यहुन्ना 19:6 - नुवो नेम (मेवड़ी नया नियम)

⁶ जद्याँ मोटा याजकाँ अन मन्दर का चोकीदाराँ वींने देक्यो, तो हाको करन क्यो, “ईंने हूळी पे चड़ई दो, ईंने हूळी पे चड़ई दो।” पिलातुस वाँकाऊँ क्यो, “थाँईस ईंने हूळी पे चड़ावो, काँके में ईंमें कई दोस ने पायो हे।”

यहुन्ना 19:6 Iomraidhean Croise

मत्ती 26:58

पतरस छेटी-छेटी वाँका पाछे-पाछे मायाजक की गवाड़ी तईं ग्यो, अन मयने जान नतीजो देकबा का वाते पेरादारा का हाते बेटग्यो।

मत्ती 27:22

हाकम पिलातुस वाँने पूँछ्यो, “पछे ईसू ने, ज्यो मसी बाजे हे, वींको कई करूँ?” हारई वाँने क्यो, “वींने हूळी पे चढा दो!”

मत्ती 27:24

जद्याँ पिलातुस देक्यो के, कई फायदो कोयने पण ईंका हामे ओरी हाका-हूक वेबा लागी हे, तो वाँकाणी हतेळी में पाणी लेन भीड़ का हामे आपणाँ हात धोया अन क्यो, “मूँ ईं धरमी का लुईऊँ बना दोस को हूँ, थाँईस जाणो।”

लूका 23:4

तद्याँ पिलातुस मुक्य याजकाँऊँ अन लोग-बागाऊँ क्यो, “मने अणी मनक में कई दोस ने मलरियो हे।”

यहुन्ना 18:3

तद्याँ यहूदो रोमी सेना का एक दल ने अन मुक्य याजकाँ अन फरीसियाँ की आड़ीऊँ मन्दर का चोकीदाराँ ने लेन वटे आयो। अन वाँका हाताँ में मसाळ, लालटेन अन हत्यार हा।

यहुन्ना 18:31

पिलातुस वाँने क्यो, “थाँ ईंने ले जावो अन आपणाँ नेमा के हस्याबूऊँ न्याव करो।” यहूदी लोगाँ वींने क्यो, “माँने यो हक ने हे के, किंने मोत को दण्ड देवा।”

यहुन्ना 18:38

पिलातुस वींने क्यो, “हाँच कई हे?” ओ केन वो पाछो यहूदी मनकाँ का नके ग्यो अन वाँने क्यो, “मूँ तो वींका में कई दोस ने पावूँ हूँ।

यहुन्ना 19:15

पण, वीं ओरी ज्योरऊँ हाको करन क्यो, “ईंने मारी नाको, ईंने मारी नाको, ईंने हूळी पे चड़ई दो।” पिलातुस वाँने क्यो, “कई थाँ छावो हो के, मूँ थाँका राजा ने हूळी पे चड़ई दूँ?” मुक्य याजकाँ जबाव दिदो, “रोमी राजा ने छोड़न माँको कुई दूज्यो राजा कोयने हे।”

यहुन्ना 19:4

तद्याँ पिलातुस पाछो बारणे आन लोगाऊँ क्यो, “देको, मूँ वींने थाँका नके पाछो बारणे लावूँ हूँ। ईं वाते थाँ हमजो के, मूँ वींमें कई भी दोस ने पावूँ हूँ।”

थरप्या तका का काम 2:23

ईसू ने परमेसर आपणी पाक्की ओजणा अन पेली का ग्यानऊँ होच-हमजन थाँने हूँप्यो अन थाँकाणी वींने नीच मनकाँ का हाताँ में पकड़वान हूळी पे खीलाँ ठुकवान मरवा नाक्यो।

थरप्या तका का काम 7:52

अस्यो एक भी परमेसर का आड़ीऊँ बोलबावाळो हो कई, जिंने थाँका बड़ाबा ने हतायो? वाँकाणी तो वाँने भी मार नाक्या, ज्याँकाणी नरई दनाँ पेल्याँईं वीं धरमी के आबा की घोसणा कर दिदी ही, जिंने अबे थाँकाणी छळ करन पकड़वा दिदो अन मार दिदो।