यहुन्ना 13:13 - नुवो नेम (मेवड़ी नया नियम)

¹³ थाँ मने ‘गरू’ अन ‘परबू’ केवो हो। थाँ सई केवो हो, काँके मूँ वोईस हूँ।

यहुन्ना 13:13 Iomraidhean Croise

मत्ती 20:28

जस्यान के मनक को पूत ईं वाते ने आयो के, वींकी सेवा-चाकरी किदी जावे पण ईं वाते आयो के, नरई ने छुड़ाबा का वाते आपणी जीव देवे।”

लूका 10:28

तद्याँ ईसू वणीऊँ क्यो, “थें बड़िया जवाब दिदो हे अन थूँ अस्यान करी तो, थूँ अनंत जीवन पाई।”

लूका 6:46

जद्याँ थाँ मारो केणो ने मानो, तो कई लेवा मने, हो परबू, हो परबू केवे हो?

लूका 7:43

समोन जवाब दिदो के, “मारा बच्यार में तो, वो जिंको हेलो करज माप किदो हे।” ईसू क्यो, “थें सई क्यो हे।”

यहुन्ना 11:2

यो लाजर नाम को मांदो मनक वणीस मरियम को भई हो, जणी परबू का पगा पे अंतर नाकन आपणाँ बालऊँ पूँछ्या हा।

यहुन्ना 11:28

अस्यान केन मारता पाच्छी परीगी अन आपणी बेन मरियम ने बलान छानेकूँ क्यो, “गरुजी अटेईस हे अन थने बलारिया हे।”

यहुन्ना 11:3

तद्याँ वींकी बेना ईसू का नके हमच्यार खन्दायो के, “हो परबू, देको थाँका पाको दोस्त लाजर मांदो हे।”

1 कुरिन्थियों 12:3

ईं वाते मूँ थाँने बतारियो हूँ के, ज्यो कुई परमेसर की आत्मा का आड़ीऊँ बोलबावाळा कुई भी ओ ने केवे के, “ईसू ने हराप लागे” अन ने कुई बना पुवितर आत्माऊँ के सके के, “ईसूइस परबू हे।”

1 कुरिन्थियों 8:6

पण आपणाँ वाते तो एकीस परमेसर हे आपणाँ बापू। वणाईस हारी चिजाँ बणई हे अन वाँका वातेईस आपीं जीवा हाँ। परबू खाली एकीस हे, ईसू मसी। वाँकाऊँईस हारी चिजाँ वीं हे अन आपणो जीवन भी वाँकाऊँईस हे।

इपिसियों 6:9

हो मालिक, थाँ भी धमकियाँ देणी छोड़न वाँका हाते वस्यानीस वेवार करो, काँके थाँ जाणो हो के, वाँका अन थाँको मालिक हरग में हे, अन वो किंकोई पकस ने लेवे।

फिलिपियों 2:11

अन बापू परमेसर की मेमा का वाते हारई ओ मान ले के, ईसू मसीइस परबू हे।

फिलिपियों 3:8

बेस अणा बाताँइस ने पण हारी बाताँ ने मारा परबू ईसू मसी ने जाणणो, ज्यो घणो मोटो हे, वींका हामे वल हमजूँ हूँ। वीं मसी का वाते में हारी चिजाँ ने छोड़ दिदी अन वाँने कचरो हमजूँ हूँ, ताँके मूँ मसी ने पाबा को नफो पा सकूँ

याकूब 2:19

अन थूँ विस्वास करे हे के, एकीस परमेसर हे, तो ओ हव हे। पण ओ विस्वास तो हुगली आत्मा भी करे, अन वींके आगे धूजे हे।