यहुन्ना 15:24 - नुवो नेम (मेवड़ी नया नियम)

²⁴ यद्याँ मूँ वाँका में वीं काम ने करतो, जिंमें किदो, तो वीं पापी ने बणता। पण अबे वाँकाणी वणा कामाँ ने देक्या हे, तद्याँ भी वीं माराऊँ अन मारा बापूऊँ दसमणी किदी।

यहुन्ना 15:24 Iomraidhean Croise

मत्ती 11:5

आन्दा पाच्छा देकबा लागा हे अन लंगड़ा चालबा-फरबा लागा हे, कोड़्या को कोड़ हव वेरियो हे अन बेरा हुणरिया हे अन मरिया तका जीवता वेरिया हा। अन दकी अन गरीब मनकाँ ने हव हमच्यार हुणायो जारियो हे।

मत्ती 21:32

काँके यहुन्नो बतिस्मो देबावाळो धरम को गेलो बतातो तको थाँका नके आयो अन थाँ वींपे विस्वास ने किदो, पण कर लेबावाळा अन वेस्या वींपे विस्वास किदो अन पछे भी थाँ ओ देकन पापऊँ मन ने फेरिया अन ने वींको विस्वास किदो।”

मत्ती 9:33

अन जद्याँ हुगली आत्मा काड़ दिदी गी, तो गुँगो मनक बोलबा लागो। ईंपे वाँ भीड़ अचम्बो करन क्यो, “इजराएल में अस्यान पेल्याँ कदी भी ने देक्यो।”

मरकुस 2:12

वो ऊबो व्यो, तरत आपणो माचो तोक्यो अन वाँ हंगळा ने देकतईं देकता वो बारणे परोग्यो। यो देकन हारई जणा अचम्बा में पड़ग्या, अन वाँकाणी परमेसर की बड़ई किदी अन बोल्या, “माँकाणी अस्यी बात कटेई ने देकी।”

लूका 24:19

ईसू वणाऊँ पूँछ्यो, “कस्यी बाताँ?” वणा ईसू ने क्यो, “हारी बाताँ नासरत का ईसू का बारा में हे, वो अस्यो मनक हो, जणी ज्यो भी क्यो हो अन ज्यो किदो हो अणीऊँ वणी परमेसर अन हाराई लोग-बागाँ का हामे यो बता दिदो के, वो एक मोटो परमेसर का आड़ीऊँ बोलबावाळो हो।

यहुन्ना 10:32

ईंपे ईसू वाँने क्यो, “में थाँका बचमें घणा हव काम किदा ज्याँने परमेसर मने करबा का वाते दिदा हा। वाँका मेंऊँ कणी काम का वाते थाँ मारा ऊपरे भाटा मारबा का वाते तोक्या हे?”

यहुन्ना 10:37

यद्याँ मूँ आपणाँ परमेसर का काम ज्याँने वीं छावे हे, ने करूँ, तो थाँ मारो विस्वास मती करो।

यहुन्ना 12:10

तद्याँ मोटा याजकाँ लाजर ने भी मार नाकबा की ओजणा बणई।

यहुन्ना 12:45

अन ज्यो कुई मने देके हे वो मने खन्दाबावाळा ने भी देके हे।

यहुन्ना 14:9

ईसू वींने क्यो, “हे फिलिपुस, मूँ अतरा दनाऊँ थाँरा हाते हूँ, अन कई थूँ मने ने ओळके हे? जणी मने देक्यो हे वणी बापू ने देक्या हे। तो थूँ काँ केवे हे के, ‘माने बापू का दरसण करई दे’?

