यहुन्ना 19:11 - नुवो नेम (मेवड़ी नया नियम)

¹¹ ईसू जवाब दिदो, “यद्याँ परमेसर थाँने मारा पे यो हक ने देता, तो थाँ कई ने कर सकता। तो थारो मारा पे कई हक ने वेतो। ईं वाते जणा मने थाँरा हाताँ में हूँप्यो हे, वीं थाँराऊँ भी हेला पापी हे।”

यहुन्ना 19:11 Iomraidhean Croise

मत्ती 26:65

ईं बात पे मायाजक आपणाँ गाबा फाड़न अन क्यो, “अणी परमेसर की नन्दयाँ किदी हे, अबे मारे गुवा की कई जरूत ने हे? देको, थाँ अबाणू ईंने परमेसर की नन्दया हामळी हे।

मत्ती 27:2

वाँकाणी ईसू ने बाँदन लेजान पिलातुस हाकम ने हूँप दिदो।

मत्ती 6:13

माँने अस्यी तागत देज्यो ताँके, माँ हारी तरिया की परक को सामनो कर सका, अन माने बुरईऊँ बचावो। काँके राज अन तागत अन मेमा हमेस्यान थाँकीस हे।’” आमीन।

मरकुस 14:44

धोकाऊँ पकड़बावाळे वाँने ओ इसारो किदो, “मूँ जिंके गळे मलूँ, वोईस ईसू हे। वींने बन्दी बणा लिज्यो अन पकड़न पूरा हेंचेतऊँ ले जाज्यो।”

लूका 22:53

जद्याँ मूँ मन्दर में थाँका हाते हो, तो थाँ मने ने पकड़्यो हो पण, यो थाँको टेम हे जिंपे अंदारा को राज हे।”

यहुन्ना 18:13

पेल्याँ वींने हन्ना का नके लेग्या। काँके हन्ना वीं वर का मायाजक केफा को होरो हो।

यहुन्ना 18:3

तद्याँ यहूदो रोमी सेना का एक दल ने अन मुक्य याजकाँ अन फरीसियाँ की आड़ीऊँ मन्दर का चोकीदाराँ ने लेन वटे आयो। अन वाँका हाताँ में मसाळ, लालटेन अन हत्यार हा।

यहुन्ना 19:10

ईंपे पिलातुस ईसुऊँ क्यो, “थूँ माराऊँ काँ ने बोलरियो हे? कई थूँ ने जाणे के, थने छोड़बा को हक मारा नके हे अन थने हूळी पे चड़ाबा को भी मने हक हे?”

यहुन्ना 3:27

यहुन्ने वाँने जवाब दिदो, “जद्याँ तईं परमेसर ने देवे तद्याँ तईं कुई कई ने पा सके हे।

यहुन्ना 7:30

पछे वीं वींने पकड़णो छायो, पण कुई भी वींने हात ने लगा सक्यो, काँके वींके पकड़्यो जावा को टेम अबाणू ने आयो हो।

यहुन्ना 9:41

ईसू वाँने क्यो, “यद्याँ थाँ आन्दा वेता तो पापी ने वेता, पण अबे केवो हो के, ‘माँ देका हा,’ ईं वाते थाँको पाप बण्यो रेवे हे।”

थरप्या तका का काम 2:23

ईसू ने परमेसर आपणी पाक्की ओजणा अन पेली का ग्यानऊँ होच-हमजन थाँने हूँप्यो अन थाँकाणी वींने नीच मनकाँ का हाताँ में पकड़वान हूळी पे खीलाँ ठुकवान मरवा नाक्यो।

थरप्या तका का काम 3:13

अबराम, इसाक अन याकूब का परमेसर, आपणाँ बड़ाबा का परमेसर आपणाँ सेवक ईसू की मेमा किदी। थाँकाणी वींने मराबा के वाते पकड़वा दिदो अन पछे पिलातुस वींने छोड़बा की बात ठाणी, तो थाँ लोगाँ पिलातुस के हामे भी वींने नकार दिदो।

थरप्या तका का काम 4:28

वीं हारोई करबा ने भेळा व्या, ताँके जो पेल्याऊँ थाँकी तागत अन मरजीऊँ पूरो व्यो हो, वो पूरो वेवे।

रोमियों 11:36

काँके हाराई ने रचबावाळो वोईस हे। वणीऊँस हाराई हे अन वीं वींका वातेईस हे। वींकी मेमा हमेस्यान वेती रेवे! आमीन।

रोमियों 13:1

हाराई मनकाँ ने अदिकारियाँ का रेटे रेणो छावे। काँके परमेसर की मरजी का बना कुई राज ने कर सके, अन अदिकारियाँ ने परमेसरइस बणावे हे।

याकूब 1:17

काँके हाराई दान वरदान अन हव ईनाम उपरेऊँईस मले हे अन ईं उजिता का परमेसरइस देवे हे जणी हरग ने बणाया हे, ज्यो कदी बदल कोयने, अन वींमें बदलती दसा का वजेऊँ आबावाळी काळी छाया भी कोयने हे।

याकूब 4:17

अन जो मनक भलई करणो जाणे हे, पण ने करे, तो वो पाप करे हे।