यहुन्ना 12:13 - नुवो नेम (मेवड़ी नया नियम)

¹³ ईं वाते वीं खजुर की डाळ्याँ लिदी अन वाँकाऊँ मलबा ने निकल्या, अन केबा लागा, “परमेसर की मेमा वेवे, परबू का नामऊँ आबावाळा ने परमेसर आसीस देवे। इजराएल का राजा ने परमेसर आसीस देवे।”

यहुन्ना 12:13 Iomraidhean Croise

मत्ती 23:39

मूँ थाँकाऊँ केवूँ हूँ के, अबेऊँ जद्याँ तईं थाँ ने केवो के, ‘धन्ने हे वीं, ज्यो परबू का नामऊँ आवे हे, तद्याँ तईं मने पाछो कदी ने देको।’ ”

मत्ती 27:42

“अणी ओरा ने बंचाया, पण आपणाँ खुद ने ने बंचा सके। ओ तो इजराएल को राजा हे, अबे हूळीऊँ उतरन आवे तो आपाँ ईंपे विस्वास करा।

यहुन्ना 1:49

नतनएल वाँने जवाब दिदो, “हो गरुजी, थाँ परमेसर का पूत हे। थाँ इजराएल को राजा हे।”

यहुन्ना 12:14

तद्याँ ईसू ने गदेड़ी को बच्यो मल्यो, तो वो वींपे बेटग्यो। जस्यान पुवितर सास्तर में लिक्यो तको हे के,

यहुन्ना 12:15

“हो यरूसलेम का मनकाँ, दरपो मती। देको, थाँको राजा गदेड़ी का बच्याँ पे बेटन आरियो हे।”

यहुन्ना 19:15

पण, वीं ओरी ज्योरऊँ हाको करन क्यो, “ईंने मारी नाको, ईंने मारी नाको, ईंने हूळी पे चड़ई दो।” पिलातुस वाँने क्यो, “कई थाँ छावो हो के, मूँ थाँका राजा ने हूळी पे चड़ई दूँ?” मुक्य याजकाँ जबाव दिदो, “रोमी राजा ने छोड़न माँको कुई दूज्यो राजा कोयने हे।”

परकासितवाक्य 15:3

वीं मनक परमेसर का दास मूसा अन उन्याँ का गीत गारिया हा, “वीं घणा मोटा काम हे ज्याँने थाँ करता रेवो हो। थाँका काम अचम्बा का हे अन थाँकी तागत जुग-जुग तईं हे। परबू परमेसर, थाँको गेलो हाँचो अन धरम का कामाँऊँ भरियो हे, थाँ हारी जात्या का राजा हो।

परकासितवाक्य 19:16

वींकी जाँग अन वींका गाबा पे अस्यान लिक्यो तको हो, ओ राजावो को राजा अन परबू को परबू।

परकासितवाक्य 7:9

ईंका केड़े में कई देक्यो के, मनकाँ का मोटी भीड़ हे जिंने कुई भी गण ने सके, वीं भीड़ में हारी जात्या का, हाराई कुल का, हारी बोली बोलबावाळा अन हाराई देसा का मनक हा, वीं वणी गादी अन उन्याँ का हामे ऊबा हा, वणा धोळा गाबा पेर मल्या हा अन हाताँ में खजुर की डाळ्याँ ले राकी ही।