यहुन्ना 15:21

पण वीं यो हारोई मारा नाम का मस थाँका हाते करी, काँके वणा मने खन्दाबावाळा ने ने ओळक्यो हो।

यहुन्ना 15:22

यद्याँ मूँ ने आतो अन वाँकाऊँ बाताँ ने करतो, तो वीं पापी ने वेता, पण अबे वाँका नके वाँके पापऊँ बचंबा का वाते कई आळको ने हे।

यहुन्ना 15:23

ज्यो माराऊँ दसमणी राके हे, वो मारा बापऊँ भी दसमणी राके हे।

यहुन्ना 16:9

वो पाप का बारा में ईं वाते बताई, काँके दनियाँ का मनकाँ को मारा पे विस्वास ने करणो पाप हे।

यहुन्ना 3:2

वो एक दन राते ईसू का नके आन क्यो, “हो गरुजी, माँ जाणा हाँ के, थाँ गरुजी हो अन थाँ परमेसर का आड़ीऊँ खन्दाया तका हो, काँके अस्या परच्या, जी थाँ बतावो हो, यद्याँ परमेसर वाँका हाते ने वेवे, तो वो ने बता सके हे।”

यहुन्ना 5:36

पण मारा नके एक ओरी गवा हे जिंकी गवई यहुन्ना की गवईऊँ मोटी हे काँके परमेसर ज्यो काम पूरो करबा के वाते मने हुप्यो हे, मूँ वाँका काम ने कररियो हूँ अन वीं कामइस मारी गवई हे के, परमेसर मने खन्दायो हे।

यहुन्ना 6:36

पण में थाँने पेल्याई क्यो हे के, थाँ मने देक लिदो हे, पछे भी थाँ मारा पे विस्वास ने करो हो।

यहुन्ना 7:31

पछे भी वीं भीड़ मेंऊँ घणा लोग-बाग वींपे विस्वास किदो अन केबा लागा के, “जद्याँ मसी आई तो वो जतरा परच्या अणी बताया हे अणीऊँ हेला ने बताई, कई वो अस्यान करी?”

यहुन्ना 9:32

ईं जगत का सरुवातऊँ यो कदी हुणबा में ने आयो के, कणी जनम का आंदा मनक की आक्याँ खोली वेवे।

यहुन्ना 9:41

ईसू वाँने क्यो, “यद्याँ थाँ आन्दा वेता तो पापी ने वेता, पण अबे केवो हो के, ‘माँ देका हा,’ ईं वाते थाँको पाप बण्यो रेवे हे।”

थरप्या तका का काम 10:38

ईसू नासरी का बारा में थाँ तो जाणो हो, परमेसर पुवितर आत्मा अन सगतिऊँ वींको तलक कस्यान किदो हो। वणी हव काम किदा अन सेतानऊँ दकी हारई जणा ने हव करतो तको च्यारूँमेर कस्यान गुमतो हो, काँके परमेसर वाँकी लारे हो।

थरप्या तका का काम 2:22

“ओ इजराएल का लोगाँ, आ बाताँ हुणो, परमेसर, ईसू नासरीऊँ अनोका काम, परच्या अन हेन्याण्याँ करान ओ साबत किदो के, वणा वींने थाँका वातेईस खन्दायो हे, जो थाँके गाबे व्यो हे अन थाँ खुद भी जाणो हो।

रोमियों 1:30

वीं गाळ्याँ-गळोच करबावाळा, परमेसरऊँ घरणा करबावाळा, दंगो करबावाळा, मेपणो करबावाळा, फोकटी बाताँ करबावाळा, बुरई करबा का वाते नुवी तरकिब होदबावाळा, बई-बापू की आग्याने ने मानबावाळा।

2 तिमुतियूस 3:4

वीं धोको देबावाळा, बेपरवा, मरोड़ में रेबावाळा, परमेसर की परेमी वेबा का बजाय मोज-मस्तीऊँ परेम करबावाळा वेई।

याकूब 4:4

हो कुकरमी लोगाँ, कई थाँ ओ ने जाणो हो के, ईं दनियाऊँ भईच्यारो राकणो परमेसरऊँ दसमणी राकणी वेवे हे? ईं वाते जो दनियाऊँ भईच्यारो राके हे, वो खुद ने परमेसर को दसमण बणावे हे।