यहुन्ना 19:4 - नुवो नेम (मेवड़ी नया नियम)

⁴ तद्याँ पिलातुस पाछो बारणे आन लोगाऊँ क्यो, “देको, मूँ वींने थाँका नके पाछो बारणे लावूँ हूँ। ईं वाते थाँ हमजो के, मूँ वींमें कई भी दोस ने पावूँ हूँ।”

यहुन्ना 19:4 Iomraidhean Croise

मत्ती 27:19

जद्याँ पिलातुस न्याव की गाद्दी पे बिराज्यो तको हो तो वाँकी लुगई वींने ओ हमच्यार खन्दायो, “थूँ वणी धरमी मनक का मामला में भेळा मती रेज्ये। काँके में आज हपना में वाँका वाते घणो दुक जेल्यो हे।”

मत्ती 27:24

जद्याँ पिलातुस देक्यो के, कई फायदो कोयने पण ईंका हामे ओरी हाका-हूक वेबा लागी हे, तो वाँकाणी हतेळी में पाणी लेन भीड़ का हामे आपणाँ हात धोया अन क्यो, “मूँ ईं धरमी का लुईऊँ बना दोस को हूँ, थाँईस जाणो।”

मत्ती 27:4

अन क्यो, “में बना दोस का मनक ने मारबा का वाते पकड़ान पाप किदो!” तो वाँकाणी क्यो, “माँने कई? थूँ थारी जाणे।”

मत्ती 27:54

तद्याँ रोमी सेनापती अन ज्यो वींका हाते ईसू के पेरो देरियो हाँ, भूकम अन ज्यो कई व्यो हो, वींने देकन घणा दरपग्या अन क्यो, “हाँचई में ओ परमेसर को पूत हो।”

लूका 23:4

तद्याँ पिलातुस मुक्य याजकाँऊँ अन लोग-बागाऊँ क्यो, “मने अणी मनक में कई दोस ने मलरियो हे।”

लूका 23:41

अन आपाँ तो न्यावऊँ सजा पई, काँके आपाँ तो आपणाँ काम को फळ पारिया हा, पण अणी तो कई बुरो ने किदो हे।”

लूका 23:47

वटे ज्यो कई व्यो हो वींने देकन सपायाँ को हाकम ओ केन परमेसर की बड़ई किदी के, “हाँची में ओ मनक धरमी हो।”

यहुन्ना 18:33

तद्याँ पिलातुस पाछो दरबार में ग्यो अन ईसू ने बलान वणीऊँ पूँछ्यो, “कई थूँ यहूदियाँ को राजा हे?”

यहुन्ना 18:38

पिलातुस वींने क्यो, “हाँच कई हे?” ओ केन वो पाछो यहूदी मनकाँ का नके ग्यो अन वाँने क्यो, “मूँ तो वींका में कई दोस ने पावूँ हूँ।

यहुन्ना 19:6

जद्याँ मोटा याजकाँ अन मन्दर का चोकीदाराँ वींने देक्यो, तो हाको करन क्यो, “ईंने हूळी पे चड़ई दो, ईंने हूळी पे चड़ई दो।” पिलातुस वाँकाऊँ क्यो, “थाँईस ईंने हूळी पे चड़ावो, काँके में ईंमें कई दोस ने पायो हे।”

2 कुरिन्थियों 5:21

अन जणी कदीई पाप ने किदो वींने परमेसर आपणाँ पापाँ का वाते बली बणायो जणीऊँ आपाँ परमेसर का हामे सई मान्याँ जावाँ।

इब्रानियों 7:26

अस्या मायाजकइस आपणी जरूत ने पुरी कर सके हे, जी पुवितर हे, बना दोस का वेवे, सुद वे, पापी मनकाँऊँ अलग हे, हरगऊँ भी ऊँचे उटायाग्या वेवे।

1 पतरस 1:19

पण थाँने ओ छुटकारो मसी का किमती लुईऊँ, जो निरदोस उन्याँ के जस्यान हे, मल सके हे।

1 पतरस 2:22

सास्तर में लिक्यो तको हे के, “वणी कई पाप ने किदो हो अन नेई वाँका मुण्डाऊँ धोका की बाताँ निकळी।”

1 पतरस 3:18

काँके मसी भी आपणाँ पापाँ का वाते दुक जेल्यो हो। ईंको मतलब ओ हे के, वो निरदोस हो तो भी वो आपणाँ पाप का वाते एक दाण मरग्यो, जणीऊँ वो आपाँने परमेसर का नके ले जावे। वो देह का रूप में तो मरग्यो, पण आत्मिक रूप में जिवायो ग्यो हे।

1 यहुन्ना 3:5

थाँ ओ तो जाणो हो के, मसी लोगाँ का पापाँ ने धोवा का वाते परगट व्या हो अन वींके मयने कई पाप कोयने हे।