यहुन्ना 14:28 - नुवो नेम (मेवड़ी नया नियम)

²⁸ थाँ हुण्यो हे के में थाँकाऊँ क्यो, ‘मूँ जारियो हूँ पण थाँका नके पाछो आऊँ।’ यद्याँ थाँ माराऊँ परेम राकता तो थाँ राजी वेता के, मूँ बापू परमेसर का नके जारियो हूँ। काँके बापू परमेसर माराऊँ मोटा हे।

यहुन्ना 14:28 Iomraidhean Croise

मत्ती 12:18

“देको, यो मारो दास हे, जिंने में थरप्यो हे, मारो लाड़लो हे, जणीऊँ मूँ घणो राजी हूँ। मूँ मारी आत्मा वींमें राकूँ अन वो हाराई मनकाँ को न्याव करी।

यहुन्ना 10:38

पण यद्याँ मूँ वाँने करूँ हूँ, तो भी थाँ मारो विस्वास ने करो हो, पण थाँ वणा कामाँ को तो विस्वास करो, जणीऊँ थाँ जाण जावो अन हमजो के, बापू परमेसर मारा में हे अन मूँ बापू परमेसर में हूँ।”

यहुन्ना 13:16

मूँ थाँने सई-सई केवूँ हूँ, हाळी मालिकऊँ मोटो ने हे, अन नेई खन्दायो तको आपणाँ खन्दाबा वाळाऊँ।

यहुन्ना 14:12

“मूँ थाँकाऊँ सई-सई केवूँ हूँ के, ज्यो मारा पे विस्वास करे हे, वो ज्यो काम मूँ करूँ हूँ वो भी करी। पण अणीऊँ भी मोटा काम करी, काँके मूँ परमेसर के नके जारियो हूँ।

यहुन्ना 14:18

“मूँ थाँने एकला ने छोड़ूँ। मूँ थाँका नके आऊँ।

यहुन्ना 16:7

तो भी मूँ थाँकाऊँ सई केवूँ हूँ के, मारो जाणो थाँका वाते हव हे, काँके यद्याँ मूँ ने जाऊँ तो वो हण्डाळी थाँका नके ने आई। पण यद्याँ मूँ जाऊँ, तो वींने थाँका नके खन्दा देऊँ।

यहुन्ना 20:17

ईसू वींने क्यो, “मारे हात मती लगा, काँके मूँ अबाणू बाप का नके ने ग्यो हूँ। पण, मारा भायाँ का नके जान वाँने के दे के, ‘मूँ मारा बाप अन थाँका बाप अन मारा परमेसर अन थाँका परमेसर का नके ऊपरे जारियो हूँ।’ ”

यहुन्ना 20:21

ईसू पाछो वाँकाऊँ क्यो, “थाँने सान्ती मले। जस्यान बाप मने खन्दायो हे, वस्यानीस मूँ थाँने खन्दावूँ हूँ।”

यहुन्ना 5:18

या बात यहूदी अदिकारियाँ ने घणी अकरगी अन वीं ईसू ने मारबा का ओरी हेला मोका होदबा लागा। काँके ईसू बेस सबद का नेम नेईस ने तोड़्यो, पण परमेसर ने आपणो बाप बतान खुद ने परमेसर का बराबर कर दिदो।

यहुन्ना 7:33

ईंपे ईसू क्यो, “मूँ थोड़ी देर तईं थाँका रेवूँ हूँ, तद्याँ मूँ मारा खन्दाबावाळा के नके पाछो परो जाऊँ।

1 कुरिन्थियों 11:3

पण मूँ छावूँ हूँ के, थाँ ओ जाण लो के, लुगई को मातो वींको धणी हे, मनक को मातो मसी हे अन मसी को मातो परमेसर हे।

1 पतरस 1:8

अन जद्याँ थाँ वींने देक्यो ने हे, तो भी थाँ वाँकाऊँ परेम करो हो अन अबाणू भी वींने ने देक पारिया हो, तो भी थाँ वींपे विस्वास करन अस्यान राजी-खुसी वेवो हो के, जिंको बखाण ने किदो जा सके हे, जो मेमाऊँ भरियो तको हे।

परकासितवाक्य 1:11

अवाज में अस्यान हमच्यार आरियो हो के, “जो कई भी थूँ देकरियो हे, वींने एक किताब का मयने लिकतो जा अन वींके केड़े वींने इपिसुस, स्मुरना, पिरगमुन, थुआतीरा, सरदीस, फिलोदेलफीया अन लिदिकिया की हातई मण्डळ्याँ ने खन्दा दिज्ये।”