यहुन्ना 12:43 - नुवो नेम (मेवड़ी नया नियम)

⁴³ काँके मनकाँ की बड़ई वाँने परमेसर की बड़ईऊँ घणी वाली लागती ही।

यहुन्ना 12:43 Iomraidhean Croise

मत्ती 6:2

“ईं वाते जद्याँ थाँ कणी जरुतवाळा ने दान देवो हो तो आपणी बड़ई मती करज्यो, जस्यान के परातना घर में अन गेला-गाटे कपटी मनक दूजाऊँ आपणी बड़ई करबा का वाते करे हे। मूँ थाँने हाचेई केवूँ हूँ के, वाँने वाँको फळ पेल्याई दिदो जा चुक्यो हे।

लूका 16:15

ईंपे ईसू वाँने क्यो, “थाँ अस्या लोग-बाग हो, जी मनकाँ का हामे आपणाँ खुद ने धरमी बतावे हे, पण परमेसर थाँका मन ने जाणे हे। मनक जिंने मोटा हमजे हे, वो परमेसर की देकणी में कई ने हे।

लूका 19:17

वणी वींने क्यो, ‘धन्न हे हव दास, थने धन्न हे। थूँ थोड़ाक मेई विस्वास राक्यो। अबे थूँ दस ठिकाणा ऊपरे अदिकार राकी।’

यहुन्ना 12:26

यद्याँ कुई मारी सेवा करणो छावे, तो वींने मारे पाच्छे चालणोइस पेड़ी, जणीऊँ जटे मूँ हूँ, वटे वो भी वेवे। यद्याँ कुई मारी सेवा-चाकरी करी, तो मारा बापू परमेसर भी वाँको आदर-मान करी।

यहुन्ना 5:41

“मूँ मनकाँ का मुण्डाऊँ किदी तकी बड़ई ने छावूँ हूँ।

यहुन्ना 5:44

थाँ ज्यो एक-दूजाऊँ मान छावो हो अन वो मानज्यो खाली परमेसर का आड़ीऊँ मले हे, वींकी थाँने कई परवा ने हे। तो थाँ मारा पे कस्यान विस्वास कर सको हो?

यहुन्ना 7:18

ज्यो कुई आपणाँ आड़ीऊँ केवे हे वो खुद की बड़ई छावे हे पण ज्यो आपणाँ खन्दाबावाळा की बड़ई छावे हे वो हाँचो हे अन वींमें कई खोट ने हे।

यहुन्ना 8:54

ईसू वाँने क्यो, “यद्याँ मूँ खुद को मान करतो, तो वो मान कई ने हे। पण मने मान देबावाळो मारो बाप हे, जिंने थाँ थाँको परमेसर केवो हो।

रोमियों 2:29

पण हाँचो यहूदी वोईस हे, ज्यो मन में हे, अन हाँचो खतनो वोईस हे, ज्यो आत्माऊँ मन को खतनो हे, ने के, लिक्या तका नेमा को। अस्या मनकाँ की बड़ई मनकाँऊँ ने पण परमेसर का आड़ीऊँ वेवे हे।

रोमियों 2:7

थोड़ाक मनक ज्यो धीरजऊँ हमेस्यान भला काम करता आरिया हे अन मेमा, मान अन अनंत जीवन की खोज में हे वाँने परमेसर अनंत जीवन देई।

1 कुरिन्थियों 4:5

ईं वाते जद्याँ तईं परबू ने आवे वणीऊँ पेल्याँ किंको भी न्याव मती करो। वीं तो अदंकार में हपी तकी बाताँ ने भी उजिता में दिकाई अन मना की बाताँ भी हामे लाई अन वणी दाण परमेसर का आड़ीऊँ हरेक की बड़ई वेई।

2 कुरिन्थियों 10:18

काँके ज्यो आपणी खुद की बड़ई करे हे, वो मान्यो ने जावे हे पण जिंकी बड़ई परबू करे हे, वोईस मान्यो जावे हे।

1 थिस्सुलुनिक्यों 2:6

अन माँ ओ ने छावाँ के, थाँ अन मनक अन कुई दूजाँ माँने आदर-मान देवे।

1 पतरस 3:4

पण थाँ थाँको मयने का मन ने परबू का वसनऊँ जो सान्ती अन हुदा भावऊँ भरियो तको हे, वणीऊँस खुद ने सजाज्यो, काँके अस्यान को सजणो-धजणो परमेसर का हामे घणो हव हे।