक आपाँ में ओरू भी हेलीऊँ हेली वेबा लागे हे अन आ चमक भी परबू का आड़ीऊँइस आवे हे, मतलब आत्माऊँ।

2 कुरिन्थियों 4:17

काँके ओ थोड़ाक दनाँ को दुक आपणाँ वाते जुग-जुग का वाते मेमा लेन आई, ज्या ईं दकऊँ घणी मोटी हे।

2 कुरिन्थियों 4:6

काँके परमेसर क्यो हो के, “अन्दारा में उजितो चमकी” अन वोईस आपणाँ हरदा में चमक्यो हे, जणीऊँ आपाँने ईसू मसीऊँ परमेसर की मेमा का वाते ग्यान को उजितो मल सके।

1 यहुन्ना 5:13

मूँ या बात ईं वाते थाँने लिक हूँ, काँके थाँ परमेसर का बेटा में विस्वास राकबावाळा हो अन थाँ यो भी जाण लिदो हे के, अनंत जीवन थाँनेइस मल्यो हे।