यहुन्ना 13:18 - नुवो नेम (मेवड़ी नया नियम)

¹⁸ “मूँ थाँका हाराई का वाते ने केवूँ हूँ, जाँने में चुण लिदा वाँने मूँ जाणूँ हूँ, पण यो ईं वाते हे के, पुवितर सास्तर को यो लेक पूरो वे, ‘ज्यो मारा रोटा खावे हे, वीं मारा पे लात उठई।’

यहुन्ना 13:18 Iomraidhean Croise

मत्ती 10:36

मनकाँ का दसमण, वाँके खुद का घरकाइस वेई।

मत्ती 26:21

जद्याँ वीं खारिया हाँ, तो ईसू क्यो, “मूँ थाँने हाँची-हाँची केवूँ हूँ के, थाँकामूँ कुई एक मने धोकाऊँ पकड़ा देई।”

मत्ती 26:23

तद्याँ ईसू वाँने क्यो, “जिंको हात मारी थाळी में हे, वो मने धोकाऊँ पकड़वाई।

मरकुस 14:17

जद्याँ हाँज वीं, तो ईसू आपणाँ बाराई चेला के लारे वटे आग्या।

मरकुस 14:18

जदी वे हारई जणा बेटन जीमणो जिमरिया हा, तद्याँ ईसू क्यो, “मूँ हाँची केऊँ के, थाँकामूँ एक जणो, ज्यो मारा हाते जीमरियो हे। वो मने धोकाऊँ पकड़ा देई।”

मरकुस 14:20

ईसू वाँने क्यो, “वो थाँ बारा चेला मूँ एक हे, ज्यो मारी लारे प्याला में रोटी डबोकरियो हे।

लूका 22:21

“पण, देकज्यो, ज्यो मने धोकाऊँ पकड़वाई, वो मारा हाते अणी जीमण में हे।

यहुन्ना 13:21

या बाताँ क्या केड़े ईसू मन में घणो दकी व्यो अन क्यो, “मूँ थाँने सई-सई केवूँ हूँ के, थाँकामूँ एक जणो मने धोकाऊँ पकड़ा देई।”

यहुन्ना 13:22

तद्याँ चेला होच में पड़ग्या अन एक दूजाँ का मुण्डा ने देकबा लागा के, ईं किंका बारा में केरिया हे।

यहुन्ना 13:26

ईसू वाँने क्यो, “जिंने मूँ यो रोटी को कवो थाळी में डुबान देवूँ वोईस हे।” अन वणा कवो डुबान समोन इसकरियोती का पूत यहूदा ने दिदो।

यहुन्ना 15:16

थाँ मने ने चुण्यो पण में थाँने चुण्या हे अन थाँने ठेराया हे के, थाँ अस्या फळ-फळो जीं हमेस्या बण्या रेवे। तद्याँ थाँ मारा नामऊँ ज्यो कई बापऊँ मांगो, वो थाँने दे।

यहुन्ना 15:19

यद्याँ थाँ दनियाँ का वेता, तो दनियाँ थाँकाऊँ परेम राकती। पण ईं वाते के, थाँ दनियाँ का ने हो पण में थाँने दनियाँ मेंऊँ चुण लिदा हे ईं वाते दनियाँ थाँकाऊँ दसमणी राके हे।

यहुन्ना 15:25

यो ईं वाते व्यो के, वो बचन पूरो वे, ज्यो वाँके सास्तर में लिक्यो तको हे के, ‘वाँकाणी माराऊँ फालतू में दसमणी किदी।’

यहुन्ना 17:12

जद्याँ मूँ वाँका लारे हो, तो में थाँका नाम की तागतऊँ ज्यो थाँ मने दिदो हे, वाँकी रुकाळी किदी। में वाँने हमाळ राक्या अन बेस वीं मनक छोड़न ज्यो नास का आड़ी लेजाबावाळा गेले चाल पड़्यो, ओर किंकोई नास ने व्यो, ईं वाते के पवितर सास्तर में ज्यो बतायो ग्यो वो पूरो वेवे।

यहुन्ना 18:32

यो ईं वाते व्यो के, ईसू की वाँ बात पुरी वेवे ज्याँ वणा आपणी मोत का बारा क्यो हो के, वींकी मोत कस्यान वेई।

यहुन्ना 19:24

ईं वाते वाँकाणी एक-दूजाऊँ क्यो, “आपाँ ईंने ने फाड़ा पण, ईंका वाते गोट्याँ नाका के, ओ किंको वेई।” ओ ईं वाते व्यो के, पवितर सास्तर में ज्यो लिक्यो हे, वो पूरो वे, “वाँकाणी मारा गाबा एक-दूँजा में बाँट लिदा, अन मारा कुरता का वाते कागद की गोटी नाकी।” ईं वाते सपायाँ अस्यानीस किदो।

यहुन्ना 19:36

ईं बाताँ ईं वाते वींके, पवितर सास्तर में ज्यो बतायो ग्यो हो वो पूरो वेवे के, “वींको एक भी हाड़क्यो ने तोड़्यो जाई।”

यहुन्ना 21:17

ईसू तीजी दाण क्यो, “ए समोन, यहुन्ना का बेटा, कई थूँ माराऊँ परेम राके हे?” तो पतरस दकी वेग्यो के, वाँकाणी वींने तीजी दाण अस्यान काँ क्यो, “कई थूँ माराऊँ परेम राके हे?” अन वाँने क्यो, “ओ परबू, थाँ तो सब जाणो हो। थाँ ओ भी जाणो हो के, मूँ थाँकाऊँ परेम करूँ हूँ।” ईसू वींने क्यो, “मारा गारा ने चरा।

यहुन्ना 6:70

ईसू वाँने क्यो, “कई में थाँ बारेई जणा ने चुण्या हे? पछे भी थाँकामूँ एक जणो सेतान हे।”

थरप्या तका का काम 1:16

“ओ मारा भई अन बेना, ईसू ने बंदी बणाबावाळा ने गेलो बताबावाळो यहूदो, जिंका बारा में सास्तर में लिक्यो हे, जो दाऊद का मुण्डाऊँ पुवितर आत्मा नरई दनाँ पेल्याँई के दिदो हो, वाँ बात पुरी वेणी जरूरी ही।

थरप्या तका का काम 1:2

परमेसर की पुवितर आत्मा ईसू ने हरग में लेन परीगी वीं दन तईं ईसू हिकई अन किदी। ईसू को हरग में जाबाऊँ पेल्या ईसू थरप्या तका चेला ने पुवितर आत्माऊँ उपदेस दिदा।

2 कुरिन्थियों 4:5

अन माँ खुद को परच्यार ने कराँ हाँ पण परबू का रूप में ईसू मसी को परच्यार कराँ हाँ अन माँ माकाँ बारा में तो अस्यान केवाँ हाँ के, माँ ईसू का मस थाँका दास हाँ।

इब्रानियों 4:13

दनियाँ की कस्यी भी चीज परमेसरऊँ हपी तकी ने हे, वाँकी आक्याँ का हामे हारी चिजाँ खुली अन बना परदा की हे। वाँका हामे आपाँने आपणो लेको देणो हे।

परकासितवाक्य 2:23

मूँ वींका बाळकाँ ने मार देऊँ, तो हारी मण्डली ओ जाण जाई के, मूँ मन अन बदी जाणबावाळो हूँ। अन मूँ थाँ हाराई ने थाँका कामाँ के जस्यान बदलो देऊँ।