यहुन्ना 14:12 - नुवो नेम (मेवड़ी नया नियम)

¹² “मूँ थाँकाऊँ सई-सई केवूँ हूँ के, ज्यो मारा पे विस्वास करे हे, वो ज्यो काम मूँ करूँ हूँ वो भी करी। पण अणीऊँ भी मोटा काम करी, काँके मूँ परमेसर के नके जारियो हूँ।

यहुन्ना 14:12 Iomraidhean Croise

मत्ती 21:21

ईसू वाँने जवाब दिदो, “मूँ थाँकाऊँ हाचेई केवूँ हूँ, यद्याँ थाँ विस्वास राको अन भेंम ने करो, तो थाँ बेस ओईस ने करो, ज्यो ईं अंजीर का रूँकड़ा का हाते किदो हे, पण यद्याँ ईं मंगराऊँ भी केवो, ‘अटूँ उड़ जा, अन समन्द में जा पड़,’ तो वो वे जाई।

मरकुस 11:13

थोड़ाक छेटी वाँने एक अंजीर को हरियो-भरियो रूँकड़ो नजर आयो। तो वीं फळ पाबा की आस में रूँकड़ा के भड़े ग्या, पण वाँने वटे पान्दड़ाइस दिक्या, काँके अंजीर का फळ लागबा की टेम कोयने ही।

मरकुस 16:17

ज्यो मारा पे विस्वास करी, वो अचम्बा का काम करी, वे मारा नामऊँ हुगली आत्माने बारणे काड़ी, अन वे नुवी-नुवी बोल्याँ बोली।

यहुन्ना 14:28

थाँ हुण्यो हे के में थाँकाऊँ क्यो, ‘मूँ जारियो हूँ पण थाँका नके पाछो आऊँ।’ यद्याँ थाँ माराऊँ परेम राकता तो थाँ राजी वेता के, मूँ बापू परमेसर का नके जारियो हूँ। काँके बापू परमेसर माराऊँ मोटा हे।

यहुन्ना 16:7

तो भी मूँ थाँकाऊँ सई केवूँ हूँ के, मारो जाणो थाँका वाते हव हे, काँके यद्याँ मूँ ने जाऊँ तो वो हण्डाळी थाँका नके ने आई। पण यद्याँ मूँ जाऊँ, तो वींने थाँका नके खन्दा देऊँ।

यहुन्ना 4:37

काँके ईंपे आ कावत ठीक बेटे हे के, ‘वावे कुई ओर अन काटे कुई ओर हे।’

यहुन्ना 5:20

काँके परमेसर माराऊँ लाड़ राके हे अन ज्यो ज्यो काम वो खुद करे हे, वीं हाराई मने बतावे हे अन वो अणीऊँ भी मोटा-मोटा ने मने करबा का वाते देई। तद्याँ थाँ देकन अचम्बो करो।

यहुन्ना 7:33

ईंपे ईसू क्यो, “मूँ थोड़ी देर तईं थाँका रेवूँ हूँ, तद्याँ मूँ मारा खन्दाबावाळा के नके पाछो परो जाऊँ।

यहुन्ना 7:39

ईसू या बात पुवितर आत्मा का बारा में किदी ही, ज्या वींपे विस्वास करबावाळा ने मलबावाळी ही। अबाणू तईं या आत्मा किंने भी ने मली ही, काँके ईसू आलतरे आपणी मेमा उटाया ने ग्या हा।

थरप्या तका का काम 10:46

वे वाँने तरे-तरे की भासा बोलता तका अन परमेसर की मेमा करता तका हुणरियो हा। तद्याँ पतरस बोल्यो,

थरप्या तका का काम 16:18

वा नरई दनाँ तईं अस्यानीस करती री, जद्याँ पोलुस घणो परेसान व्यो, अन पाछो फरन वीं हुगली आत्माऊँ क्यो “मूँ थने ईसू मसी का नामऊँ आग्या दूँ हूँ के, अणी मूँ निकळजा” अन वा वणीस दाण वींमूँ बारणे निकळगी।

थरप्या तका का काम 19:12

अटा तईं के रुमाल अन हस्ताड़ा पोलुस के अड़ान, माँदा मनकाँ के अड़ाता तो वीं हव वे जाता अन हुगली आत्मा भी वाँका मूँ निकळ जाती ही।

थरप्या तका का काम 2:33

ईसू परमेसर का जीमणा पाल्डे आपणो हंगळाऊँ ऊसी जगाँ बिराजो अन जस्यान परमेसर वादो किदो वस्यान पुवितर आत्मा पई। वाईस पुवितर आत्मा आपणाँ ने दे दिदी, जिंका बारा थाँ देकरिया अन हुणरिया हो।

थरप्या तका का काम 2:41

वामूँ जणी-जणी सन्देसा ने मान्यो, वाँने बतिस्मो दिदो ग्यो अन वीं दन वाँकी मण्डली में लगे-भगे तीनेक हजार लोग-बाग मलग्या।

थरप्या तका का काम 4:16

“ईं लोगाँ की लारे अबे कई कराँ? काँके यरूसलेम का हारई लोग-बाग ओ जाणे हे के, वाँ घणा अचम्बावाळो परच्यो दिदो हे। अबे आपाँ वाँने नकार भी तो ने सका।

थरप्या तका का काम 4:33

अन वे थरप्या तका परबू ईसू के पाछो जीवतो वेबा की गवई देता अन परमेसर वाँ हाराई ने घणो आसीस दिदो।

थरप्या तका का काम 4:4

पण, जणा वीं परच्यार ने हुण्यो, वामूँ नरई जणा विस्वास किदो। विस्वास करबावाळा की गणती लगे-भगे पाँचेक हजार पोंछगी ही।

थरप्या तका का काम 5:15

थरप्या तका का कामाँ की वजेऊँ लोग-बाग माँदा मनकाँ ने गेला में लान खुतलियाँ पे हुवाण देता, ताँके जद्याँ भी पतरस अटने निकळे, तो कमुकम वींकी छाया आ माँदा मनकाँ पे पड़ जावे।

थरप्या तका का काम 6:7

अस्यान परमेसर का बचन दन-दूणा रात चोगुणा फेलतारिया अन यरूसलेम में चेला की मण्डली हेलीऊँ हेली वेबा लागी, अन याजकाँ का नरई लोग ईसू पे विस्वास करबा लागग्या।

थरप्या तका का काम 8:7

नरई लोग-बाग में धस्यी तकी हुगली आत्मा हाका-भार करती तकी बारणे निकळगी अन नरई लकवा का मान्दा अन लुला-लंगड़ा हव वेरिया हा।

थरप्या तका का काम 9:34

पतरस वींने क्यो, “एन्यास, ईसू मसी थने हव करी, ऊबो वे अन आपणो वसाणो हामट” तो वो तरत ऊबो वेग्यो।

थरप्या तका का काम 9:40

पतरस हारई जणा ने बारणे खन्दान गोडा टेकन परातना किदी। पछे वीं लास दयने देकन क्यो, “हे तबीता, ऊबी वेजा।” वा आपणी आक्याँ खोलन पतरस ने देकती तकी उटी वेगी।

रोमियों 15:19

तागत का हेन्याण अन अचम्बा का काम अन परमेसर की आत्मा की तागतऊँ मारी जरिये पूरो किदो। अस्यान में यरूसलेम नगरऊँ लेन इल्‍लुरिकुम परदेस का च्यारूँमेर मसी का हव हमच्यार का परच्यार को काम पूरो किदो।