यहुन्ना 19:30 - नुवो नेम (मेवड़ी नया नियम)

³⁰ अन पसे ईसू अंगूरा का रस चाक्या केड़े बोल्यो, “पूरो व्यो।” अन मातो नमान जीव छोड़ दिदो।

यहुन्ना 19:30 Iomraidhean Croise

मत्ती 20:28

जस्यान के मनक को पूत ईं वाते ने आयो के, वींकी सेवा-चाकरी किदी जावे पण ईं वाते आयो के, नरई ने छुड़ाबा का वाते आपणी जीव देवे।”

मत्ती 27:50

तद्याँ ईसू ज्योरऊँ हाका-भार करन जीव छोड़ दिदो।

मत्ती 3:15

ईसू वींने क्यो, “अबाणू तो अस्यानीस वेबा दे। माने ज्यो परमेसर छावे हे वींने पूरो करबा का वाते योईस करणो हे।” तद्याँ यहुन्ने वींकी बात मान लिदी।

मरकुस 15:37

पछे ईसू ज्योरऊँ हाको किदो अन जीव छोड़ दिदो।

लूका 22:37

काँके मूँ थाँकाऊँ केवूँ हूँ के, यो ज्यो सास्तर में लिक्यो हे के, ‘वो अपरादिया का हाते गण्यो ग्यो।’ या बात मारा में पुरी वेणी घणी जरूरी हे, काँके अबे ईं बात के वेबा की टेम आगी हे।”

लूका 23:46

पसे ईसू ज्योरऊँ हाको करन क्यो, “ओ बापू, मूँ मारी आत्माने थाँका हाताँ में हूँपूँ हूँ।” यो केन ईसू आपणाँ जीव छोड़ दिदो।

यहुन्ना 10:11

“मूँ हव गवाळ हूँ। हव गवाळ आपणाँ गारा का वाते आपणो जीव भी दे देवे हे।

यहुन्ना 10:18

कुई भी माराऊँ मारो जीवन ने ले सके, पण मूँ खुदई दी देऊँ हूँ। मने ईंने देबा को हक हे अन पाछो लेबा को भी हक हे। परमेसर मने अस्यान करबा का वाते आग्या दिदी हे।”

यहुन्ना 17:4

ज्यो काम थाँ मने करबा ने दिदो हो, वींने पूरो करन में धरती पे थाँकी मेमा परगट किदी हे।

यहुन्ना 19:28

ईंका केड़े ईसू ओ जाणन के, अबे हारोई पूरो वेग्यो हे। तो वणी पवितर सास्तर में ज्यो बतायो ग्यो हो वो पूरो वेवा वाते क्यो, “मूँ तरियो हूँ।”

यहुन्ना 4:34

ईसू वाँने क्यो, “मारो खाणो ओ हे के, मूँ मने खन्दाबावाळा की मरजी पे चालूँ अन वींको काम पूरो करूँ, ज्यो वणी मने हुप्यो हे।

रोमियों 10:4

मसी नेमा को अंत हे, ताँके ज्यो भी विस्वास करी, वीं हाराई परमेसर का वाते खरा बणे।

रोमियों 3:25

ईसू मसी की मोत पे विस्वास करबाऊँ पापाँ की मापी पाबा का वाते परमेसर ईसू मसी ने एक बलीदान का रूप में दे दिदो, ईं तरियाँ परमेसर आपणी धारमिकताने परगट किदी, काँके परमेसर समता खान मनकाँ का पेल्याँ का पापाँ को दण्ड ने दिदो अन छोड़ दिदा हा।

1 कुरिन्थियों 5:7

ईं वाते थाँ जूना हाज्या ने निकाळन ज्यो बुरा काम हे अणाऊँ, आपणाँ खुद ने पुवितर करो अन नुवो गुद्‍या तको आटो बण जावो, ताँके थाँ बना हाज्या का वो, काँके आपणाँ फसे को उन्यो ज्यो मसी हे, आपाँने पुवितर करबा का वाते बली व्यो हे।

फिलिपियों 2:8

खुद ने नरम करन मोत वेबा तईं आग्या को पालण करतो रियो। अन अटा तईं के हूळी की मोत भी सेण कर लिदी।

इब्रानियों 12:2

विस्वास का मालिक अन वींने सिद करबावाळा ईसू मसी का आड़ी आपाँ देकता रा। जणी आपणाँ हामें राक्या तका आणन्द का वाते लाज-सरम की चन्ता ने किदी अन हूळी पे दुक जेल्यो अन परमेसर की गादी के जीमणे पाल्डे जान बेटग्यो।

इब्रानियों 9:22

मूसा का नेमा का जस्यान हारी चिजाँ ने लुई छाटकन सुद किदी जावे हे अन बना लुई वेवाड़्याँ मापी ने मले हे।