यहुन्ना 14:6 - नुवो नेम (मेवड़ी नया नियम)

⁶ ईसू वींने क्यो, “हाँच, जीवन अन गेलो मूँईस हूँ। मारा बना कुई परमेसर का नके ने जा सकी।

यहुन्ना 14:6 Iomraidhean Croise

मत्ती 11:27

“मारा परम बापू मने हारोई हूँप्यो हे, परमेसर के अलावा कुई बेटा ने कोयने जाणे हे, अन ने कुई बेटा के अलावा परमेसर ने जाणे हे, पण अबे वीं मनक परमेसर ने जाणे हे जाँने बेटो बतावे हे।

यहुन्ना 1:14

अन बचन देह रूप धारण लिदो अन दया अन हाँचऊँ भरियो-पुरयो वेन आपणाँ बचमें वास किदो। आपाँ वींकी अस्यी मेमा देकी, या बापू परमेसर का एकाएक बेटा की मेमा ही।

यहुन्ना 1:17

आपाँने नेम तो परमेसर मूसाऊँ दिदा, पण दया अन हाँच ईसू मसीऊँ मल्यो।

यहुन्ना 1:4

बचन मेंईस जीवन हो अन वो जीवन मनकाँ का वाते उजितो हो।

यहुन्ना 10:28

अन मूँ वाँने अनंत जीवन दूँ हूँ। वाँको कदी भी नास ने वेई अन ने कुई वाँने मारा हाताऊँ कोस सकी।

यहुन्ना 10:7

जद्याँ ईसू वाँने क्यो, “मूँ थाँकाऊँ सई-सई केवूँ हूँ, गारा का वाते बारणो मूँ हूँ।

यहुन्ना 10:9

बारणो मूँ हूँ, यद्याँ कुई मारी हुणन परवेस करे हे, तो वो बंचायो जाई। अन मयने आया जाया केरी अन वटे धपायो जाई।

यहुन्ना 14:19

अन थोड़ीक टेम रेग्यो हे पछे ईं दनियाँ में कुई मने ने देकी पण थाँ मने देको। काँके मूँ जीवूँ हूँ अन थाँ भी जीवो।

यहुन्ना 15:1

ईसू क्यो, “हाँची अंगूरा की वेलड़ी मूँ हूँ अन बापू परमेसर ईं बाग को माळी हे।

यहुन्ना 18:37

पिलातुस वींने क्यो, “तो कई थूँ राजा हे?” ईसू वींने क्यो, “थूँ केवे हे के, मूँ राजा हूँ। में ईं वाते जनम लिदो अन ईं वाते दनियाँ में आयो हूँ के, हाँच की गवई दूँ अन ज्यो कुई हाँचो हे, वो मारो बचन हुणे हे।”

यहुन्ना 5:21

जस्यान परमेसर मरिया तका ने उठान जिवावे हे, वस्यानीस मूँ बेटो भी ज्याँने छाऊँ हे, वाँने जीवावूँ हूँ।

यहुन्ना 6:33

वीं रोट्याँ ज्याँने परमेसर देवे हे वीं हरगऊँ उतरे हे अन दनियाँ का मनकाँने जीवन देवे हे।”

यहुन्ना 6:51

जीवन की रोटी जा हरगऊँ उतरी हे वाँ मूँईस हूँ। यद्याँ कुई अणी रोटी ने खाई, तो वीं हमेस्यान जीवता रेई अन ज्या रोटी मूँ दनियाँ का जीवन का वाते देवूँ, वाँ मारी देह हे। अणीऊँस दनियाँ का मनक जीवता रेवे हे।”

यहुन्ना 6:57

जस्यान मने जीवता बापू खन्दायो अन मूँ मारा बापू का कारण जीवतो हूँ वस्यानीस वीं भी ज्यो मने खाई मारा कारण जीवता रेई।

यहुन्ना 6:68

समोन पतरस वींने जवाब दिदो, “हो परबू, माँ किंका नके जावाँ? अनंत जीवन का बचन तो थाँका नकेईस हे।

यहुन्ना 8:32

थाँ हाँच ने ओळको अन हाँच थाँने आजाद करी।”

