यहुन्ना 17:25 - नुवो नेम (मेवड़ी नया नियम)

²⁵ हो धरमी बापू, दनियाँ थाँने ने ओळक्यो, पण मूँ थने ओळकूँ हूँ, अन मारा विस्वासी भी जाणे के, थाँईस मने खन्दायो हे।

यहुन्ना 17:25 Iomraidhean Croise

मत्ती 11:27

“मारा परम बापू मने हारोई हूँप्यो हे, परमेसर के अलावा कुई बेटा ने कोयने जाणे हे, अन ने कुई बेटा के अलावा परमेसर ने जाणे हे, पण अबे वीं मनक परमेसर ने जाणे हे जाँने बेटो बतावे हे।

मत्ती 16:16

समोन पतरस जटऊँ क्यो, “थूँ जीवता परमेसर को पूत मसी हे।”

लूका 10:22

“मने मारा बापू हारोई हूँप दिदो हे अन कुई भी ने जाणे हे के, बेटो कूण हे? अन बाप अन बेटो कूण हे? यो भी कुई ने जाणे हे कन पसे वाँके अलावा ज्याँने बेटो बताणो छारियो हे।”

यहुन्ना 1:18

परमेसर का कदी कणी दरसण ने किदा, बेस एकाएक बेटो ज्यो खुद परमेसर हे अन वाँका खोळा में हे, वणी वाँने आपणाँ पे परगट किदा।

यहुन्ना 10:15

जस्यान बापू परमेसर मने ओळके हे अन मूँ बापू परमेसर ने ओळकूँ हूँ। अन मूँ गारा के वाते आपणो जीव देवूँ हूँ।

यहुन्ना 15:21

पण वीं यो हारोई मारा नाम का मस थाँका हाते करी, काँके वणा मने खन्दाबावाळा ने ने ओळक्यो हो।

यहुन्ना 16:27

मारा बापू तो खुदई थाँकाऊँ परेम करे हे, काँके थाँ माराऊँ परेम किदो अन यो भी विस्वास किदो हे के, मूँ परमेसर का आड़ीऊँ आयो हूँ।

यहुन्ना 16:3

वीं यो ईं वाते करी काँके, वीं बापू परमेसर ने ने जाणे अन ने मने जाणे हे।

यहुन्ना 16:30

अबे माँ जाणग्या के, थूँ हारोई जाणे हे अन ईंमें थाँकी मरजी कोयने हे के, कुई थाँकाऊँ कई पूछे। अणीऊँ माँ विस्वास करा हाँ के, थूँ परमेसर की आड़ीऊँ खन्दायो तको हे।”

यहुन्ना 17:11

मूँ अबे दनियाँ में ने रेऊँ, पण ईं हाराई दनियाँ में रेई, अन मूँ थाँका नके आवूँ हूँ। हो पवितर बापू आपणाँ वीं नाम की तागतऊँ ज्यो थाँ मने दिदो हे, वाँकी रुकाळी करो, ताँके वीं हाराई आपणे जस्यान एक वे सके।

यहुन्ना 17:18

जस्यान थाँ मने दनियाँ में खन्दायो, वस्यानीस में भी वाँने दनियाँ में अलग अलग जगाँ में खन्दाया हे।

यहुन्ना 17:21

हो बापू, मारी या अरज हे के, वीं हाराई एक वेवे, जस्यान मूँ थाँकामें हूँ अन थाँ मारा में हो, वस्यानीस वीं भी आपाँ में एक वेवे, जणीऊँ दनियाँ विस्वास करे के, थाँ मने खन्दायो हे।

यहुन्ना 17:23

मूँ वाँका में अन थाँ मारा में वेवो, जणीऊँ वीं पुरी तरियाऊँ आपाँ में एक वे जावे। अन दनियाँ जाणे के, थाँ मने खन्दायो हे, अन जस्यान थाँ माराऊँ परेम किदो वस्यानीस वाँकाऊँ भी परेम करो हो।

यहुन्ना 17:3

अन अनंत जीवन यो हे के, वीं एकाएक हाँचा परमेसर ने अन ईसू मसी ने, जिंने थाँ खन्दायो हे, ओळके।

यहुन्ना 17:8

काँके ज्यो बचन थाँ मने दिदो, में वाँने वोईस बचन दिदो। अन वणा वींको विस्वास किदो। अन वीं ईं हाँच ने जाण लिदो हे के, मूँ थाकी आड़ीऊँ आयो हूँ, अन विस्वास कर लिदो हे के, थाँईस मने खन्दायो हे।

यहुन्ना 3:17

परमेसर आपणाँ पूत ने दनियाँ में ईं वाते ने खन्दायो के, वो दनियाँ का मनकाँ ने दण्ड देवे। पण ईं वाते खन्दायो के, दनियाँ का मनकाँ ने बंचा सके।

यहुन्ना 6:19

जद्याँ वीं नावऊँ दो-तीन कोस का लगे-भगे जातारिया, तो वणा ईसू ने समन्द का पाणी पे चालता तका आपणी आड़ी आता देक्या तो, वीं ओरू भी घणा दरपग्या।

