यहुन्ना 12:2 - नुवो नेम (मेवड़ी नया नियम)

² वणा वाँका वाते जीमणो त्यार किदो। अन मारता खाणो परोसरी ही अन लाजर वींकामूँ एक हो, ज्यो वाँका लारे खाणो खाबा ने बेट्यो हो।

यहुन्ना 12:2 Iomraidhean Croise

मत्ती 26:6

जद्याँ ईसू बेतनियाँ नगर में समोन का घर में हा, जिंको कोड़ हव वेग्यो हो।

मरकुस 14:3

जदी बेतनियाँ में ईसू समोन ज्यो पेल्याँ कोड़ी हो, वींके घर में जीमणो जिमरिया हाँ, वीं टेम एक लुगई धोळा भाटा का ठामड़ा में हव वाना को खरो अन मेंगा मोल को अंतर लेन अई। वणी ठामड़ा ने फोड़्यो अन अंतर ईसू का माता पे ऊँदा दिदो।

लूका 12:37

धन्न हे वीं दास, जणा ने मालिक जागता तका अन त्यार देके। मूँ थाँकाऊँ हाचेई केवूँ हूँ के, वो भी त्यार वेन वाँने जीमबा का वाते बेवाड़ी अन नके आन वाँकी सेवा-चाकरी करी।

लूका 14:12

पसे ईसू वीं जीमणवाळाऊँ क्यो, “जद्याँ थूँ दने कन राते जीमणो राके, तो आपणाँ हण्डाळ्याँ, भायाँ, परवारवाळा कन रिप्यावाळा पड़ोस्याँ ने मती बुलाज्ये, कटे अस्यान ने वे के, वीं भी आपणाँ जीमण में थने बलान ईंको बदलो पाछो उतार देई।

लूका 22:27

काँके मोटो कूण हे? वो जो जीमण में जीमें हे कन पसे वो जो परुसकारी करे हे? कई वी ने जी जीमण में जीमें हे? पण, मूँ थाँका बचमें वणी परुसकारी करबावाळा दास की तरिया हे।

लूका 5:29

वणी लेवी आपणाँ घर में ईसू की आवभगत का वाते मोटो जीमण राक्यो। अन आया तका मेमान में नरई लगान लेबावाळा अन दूजाँ मनक भी हा। ईं हाराई ईसू का हाते जीमण में बेटा हा।

परकासितवाक्य 3:20

हुणो, मूँ बारणा आगे ऊबो हूँ अन हेलो पाड़रियो हूँ। यद्याँ कुई मारो हेलो हुणन कमाड़ खोली, तो मूँ वींका घर आऊँ अन वींका हाते खाणो खाऊँ अन वो मारा हाते खाणो खाई।