यहुन्ना 8:51

मूँ थाँने हाचेई केवूँ हूँ, यद्याँ कुई मारी हिक को पालण करी, तो वो कदी ने मरी।”

थरप्या तका का काम 3:15

थाँ जीवनदाता ने मरवा नाक्यो, पण परमेसर वींने मरिया तका मूँ पाछो जीवतो कर दिदो, माँ ईं बात का गुवा हा।

थरप्या तका का काम 4:12

बेस वोईस ईसू आपाँने बंचा सके हे, काँके ईं हारी धरती अन लोगाँ में दूजो नाम कोयने हे, जो आपाँने बंचा सके।

थरप्या तका का काम 9:2

अन वे दमिसक का परातना-घराँ को वींने ओळकाण की एक पानड़ी देबा का वाते अरज किदी। ताँके वींने वटे कुई भी ईं पन्त को मनक मले, पलेई वा लुगई वेवे कन आदमी, वो वाँने बन्दी बणान पाच्छा यरूसलेम लावे।

रोमियों 15:16

काँके जी यहूदी ने हे, वाँ मनकाँ का वाते ईसू मसी को दास वेन, मूँ परमेसरऊँ मल्या तका हव हमच्यार को परच्यार करबा का वाते मूँ एक याजक की जस्यान काम करूँ हूँ, जणीऊँ वीं मनक भी परमेसर के चड़बा जोगी भेंट बण सके अन पुवितर आत्मा के जरिये परमेसर का वाते पुरी तरियाँ पुवितर बणे।

रोमियों 5:2

विस्वास का वजेऊँ वणी आपाँने परमेसर की दया में जिंमें आपाँ बण्या तका हा, वीं तईं आपाँने पोंछा दिदा हे अन आपाँ परमेसर की मेमा की आस को गुमान करा हा।

रोमियों 5:21

ताँके जस्यान मोत का जरिये पाप राज किदो, वस्यानीस आपणाँ परबू ईसू मसी का वजेऊँ अनंत जीवन लाबा का वाते परमेसर की दया धारमिकता का जरिये राज करे।

1 कुरिन्थियों 15:45

सास्तर में लिक्यो तको हे के, “पेलो मनक आदम हे ज्यो जीवतो प्राणी हे”, पण आकरी मनक मसी हे, ज्यो जीवन देबावाळी आत्मा हे।

इपिसियों 2:18

काँके मसीऊँइस आपीं दुई एक पुवितर आत्माऊँ बापू परमेसर का नके पोछ सका।

कुलुसियों 2:17

काँके ईं हाराई आबावाळी बाताँ की खाली छाया हे, पण ईं हंगळी चिजाँ में हाँच तो ईसू मसी हे।

कुलुसियों 2:9

काँके मसी की देह मेंईस परमेसर आपणी हाराई गुणा का हाते हमेस्या का वाते वास करे हे।

कुलुसियों 3:4

थाँको जीवन मसी हे। जद्याँ वो मेमा का हाते परगट वेई, तद्याँ थाँ भी वींका मेमा में हाते परगट वेवो।

इब्रानियों 7:25

अन ज्यो वणीऊँ परमेसर हुदी जावे हे, वीं वाँने पूरो छुटकारो देवा का वाते ताकड़े हे, काँके वो वाँका वाते अरज करबा का वाते हमेस्यान जीवे हे।

इब्रानियों 9:8

अणीऊँ पुवितर आत्मा योईस बतावे हे के, जद्याँ तईं तम्बू को पेलो ओवरो ऊबो तको हे, तद्याँ तईं खास पुवितर जगाँ को गेलो परगट ने वेई।

1 पतरस 1:21

थाँ भी मसी का वजेऊँईस परमेसर पे विस्वास करो हो, जणा वाँने मरिया तका मेंऊँ पाछो जीवतो कर दिदो अन वींने मेमा भी दिदी। ईं वाते थाँको विस्वास अन थाँकी आस परमेसर में गाटी बणी तकी रेवे।

1 पतरस 2:4

ईं वाते थाँ परबू का नके आवो, वो जीवतो “भाटो” हे। वींने ईं दनियाँ का मनक तो नकार दिदो हो, पण वो परमेसर का वाते तो अनमोल को हे अन वणाईस वींने चुण्यो हे।

