यहुन्ना 15:10 - नुवो नेम (मेवड़ी नया नियम)

¹⁰ यद्याँ थाँ मारी आग्या मानो, तो मारा परेम में बण्या रेवो जस्यान के, मूँ आपणाँ बाप की आग्या मानी हे अन वाँका परेम में बण्या रेवूँ हूँ।

यहुन्ना 15:10 Iomraidhean Croise

यहुन्ना 10:18

कुई भी माराऊँ मारो जीवन ने ले सके, पण मूँ खुदई दी देऊँ हूँ। मने ईंने देबा को हक हे अन पाछो लेबा को भी हक हे। परमेसर मने अस्यान करबा का वाते आग्या दिदी हे।”

यहुन्ना 12:49

काँके में आपणी आड़ीऊँ बाताँ ने किदी। पण बापू जणा मने खन्दायो हे वणी मने आग्या दिदी हे के, मने कई केणो अन कस्यान केणो हे।

यहुन्ना 14:15

ईसू आपणाँ चेलाऊँ क्यो, “यद्याँ थाँकाणी माराऊँ परेम राको तो, तो मारी आग्या भी मानो।

यहुन्ना 14:21

जीं मारी आग्या माने हे। वींइस माराऊँ परेम करे हे अन ज्यो माराऊँ परेम राके हे, वाँकाऊँ मारा परमेसर परेम राकी, अन मूँ वाँकाऊँ परेम राकूँ अन आपणाँ खुद ने वाँका पे परगट करूँ।”

यहुन्ना 14:23

ईसू वींने क्यो, “यद्याँ कुई माराऊँ परेम राकी, तो वो मारा बचनाने मानी, अन मारा बापू वाँकाऊँ परेम करी अन माँ वाँका नके आवा अन वाँका हाते रेवा।

यहुन्ना 14:31

पण यो ईं वाते वेवे हे के, दनियाँ हमजे के, मूँ बापू परमेसरऊँ परेम राकूँ हूँ अन जस्यान बाप मने आग्या दिदो हे वस्यानीस करूँ हूँ। “अबे उटो अटाऊँ चाला परा।”

यहुन्ना 17:4

ज्यो काम थाँ मने करबा ने दिदो हो, वींने पूरो करन में धरती पे थाँकी मेमा परगट किदी हे।

यहुन्ना 4:34

ईसू वाँने क्यो, “मारो खाणो ओ हे के, मूँ मने खन्दाबावाळा की मरजी पे चालूँ अन वींको काम पूरो करूँ, ज्यो वणी मने हुप्यो हे।

यहुन्ना 8:29

जणी मने खन्दायो हे, वो मारे नके हे। वणी मने कदी एकलो ने छोड़्यो, काँके मूँ हमेस्यान वोईस करूँ हूँ, ज्यो वींने भावे हे।”

यहुन्ना 8:55

थाँ वींने ने जाणो हो, पण मूँ वींने जाणूँ हूँ। यद्याँ मूँ केतो के, मूँ वींने ने जाणतो, तो मूँ थाँका जस्यान जूट बोलवावाळो जूटो ठेरतो। पण मूँ वींने जाणूँ हूँ अन वींका बचना को पालण करूँ हूँ।

1 कुरिन्थियों 7:19

खतनो तो कई ने हे, अन नेई खतनो ने वेणो कई हे, बेस परमेसर की आग्या ने मानणीस हारोई हे।

1 थिस्सुलुनिक्यों 4:1

हो भायाँ-बेना, माँ थाँकाऊँ परबू ईसू का नाम में आ अरज करा अन थाँने हमजावा हाँ के, जस्यान थाँ माँकाऊँ परमेसर ने राजी करबावाळो जीवन जीणो हिक्यो अन वस्यानीस जीवो भी हो, वींमें ओरी बड़ता जावो।

इब्रानियों 7:26

अस्या मायाजकइस आपणी जरूत ने पुरी कर सके हे, जी पुवितर हे, बना दोस का वेवे, सुद वे, पापी मनकाँऊँ अलग हे, हरगऊँ भी ऊँचे उटायाग्या वेवे।

2 पतरस 2:21

अणीऊँ हव तो ओ वेतो के, वीं धारमिकता की गेला ने जाणता कोयने अन वाँने जो पुवितर आग्या दिदी गी ही, वींने जाणन वणीऊँ मुण्डो फेर लेता।

1 यहुन्ना 2:3

परमेसर ने हाँची में जाणबा का वाते एकीस गेलो हे के, आपाँ वींका आदेस ने मानाँ अन जद्याँ आपाँ अस्यान करा हाँ, तो वींने हाँची में जाण लेवा हाँ।

1 यहुन्ना 2:5

पण ज्यो भी मनक परमेसर का बचना ने माने हे, तद्याँ वींका में परमेसर को परेम रेवे हे, काँके योईस एक गेलो हे, जणीऊँ आपाँ परमेसर में कल्डा बण्या तका रे सका हा।

1 यहुन्ना 2:6

ज्यो कुई भी मनक ओ केवे हे के, वो परमेसर में पाको हे, तद्याँ वींने ईसू मसी का जस्यान जीवन जीवणो छावे।

1 यहुन्ना 5:3

परमेसरऊँ परेम करबा को ओ मतलब हे के, आपाँ वींका आदेस मानाँ हा अन वींका आदेस मानणा अबका कोयने हे।

परकासितवाक्य 22:14

धन्न हे वाँने जीं आपणाँ गाबा धो लेवे हे। वाँने जीवन का रूँकड़ा का फळ खाबा को अदिकार वेई। वीं फाटकऊँ नगर में जाबा का अदिकारी वेई।