यहुन्ना 18:3 - नुवो नेम (मेवड़ी नया नियम)

³ तद्याँ यहूदो रोमी सेना का एक दल ने अन मुक्य याजकाँ अन फरीसियाँ की आड़ीऊँ मन्दर का चोकीदाराँ ने लेन वटे आयो। अन वाँका हाताँ में मसाळ, लालटेन अन हत्यार हा।

यहुन्ना 18:3 Iomraidhean Croise

मत्ती 25:1

वीं टेम ईसू क्यो, हरग को राज वीं दस कूँवारी छोरियाँ का जस्यान वेई जी आपणाँ दिवा लेन बींदऊँ मलबा गी।

यहुन्ना 13:2

जद्याँ ईसू अन वींका चेला हाजकाँ की टेम में खाणो खारिया हा, वीं टेम समोन का पूत यहूदा इसकरियोती का मन में सेतान ईसू ने धोकाऊँ पकड़वाबा की बाताँ नाक दिदी ही।

यहुन्ना 18:12

तद्याँ रोमी सपायाँ अन वाँका सूबेदार अन यहूदियाँ का मन्दर का चोकीदार ईसू ने पकड़ लिदा अन बाँदन,

यहुन्ना 18:18

दास अन चोकीदार ठन्डऊँ बंचबा के वाते धूणी लगान तापरिया हा अन पतरस भी वाँका हाते ऊबो वेन तापरियो हो।

यहुन्ना 18:22

जद्याँ ईसू अस्यान क्यो तो मन्दर को एक चोकीदार ईसू का नकेईस ऊबो हो वणी ईसू के छापट मारन क्यो, “कई मोटा याजक ने जवाब ईं तरिया देवे हे?”

यहुन्ना 19:6

जद्याँ मोटा याजकाँ अन मन्दर का चोकीदाराँ वींने देक्यो, तो हाको करन क्यो, “ईंने हूळी पे चड़ई दो, ईंने हूळी पे चड़ई दो।” पिलातुस वाँकाऊँ क्यो, “थाँईस ईंने हूळी पे चड़ावो, काँके में ईंमें कई दोस ने पायो हे।”

यहुन्ना 7:32

फरीसी जद्याँ मनकाँ ने ईसू का बारा में छाने-छाने बाताँ करता तका हुण्या, तो वणा अन मुक्य याजकाँ ईंस ने पकड़बा का वाते मन्दर का चोकीदाराँ खन्दाया।

थरप्या तका का काम 1:16

“ओ मारा भई अन बेना, ईसू ने बंदी बणाबावाळा ने गेलो बताबावाळो यहूदो, जिंका बारा में सास्तर में लिक्यो हे, जो दाऊद का मुण्डाऊँ पुवितर आत्मा नरई दनाँ पेल्याँई के दिदो हो, वाँ बात पुरी वेणी जरूरी ही।

थरप्या तका का काम 10:1

केसरिया में कुरनेल्युस नाम को एक मनक हो। वो रोम की इटालनी नाम की फोज का हो सपायाँ पे सरदार हो।