1 पतरस 3:18

काँके मसी भी आपणाँ पापाँ का वाते दुक जेल्यो हो। ईंको मतलब ओ हे के, वो निरदोस हो तो भी वो आपणाँ पाप का वाते एक दाण मरग्यो, जणीऊँ वो आपाँने परमेसर का नके ले जावे। वो देह का रूप में तो मरग्यो, पण आत्मिक रूप में जिवायो ग्यो हे।

1 यहुन्ना 1:8

यद्याँ आपाँ केवा के, आपाँ में कई पाप ने हे, तो आपाँ खुद ने धोको देवा हा अन आपणाँ में हाँच ने हे।

1 यहुन्ना 2:23

ज्यो बेटा ने नकारे हे वींके नके बापू भी कोयने रेवे, यद्याँ कुई बेटा ने अपणावे हे, तो वो बापू ने भी अपणावे हे।

1 यहुन्ना 5:20

अणी बात ने भी आपाँ जाणा हाँ के, परमेसर का बेटा ईसू मसी आया अन आपाँने हमज दिदी, जणीऊँ हाँचा परमेसर ने जाण सका अन आपाँ वींके हाते रेवा ज्यो हाँचो हे मतलब वींका बेटा ईसू मसी का हाते। योईस हाँचो परमेसर अन अनंत जीवन देबावाळो हे।

1 यहुन्ना 5:6

ईसू मसीइस हे, ज्यो आपणाँ नके पाणी को बतिस्मो लेबा अन आपणो लुई वेवाड़ ने आया, वीं खाली पाणी को बतिस्मो लेबा वाते ने आया, पण वो पाणी को बतिस्मो लेबा अन आपणो लुई वेवाड़ का वाते आया हाँ अन अणी बात की गवई परमेसर की आत्मा खुद देवे हे, काँके आत्माइस हाँची हे।

2 यहुन्ना 1:9

ज्यो मनक परबू की हिकऊँ न्यारो वे जावे हे, वो परमेसर का नके ने जा सके, पण ज्यो भी मनक मसी की हिक ने माने हे, वींके नके बापू परमेसर अन वींको बेटा दुई रेवे हे।

परकासितवाक्य 19:11

तद्याँ में हरग ने खुल्यो देक्यो अन वटे कई देकूँ हूँ के, एक धोळो घोड़ा हे। अन वींके ऊपरे ज्या सवार हे वो विस्वास जोगो अन हाँचो हे, काँके वो हाँच का हाते न्याव को फेसलो अन लड़ई करतो हो।

परकासितवाक्य 20:15

जिंको भी नाम “जीवन की पोती” में लिक्यो तको ने मल्यो, वींने भी वादी का कुण्ड में नाक दिदो ग्यो।

परकासितवाक्य 22:1

ईंका केड़े वीं हरग-दुत मने जीवन देबावाळा पाणी की एक नंदी बतई। वाँ नंदी बिल्‍लोर का काँस जस्यान चमकती तकी पुवितर ही। वा नंदी परमेसर अन उन्याँ का वटेऊँ निकळन नगर की हड़क का वसा-वस वेती ही।

परकासितवाक्य 22:17

पुवितर आत्मा अन लाड़ी केवे हे, “आ।” अन ज्यो ईंने हुणे हे, वीं भी केवे, “आ।” अन ज्यो तरियो हे वो भी आवे अन ज्यो कुई छाई, वो जीवन को पाणी फोकट में पिया करी।

परकासितवाक्य 3:14

“लोदकिया की मण्डली का दुताँ ने ओ लिक। ज्यो आमीन हे, विस्वास जोगो, हाँचो गवा हे अन हारी रचना को मुल हे, वो अस्यान केवे हे के,

परकासितवाक्य 3:7

“फिलोदेलफीया की मण्डली का दुताँ ने ओ लिक। वीं ज्यो पुवितर अन हाँचा हे अन जिंका नके दाऊद राजा का नगर की कुस्याँ हे अन वो जणी बारणा ने खोले हे वींने कुई भी जड़ ने सके अन जिंने वो जड़ हे वींने कुई खोल ने सके। ओ अस्यान केवे हे के,