यहुन्ना 13:36 - नुवो नेम (मेवड़ी नया नियम)

³⁶ समोन पतरस ईसुऊँ क्यो, “हो परबू, थाँ कटे जावो हो?” ईसू वींने क्यो, “जटे मूँ जावूँ हूँ वटे थूँ अबे मारा पाच्छे ने आ सके, पण ईंका केड़े थूँ मारा नके आई।”

यहुन्ना 13:36 Iomraidhean Croise

यहुन्ना 13:33

“हो मारा प्यारा बाळकाँ, मूँ थाँका लारे थोड़ीक देर तईं हूँ, थें मने होदो अन जस्यान में यहूदी अदिकारियाऊँ क्यो हे, वस्यानीस मूँ थाँकाऊँ भी केवूँ हूँ, ‘जटे मूँ जारियो हूँ वटे थाँ ने जा सको।’

यहुन्ना 14:2

मारा परमेसर का घर में नरी रेवा की जगाँ हे, यद्याँ ने वेती तो मूँ थाँकाऊँ के देतो। काँके मूँ परमेसर का घर में थाँका वाते जगाँ त्यार करबा ने जावूँ हूँ।

यहुन्ना 16:17

तद्याँ वाँका कुई चेला एक-दूजाऊँ क्यो, “यो कई हे ज्यो यो आपाऊँ केवे हे, ‘थोड़ीक टेम केड़े मने थाँ ने देको अन पछे थोड़ीक टेम केड़े थाँ मने देको,’ अन ‘यो ईं वाते के, मूँ बापू का नके जाऊँ हूँ’?

यहुन्ना 16:5

अबे मारी टेम आगी हे के, मूँ मने खन्दाबावाळा का नके जाऊँ हूँ अन थाकामूँ कई माराऊँ ने पुच्छे के, ‘थूँ कटे जारियो हे?’

2 पतरस 1:14

काँके मूँ ओ जाणूँ हूँ के, मूँ ईं देह ने वेगोई छोडबावाळो हूँ। जस्यान आपणाँ परबू ईसू मसी मने बतायो हे।