यहुन्ना 7:29

पण मूँ वींने ओळकूँ हूँ, काँके मूँ वींका आड़ीऊँ खन्दायो तको हूँ।”

यहुन्ना 8:19

ईंपे वणा वींकाऊँ पूँछ्यो, “थाँरा बापू कटे हे?” ईसू जवाब दिदो, “ने थाँ मने ओळको हो, नेई मारा बापू ने। यद्याँ मने जाणता तो मारा बापू ने भी ओळकता।”

यहुन्ना 8:55

थाँ वींने ने जाणो हो, पण मूँ वींने जाणूँ हूँ। यद्याँ मूँ केतो के, मूँ वींने ने जाणतो, तो मूँ थाँका जस्यान जूट बोलवावाळो जूटो ठेरतो। पण मूँ वींने जाणूँ हूँ अन वींका बचना को पालण करूँ हूँ।

थरप्या तका का काम 17:23

काँके मूँ अटने-वटने फरतो तको थाँकी पूजबा की चिजाँ ने देकरियो हो, तो एक अस्यी वेदी भी देकी जिंपे मण्ड्यो हे, “अणजाण परमेसर के वाते।” ईं वाते थाँ जिंने बना जाण्या पूजो हो, मूँ थाँने वींको हव हमच्यार हूँणऊँ हूँ।

थरप्या तका का काम 26:18

थूँ वाँकी आक्याँ ने खोले अन वीं अंदाराऊँ उजिता का आड़ी, अन सेतान की सगतिऊँ परमेसर का आड़ी फरे ताँके वाँने पापाऊँ मापी मले अन परमेसर का चुण्या तका लोगाँ के हाते वीं भी बापोती में भेळा वेवे।’

रोमियों 1:28

वणा मनकाँ परमेसर का ग्यान ने ओळकणो किमती ने हमज्या, ईं वाते परमेसर भी वाँने वाँकी फालतू मरजी का जस्यान छोड़ दिदा। अन वीं हूँगला काम करबा लागग्या, ज्याँने करणा सई ने हे।

रोमियों 3:11

कुई हमजदार ने हे, ज्यो परमेसर ने होदे हे!

रोमियों 3:26

ताँके वो अणी टेम में आपणी धारमिकताने परगट करे, जणीऊँ वो खुद धरमी अन ईसू में विस्वास करबावाळा ने धरमी ठेराबावाळो बणे।

1 कुरिन्थियों 1:21

परमेसर अस्यान होच-हमजन ते कर राक्यो हो के, अणी दनियाँ का मनक आपणाँ ग्यानऊँ परमेसर ने ने जाण पाई, तो परमेसर ने ओ बड़िया लागो के, ईं तरिया परच्यार का जरिये ज्यो आपाँ कराँ हा, ज्यो परच्यार दनियाँ का मनकाँ की नजराँ में मुरकता हे, ईंपे विस्वास करबावाळा मनकाँ ने बचावे।

1 कुरिन्थियों 15:34

थाँ होस में आन ज्यो सई हे, वींका बारा होचो अन पाप करणो छोड़ दो। काँके थाँकामूँ नरई तो अस्या हे ज्यो परमेसर का बारा में कई ने ने जाणे हे, मूँ यो थाँकी हरम का वाते केरियो हूँ।

2 कुरिन्थियों 4:4

ईं दनियाँ को सेनापती ज्यो सेतान हे, वो वणा मनकाँ की अकल ने बन्द कर मेली हे जीं विस्वास ने करे हे। जणीऊँ वीं परमेसर का रूप में मसी ने अन वाँकी मेमावान उजिता का हव हमच्यार ने ने देक सके।

2 थिस्सुलुनिक्यों 1:8

अन जतरा परमेसर ने ने जाणे अन आपणाँ परबू ईसू का हव-हमच्यार ने ने मानी वाँने दण्ड दिदो जाई।

इब्रानियों 8:11

पछे कुई भी मनक आपणाँ पड़ोसी ने अस्यान ने हिकाई अन कुई भी मनक आपणाँ भई-बन्दऊँ ने केई के, ‘थाँ परबू ने ओळको।’ काँके वीं हाराई फोरा अन मोटा मने जाणी।

1 यहुन्ना 1:9

पण यद्याँ आपाँ परमेसर का हामे खुद का पाप ने मानाँ, तो वो आपणाँ पाप ने अन आपणाँ हाराई अधरम माप कर देई, काँके वो विस्वास जोगो अन न्याव करबावाळो हे।

परकासितवाक्य 13:8

जणा मनकाँ को नाम वीं उन्याँ की जीवन की किताब में ने लिक्यो तको हो, वीं हाराई वी डरावणा जनावर के धोक लागी। अन यो उन्यो ज्यो ईं दनियाँ की सरुआतऊँ बली वेबा का वाते ते किदो ग्यो हो।

परकासितवाक्य 16:5

तद्याँ में पाणी पे अदिकार राकबावाळा हरग-दुत ने ओ बोलते तके हुण्यो, “हो पुवितर, थाँ हा अन थाँ ज्यो हमेस्यान हो थाँईस न्याव किदो हे।