यहुन्ना 14:30 - नुवो नेम (मेवड़ी नया नियम)

³⁰ “मूँ अबे थाँकाऊँ ओरी बाताँ ने कर सकूँ हूँ, काँके अणी दनियाँ का हाकम सेतान आवे हे। ईंको मारा पे कई हक ने हे।

यहुन्ना 14:30 Iomraidhean Croise

लूका 1:35

हरग-दुत वींने क्यो के, “पुवितर आत्मा थाँरा डिले आई अन परम परदान की तागत थाँरा ऊपरे वेई। ईं वाते जनम लेबावाळो पुवितर बाळक परमपिता परमेसर को पूत वाजी।

लूका 22:53

जद्याँ मूँ मन्दर में थाँका हाते हो, तो थाँ मने ने पकड़्यो हो पण, यो थाँको टेम हे जिंपे अंदारा को राज हे।”

यहुन्ना 12:31

अबे ईं दनियाँ को न्याव वेबा में हे, अबे अणी दनियाँ का हाकम ज्यो सेतान हे, वींने निकाळ दिदो जाई।

थरप्या तका का काम 1:3

वो हूळी पे दक भोगन मरिया केड़े पाका सबूत का हाते नरी दाण परगट व्यो, वो जीवतो हे। अन चाळी दनाँ तईं चेला वींने देक्यो अन वो वाँने परमेसर का राज का बारा में बतातो रियो।

2 कुरिन्थियों 4:4

ईं दनियाँ को सेनापती ज्यो सेतान हे, वो वणा मनकाँ की अकल ने बन्द कर मेली हे जीं विस्वास ने करे हे। जणीऊँ वीं परमेसर का रूप में मसी ने अन वाँकी मेमावान उजिता का हव हमच्यार ने ने देक सके।

2 कुरिन्थियों 5:21

अन जणी कदीई पाप ने किदो वींने परमेसर आपणाँ पापाँ का वाते बली बणायो जणीऊँ आपाँ परमेसर का हामे सई मान्याँ जावाँ।

इपिसियों 2:2

थाँ पेल्याँ दनियाँ का हूँगला नेमा पे चालता हा। अन वीं वादळा की आत्मिक सगत्याँ का राजा ने मानता हा, ज्यो आत्मा लोगाँ ने अबे परमेसर को मान ने करबा का वाते मजबूर करती ही।

इपिसियों 6:12

काँके आपणो युद मनकाँऊँ कोयने पण आकास में रेबावाळा मोटा राजा, अदिकारियाँ, ईं अंदारा की दनियाँ में राज करबावाळी सगत्याँ अन हुगली आत्माऊँ हे।

कुलुसियों 1:13

अन परमेसरइस आपाँने सेतान की सगतिऊँ छोड़ान आपणाँ लाड़ला बेटा का राज में ले आया।

इब्रानियों 4:15

काँके आपणाँ नके ज्यो मायाजक हे, वो अस्यो ने हे ज्यो आपणी कमजोरी ने मेसूस ने कर सके। वो हारी बाताँ में आपणे जस्यान परक्यो ग्यो अन बना पाप को निकळ्यो।

इब्रानियों 7:26

अस्या मायाजकइस आपणी जरूत ने पुरी कर सके हे, जी पुवितर हे, बना दोस का वेवे, सुद वे, पापी मनकाँऊँ अलग हे, हरगऊँ भी ऊँचे उटायाग्या वेवे।

1 पतरस 1:19

पण थाँने ओ छुटकारो मसी का किमती लुईऊँ, जो निरदोस उन्याँ के जस्यान हे, मल सके हे।

1 पतरस 2:22

सास्तर में लिक्यो तको हे के, “वणी कई पाप ने किदो हो अन नेई वाँका मुण्डाऊँ धोका की बाताँ निकळी।”

1 यहुन्ना 4:4

हो मारा प्यारा बाळकाँ, थाँ परमेसर का हो। ईं वाते थाँ जूटा परमेसर की आड़ीऊँ बोलबावाळाऊँ जितग्या हो। काँके थाँका मयने वो परमेसर वास करे हे वीं ईं दनियाँ में रेबावाळा सेतानऊँ जोरावर हे।

1 यहुन्ना 5:18

आपाँ जाणा हाँ के, ज्यो भी मनक परमेसर को हे वो पाप में ने रेवे हे, काँके परमेसर वींने बंचायो राके हे अन वींके सेतान हात भी कोयने अड़ा सके।

1 यहुन्ना 5:19

आपाँ ओ भी जाणा हा के, या हारी दनियाँ सेतान का बंस में हे, पण आपाँ परमेसर का हाँ।

परकासितवाक्य 12:9

अन वीं मोटा अजगर ने धरती पे फेंक दिदा ग्यो ओ वोईस पुराणो मोटा हाँप हे जिंने दानव कन सेतान क्यो ग्यो हे। ओ हारी दनियाँ ने भरमातो रेवे। ईं अजगर ने ईंका दुताँ का हाते धरती पे फेंक दिदा ग्या।