यहुन्ना 19:9 - नुवो नेम (मेवड़ी नया नियम)

⁹ अन पछे दरबार का मयने जान ईसुऊँ क्यो, “थूँ कटा को हे?” पण, ईसू वींने कई जबाव ने दिदो।

यहुन्ना 19:9 Iomraidhean Croise

मत्ती 26:63

पण ईसू छानारिया। तद्याँ मायाजक वाँकाऊँ क्यो, “मूँ थने जीवता परमेसर की होगन दूँ हूँ के, यद्याँ थूँ परमेसर को पूत मसी हे, तो माँकाऊँ के दे।”

मत्ती 27:27

तद्याँ हाकम पिलातुस का सपायाँ ईसू ने किला में लेग्या अन हारी फोज वाँका च्यारूँमेर भेळी वेगी।

लूका 23:9

वो ईसुऊँ घणा सवाल पूछतो रियो पण, ईसू कई भी जबाव ने दिदो।

यहुन्ना 18:28

तद्याँ वीं ईसू ने केफा का नकेऊँ रोमी राजपाल का दरबार में लेग्या अन भाग-फाट्याँ को टेम हो, पण यहूदी अदिकारी ज्यो वींने लेग्या हाँ वीं खुद दरबार मयने ने ग्या, ताँके असुद ने वेवे, पण फसे का तेवार को खाणो खा सके।

यहुन्ना 18:33

तद्याँ पिलातुस पाछो दरबार में ग्यो अन ईसू ने बलान वणीऊँ पूँछ्यो, “कई थूँ यहूदियाँ को राजा हे?”

यहुन्ना 18:34

ईसू वींने क्यो, “कई थाँ आ बात आपणाँ आड़ीऊँ केवो हो कन दूजाँ जणा मारा बारा में थाँने की हे?”

यहुन्ना 18:37

पिलातुस वींने क्यो, “तो कई थूँ राजा हे?” ईसू वींने क्यो, “थूँ केवे हे के, मूँ राजा हूँ। में ईं वाते जनम लिदो अन ईं वाते दनियाँ में आयो हूँ के, हाँच की गवई दूँ अन ज्यो कुई हाँचो हे, वो मारो बचन हुणे हे।”

यहुन्ना 19:10

ईंपे पिलातुस ईसुऊँ क्यो, “थूँ माराऊँ काँ ने बोलरियो हे? कई थूँ ने जाणे के, थने छोड़बा को हक मारा नके हे अन थने हूळी पे चड़ाबा को भी मने हक हे?”

यहुन्ना 19:8

जद्याँ पिलातुस आ बात हूणी, तो वो भी घणो दरपग्यो।

यहुन्ना 8:14

ईसू वाँने क्यो, “मूँ मारी गवई पलई देवूँ, पछे भी मारी गवई मानबा जोगी हे, काँके मूँ जाणूँ हूँ के, मूँ कटाऊँ आयो हूँ अन कटे जाऊँ। पण थाँ ने जाणो हो के, मूँ कटाऊँ आयो हूँ अन कटे जाऊँ।

फिलिपियों 1:28

अन कस्यी भी बात में थाँ थाँका दसमणाऊँ दरपो मती। ओ ईं बात ने साबत करे के, थाँ तो बंच जावो अन वाँको नास वे जाई, ओ परमेसर का आड़ीऊँ हे।