यहुन्ना 15:22 - नुवो नेम (मेवड़ी नया नियम)

²² यद्याँ मूँ ने आतो अन वाँकाऊँ बाताँ ने करतो, तो वीं पापी ने वेता, पण अबे वाँका नके वाँके पापऊँ बचंबा का वाते कई आळको ने हे।

यहुन्ना 15:22 Iomraidhean Croise

लूका 12:46

तो वणी दास को मालिक अस्या दन आ जाई के, वो वींकी वाट ने नाळतो वेई अन अस्यी टेम जिंने वो जाणतो भी ने वेई, वीं टेम वो अई जाई। अन मालिक वींने टुका-टुका कर देई अन वींने बना विस्वास करबावाळा का बसमें राक देई।”

यहुन्ना 12:48

ज्यो मने नकारे हे अन मारा बचनाँने ने माने हे वाँने दोसी ठेराबावाळो तो एकीस हे, ईंको मतलब जीं बचन में बताया, वींइस आकरी दन में वाँने दोसी बणाई।

यहुन्ना 15:23

ज्यो माराऊँ दसमणी राके हे, वो मारा बापऊँ भी दसमणी राके हे।

यहुन्ना 15:24

यद्याँ मूँ वाँका में वीं काम ने करतो, जिंमें किदो, तो वीं पापी ने बणता। पण अबे वाँकाणी वणा कामाँ ने देक्या हे, तद्याँ भी वीं माराऊँ अन मारा बापूऊँ दसमणी किदी।

यहुन्ना 16:9

वो पाप का बारा में ईं वाते बताई, काँके दनियाँ का मनकाँ को मारा पे विस्वास ने करणो पाप हे।

यहुन्ना 19:11

ईसू जवाब दिदो, “यद्याँ परमेसर थाँने मारा पे यो हक ने देता, तो थाँ कई ने कर सकता। तो थारो मारा पे कई हक ने वेतो। ईं वाते जणा मने थाँरा हाताँ में हूँप्यो हे, वीं थाँराऊँ भी हेला पापी हे।”

यहुन्ना 9:41

ईसू वाँने क्यो, “यद्याँ थाँ आन्दा वेता तो पापी ने वेता, पण अबे केवो हो के, ‘माँ देका हा,’ ईं वाते थाँको पाप बण्यो रेवे हे।”

थरप्या तका का काम 17:30

ईं वाते परमेसर वीं दाण का मनकाँ की, परमेसर ने ने जाणबा अण-हमज पे ध्यान ने दिदो, पण अबे हरेक जगाँ लोगाँ ने मन फराबा की आग्या देवे हे।

रोमियों 1:20

काँके जद्याँ परमेसर ईं जग ने बणायो हो, तद्याँऊँ वाँका ने दिकबावाळा गुण मतलब अनंत सगती अन परमेसर का हभाव देक्या जावे हे, परमेसर ज्यो कई बणायो हे वणा चिजाँऊँ वीं परमेसर ने साप साप जाणे हे। ताँके मनकाँ का नके कई आळको ने वेवे।

रोमियों 2:1

ईं वाते हे न्याव करबावाळा पलई थूँ कुई भी वे, थाँरा नके कई आळको ने हे, काँके जणी काम का वाते थूँ किंने दूजाँ ने दोसी माने हे, वणीऊँस थूँ आपणाँ खुद ने भी दोसी केवाड़े हे, काँके जणा कामाँ को थूँ न्याव करे हे वाँने थूँ खुद भी करे हे।

याकूब 4:17

अन जो मनक भलई करणो जाणे हे, पण ने करे, तो वो पाप करे हे।

1 पतरस 2:16

आजाद मनक के जस्यान जीवन जीवो अन ईं आजादी की आड़ में बुरई मती करज्यो, पण परबू का दास का जस्यान जीवन जीवो।