यहुन्ना 13:4 - नुवो नेम (मेवड़ी नया नियम)

⁴ ईं वाते ईसू खाणो खाता तका उटन आपणो कुरतो उतार दिदो अन हस्ताड़ो आपणी कमर पे लपेट दिदो।

यहुन्ना 13:4 Iomraidhean Croise

लूका 12:37

धन्न हे वीं दास, जणा ने मालिक जागता तका अन त्यार देके। मूँ थाँकाऊँ हाचेई केवूँ हूँ के, वो भी त्यार वेन वाँने जीमबा का वाते बेवाड़ी अन नके आन वाँकी सेवा-चाकरी करी।

लूका 17:7

“पण, थाँकामूँ अस्यो कूण हे, जिंको दास हळ ज्योतरियो वे कन गारा चरातो वे अन जद्याँ वो खेतऊँ आवे, तो वणीऊँ केवे, ‘तरत आन खाणो खाबा का वाते बेट जा’?

लूका 17:8

‘कई वो वणीऊँ यु ने केई? मारा खाबा का वाते कई बणा अन त्यार वेन जतरे मूँ खाणो खा ने लूँ, वतरे मारी चाकरी करतो रे, ईंका केड़े थूँ खाणो खई लेज्ये’?

लूका 22:27

काँके मोटो कूण हे? वो जो जीमण में जीमें हे कन पसे वो जो परुसकारी करे हे? कई वी ने जी जीमण में जीमें हे? पण, मूँ थाँका बचमें वणी परुसकारी करबावाळा दास की तरिया हे।

यहुन्ना 13:12

जद्याँ वो वाँका पगा ने धो चुक्यो अन आपणाँ कोट पेरन पाछो आपणी जगाँ पे बेटग्यो, तो वो वणाऊँ केबा लागो, “कई में ज्यो किदो वींका बारा में थाँ हमज्या?

2 कुरिन्थियों 8:9

काँके थाँ आपणाँ परबू ईसू मसी की दया ने तो जाणोइस हो अन थाँ ओ भी जाणो हो के, वीं अमीर वेता तका भी थाँका वाते गरीब बणग्या। जणीऊँ वाँकी गरीबीऊँ थाँ अमीर वे जावो।

1 यहुन्ना 3:11

थाँने एक दूजाँ का हाते परेमऊँ रेणो छावे, काँके थाँने ओ हमच्यार सरुवातऊँ हुणायो ग्यो हे।