यहुन्ना 16:32 - नुवो नेम (मेवड़ी नया नियम)

³² देको, वा टेम आरी हे पण आगी हे के, थाँ हाराई अटने-वटने वेन आपणो आपणो गेलो नापो, अन मने एकलो छोड़ देवो। पण मूँ एकलो कोयने काँके बापू मारे लारे हे।

यहुन्ना 16:32 Iomraidhean Croise

मत्ती 26:31

तद्याँ ईसू वाँकाऊँ क्यो, “थाँ हाराई आज की रात में मने छोड़न भाग जावो। काँके सास्तर में लिक्यो हे के, “‘मूँ गवाळ ने मारुँ अन रेवड़ का गारा वखर जई।’”

मत्ती 26:56

पण ओ हारोई ईं वाते व्यो के, परमेसर का आड़ीऊँ बोलबावाळा की बाताँ पुरी वेवे।” तद्याँ हाराई चेला वींने छोड़न भागग्या।

मरकुस 14:27

ईसू वाँने क्यो, “थें हारई मने छोड़न भाग जावो। काँके परमेसर का बचना में लिक्यो हे, ‘मूँ गारा की रुकाळी करबावाळा ने मार नाकूँ अन गारा बकर जाई।’

मरकुस 14:50

पछे वींका हारई चेला वींने छोड़न भागग्या।

यहुन्ना 12:23

ईं बात पे ईसू वाँने क्यो, “वाँ टेम आगी हे के, मनक का पूत की मेमा वेवे।

यहुन्ना 16:2

वीं थाँने परातना घरऊँ बारणे काड़ देई, पण वा टेम आई जद्याँ कुई थाँने मार नाकी, अन अस्यान करन वी हमजी के, ‘आपाँ परमेसर की सेवा कररिया हे।’

यहुन्ना 16:25

“में ईं बाताँ थाँकाऊँ केण्याँ में किदी हे। पण वाँ टेम आरी हे के, मूँ थाँकाऊँ पाच्छी केण्याँ में बाताँ ने करूँ। पण खुलन थाँने बाप का बारा में बताऊँ।

यहुन्ना 16:31

यो हुणन ईसू वाँने क्यो, “कई आकरी में थाँने विस्वास वेग्यो हे?

यहुन्ना 19:27

तद्याँ वणा आपणाँ चेलाऊँ क्यो, “आ थारी बई हे।” अन वीं टेमऊँ वो चेलो वींने आपणाँ घरे लेग्यो।

यहुन्ना 20:10

तद्याँ वीं चेला पाच्छा आपणाँ-आपणाँ घरे पराग्या।

यहुन्ना 4:21

ईसू वींने क्यो, “हे लुगई, मारी बात पे विस्वास कर के, वाँ टेम आरी हे के, थाँ मनक ने तो ईं मंगरा पे बापू परमेसर की आरादना करो अन नेई यरूसलेम में।

यहुन्ना 4:23

पण वाँ टेम आरी हे, अन अबाणू भी हे जद्याँ पुवितर आत्मा की तागतऊँ मनक परमेसर की हाँची आरादना करी, जस्यी परमेसर छावे हे।

यहुन्ना 5:25

मूँ थाँकाऊँ सई-सई केवूँ हूँ, वो टेम आरियो हे, अन अबाणू भी हे, जीं मरिया तका हा, वीं परमेसर का बेटा का बचन हूणी अन ज्यो हूणी, वीं जीवता वे जाई।

यहुन्ना 5:28

“ईंपे थाँ अचम्बो मती करो, काँके वाँ टेम आरी हे के, ज्यो भी कबराँ में हे, वीं मारा बचन हूणी,

यहुन्ना 8:16

अन यद्याँ मूँ न्याव करूँ, तो मारो न्याव हाँचो हे। काँके ईंमें मूँ एकलो ने हूँ, पण मारा हाते मने खन्दाबावाळा परमेसर भी हे।

यहुन्ना 8:29

जणी मने खन्दायो हे, वो मारे नके हे। वणी मने कदी एकलो ने छोड़्यो, काँके मूँ हमेस्यान वोईस करूँ हूँ, ज्यो वींने भावे हे।”

थरप्या तका का काम 21:6

तद्याँ एक-दूजाऊँ हिक लेन, जाँज में बेट्या अन वीं आपणाँ-आपणाँ घरे पराग्या।

थरप्या तका का काम 8:1

अस्यान साउल इस्तीपनुस की हत्या में मदत किदी। वणीस दनऊँ यरूसलेम की विस्वास्याँ की मण्डली पे घणो हताव वेबो सरू वेग्यो। थरप्या तका ने छोड़न वे हारई विस्वासी यहूदियाँ अन सामरिया का हिमाड़ा में वखर ग्या।